اسلام آباد(خصوصی رپورٹ) بدھ کی شب ، جی ایچ کیو کے سبزہ زار پر منعقد ہونے والی یوم شہداکی تقریب میں براہ راست اور بین السطور ، دونوں طریقوں سے یہ پیغام دیا گیا کہ پاکستان ترنوالہنہیں کہ اسے سرجیکل سٹرائیکس کا نشانہ بنایا جائے ۔ بعض شرکا کی رائے تھی کہ یہ پیغام ، بھارت اور امریکہ دونوں کیلئے تھا کیونکہ بھارت، کنٹرول لائن کے اس پار سرجیکل سٹرائیک کرنے کا دعویدار ہے جس کا اگرچہ کوئی ثبوت نہیں جب کہ بعض مبصرین کو خدشہ ہے کہ جنوبی ایشیااور افغانستان کیلئے ٹرمپ کی نئی پالیسی کے اعلان کے بعد مغربی سرحد سے مزید ڈرون حملے یا سرجیکل سٹرائیک کی جا سکتی ہے۔ ان ہی خدشات پر تبصرہ کرتے ہوئے ایک سینئر افسر کا کہنا تھا کہ ، ایبٹ آباد میں امریکہ کی کارروائی اس لئے ممکن ہو سکی تھی کہ ہمیں خوش فہمی تھی کہ افغانستان میں ایک دوست ملک موجود ہے جس کے ہم نان نیٹو اتحادی ہیں، یہ خوش فہمی دور ہو گئی اور اب علم ہے کہ وہاں دشمن موجود ہے اس لئے اب کوئی آ کر دکھائے۔ اس تقریب کی غالبا سب سے اہم بات جنرل باجوہ کا یہ اعلان تھا کہ جہاد ریاست کا ہی حق ہے اور یہ حق ریاست کے پاس ہی رہنا چایئے ۔ اسی خطاب میں انہوں نے واضح کیا کہ دہشت گرد گروپ جہاد کے نام پر فساد کر رہے ہیں۔قومی سطح پر اسی نوعیت کے واضح بیانیہ کی ضرورت ہے جو بطور خاص نوجوانوں کو گمراہ گروپوں کے ہاتھ لگنے سے بچائے گی۔ تقریب کے شرکانے بطور خاص اس اعلان کو نوٹ کیا۔ بلوچستان کے حوالہ سے جنرل باجوہ نے خصوصے پیرائے میں گفتگو کرتے ہوئے کہا کہ بلوچستان کو اسی طرح خون دینے کوتیار ہیں جیسے اس کے بیٹوں نے دیا ہے ،ہمیں بلوچستان کے غیور عوام پر فخر ہے جہنوں نے دہشت گردی ،علیحدگی پسندوں کو یکسر مسترد کیا۔انہوں نے واضح کیا کہ دشمن کسی غلط فہمی میں نہ رہے ہم ان کی ہر نقل وحرکت پر نظررکھے ہوئے ہیں۔ دشمن ہمارے اند ر کسی بھی قسم کی تقسیم نہیں ڈال سکتا ہم ایک ہیں ہمارا دشمن یہ جان لے کہ پاکستان کے انچ ،انچ کی حفاظت کریں گے۔یوم شہداکی یہ تقریب روایتی جوش و جذبہ کے ساتھ منائی گئی جس میں شہداکے خاندانوں کو مہمان خصوصی کا درجہ حاصل تھا اور وہ ہر نگاہ کا محور تھے۔ تقریب کے دوران شہدا کے بارے میں دستاویزی فلم دکھانے کے موقع پر تو سب ہی شرکاآبدیدہ تھے جب کہ شہداکے لواحقین کیلئے پوری تقریب ہی جذباتی رنگ لئے ہوئے تھی۔ نظامت کے فرائض سرانجام دینے والوں نے شاندار الفاظ میں شہیدوں اور غازیوں کو سلام پیش کیا جب کہ ضیامحی الدین کی تحت الفظ پڑہی گئی ملی نظم نے میلہ ہی لوٹ لیا۔قبل ازیں یوم دفاع کی خصوصی تقریب کے پہلے حصے میں پاکستان کے دفاع کے لیے اپنی جانیں قربان کرنے والے شہداءکو خراج عقیدت جبکہ دوسرے حصے میں شہداءکی داستان پیش کی گئی۔ تقریب کے انعقاد سے بھرپور استفادہ کرتے ہوئے پاکستان کی ستر برس کی تاریخ پر محیط متعلق دستاویزی فلم دکھائی گئی جبکہ پاک چین اقتصادی راہداری اور مختلف ترقیاتی منصوبوں کا بھی ذکر کیا گیا۔تقریب میں پاک فوج کے چاق و چوبند دستے کی روایتی پریڈ بھی پیش کی گئی۔ تاہم فوجی بینڈ کی کارکردگی نے شرکاکے دل جیت لئے۔ تقریب میں ملک کے منتخب سیاسی نمائندوں کی موجودگی نے یکجہتی کے تاثر کو تقویت دی۔ حکمراں مسلم لیگ اور حزب اختلاف کی پیپلز پارٹی کی نمائندگی موجود تھی تاہم تحریک انصاف جیسی بڑی سیاسی جماعت کے نمائندوں کی عدم موجودگی محسوس کی گئی۔ جنرل قمر جاوید باجوہ نے یوم شہداپر پھول چڑھائے سلامی پیش کی ۔تقریب میں شریک شرکانے کھڑے ہو کر شہداکو خراج عقیدت پیش کیا ۔تقریب میں ملی نغموں اور قومی ترانوں کے ذریعے پاک وطن کے دفاع میں اپنی جانیں نچھاور کرنے والے عظیم شہداکو خراج عقیدت پیش کیا گیا اور مقبوضہ کشمیر میں بھارتی فورسز کے ظلم و بربریت کی مذمت کی گئی۔

لندن (آن لائن) برطانیہ کی کراو¿ن پراسیکیوشن سروس نے متحدہ ایم کیو ایم لندن کے بانی الطاف حسین کی نفرت انگیز تقاریر کی تحقیقات کے لیے پاکستان کی مدد طلب کرلی۔ میڈیا رپو رٹ کے مطابق برطانوی انتظامیہ الطاف حسین کی 11 مارچ 2015 اور 22 اگست 2016 کی تقاریر کے نتیجے میں سامنے آنے والے اشعال انگیزی کے واقعات پر غور کررہی ہے۔برطانیہ کی جانب سے الطاف حسین پر اشتعال انگیزی کو ہوا دینے، برطانیہ سے باہر موجود افراد کو دہشت گردی پر اکسانے اور دہشت گردی کی حوصلہ افزائی جیسے الزامات عائد کرنے پر غور کیا جارہا ہے۔بانی ایم کیو ایم کے خلاف زیر غور دیگر الزامات میں جان بوجھ کر جرم کے لیے لوگوں کی حوصلہ افزائی اور مدد کرنا شامل ہے،یہ مختلف جرائم دہشت گردی ایکٹ، سیرس کرائم ایکٹ، اور پبلک آرڈر ایکٹ کے زمرے میں آتے ہیں۔اس حوالے سے جب ایم کیو ایم کا ردعمل لینے کی کوشش کی گئی تو انہوں نے تبصرے سے انکار کردیا۔واضح رہے کہ رواں سال 8 اگست کو پاکستان کو بھیجی جانے والی برطانوی دستاویز میں بتایا گیا ہے کہ کس طرح 22 اگست 2016 کی تقریر کے بعد الطاف حسین کے کراچی میں موجود حمایتی طیش میں آگئے۔دستاویز میں کہا گیا کہ ’ایسا محسوس ہوا کہ اپنی تقریر کے اختتام میں الطاف حسین حاضرین کو آگے بڑھنے اور مقامی میڈیا اسٹیشنز پر حملے کی حوصلہ افزائی کررہے تھے‘۔سی پی ایس کے مطابق مظاہرین نے ایک نجی ٹی وی کے آ فس پر حملہ کردیا ’اشتعال انگیزی کے نتیجے میں ایک شخص ہلاک جبکہ متعدد زخمی ہوگئے‘۔