رینالہ خورد (مانیٹرنگ ڈیسک) آج صبح مختلف علاقوں میں مبینہ پولیس مقابلے کے دوران4 ڈاکو مارے گئے جبکہ 2 فرار ہونے میں کامیاب ہوگئے۔ نجی ٹی وی کے مطابق حویلی لکھا کے علاقے تھانہ حجرہ کی حدود میں پولیس مقابلہ میں 2 ڈاکو ہلاک جبکہ 2 فرار ہوگئے۔ ڈاکوﺅں کے دو ساتھی فائرنگ کرتے ہوئے فرار ہوگئے‘ جن کی تلاش جاری ہے۔ رینالہ خورد کے علاقے چوچک کی حدود میں مبینہ پولیس مقابلے میں 2 ڈاکو مارے گئے۔ ڈاکوﺅں سے پولیس سے چھینی گئی رائفل بھی برآمد کرلی گئی۔ ہلاک ہونے والے ڈاکوﺅں نے چند روز قبل مزاحمت پر ایک شخص کو قتل کردیا تھا۔
