فتح جنگ‘ اٹک (خصوصی رپورٹ) پاکستان آئل فیلڈ لمیٹڈ (پی او ایل) نے ضلع اٹک کے اخلاص بلاک میں تیل اور گیس کا ایک بڑا ذخیرہ دریافت کیا۔ یہ پچھلے پانچ برسوں میں پنجاب میں تیل اور گیس کی ایک بہت بڑی دریافت ہے۔ پی او ایل کی یہ دریافت اسلام آباد سے تقریباً 83کلومیٹر جنوب مغرب میں شمالی پوٹھوہار ضلع اٹک میں جھنڈیال کنوئیں سے ہوئی ہے۔ اس میں پی او ایل 80فیصد اور اٹک آئل کمپنی 20فیصد حصہ کی مالک ہے۔ کنوئیں سے تیل کی یومیہ پیداوار 2520بیرل اور گس کی پیداوار 21ملین کیوبک فٹ تک ہے۔ اس گیس میں 86فیصد میتھین‘ 7.2فیصد ایتھین اور 2.9فصد پروپین ہے اور اس کے ہر ملین کیوبک فٹ گیس سے تقریباً 2.5میٹرک ٹن ایل پی جی حاصل ہوگی۔ ڈھرنال فیلڈز کے شمال میں واقع منڈیال کے ذخیرہ کا رقبہ تقریباً 15مربع کلومیٹر ہے۔ ابتدائی تخمینہ کے مطابق یہ دریافت تقریباً 292بلین سٹینڈرڈ کیوبک فٹ گیس اور تقریباً 23ملین بیرلز تیل کا ذخیرہ لئے ہوئے ہے۔
