اسلام آباد (خصوصی رپورٹ) ن لیگ کے رہنما کیپٹن (ر) صفدر نے کہا ہے کہ ختم نبوت شق کے حوالے کمیٹی بن چکی ہے‘ سازش ہے یا جان بوجھ کر تبدیلی کی گئی‘ مزید بات رپورٹ آنے پر کروں گا۔ خصوصی گفتگو کرتے ہوئے انہوں نے کہا کہ نوازشریف بیگم کلثوم نواز کی صحت یابی کے بعد جلد وطن واپس آ جائیں گے۔ انہوں نے کہا نوازشریف خود اپنے آپ کو نہیں بچا سکے تو وہ ممتاز قادری کو کیسے بچاتے۔ وکلاءاور پولیس کی ہاتھا پائی کے بارے میں انہوں نے کہا کہ میں جب آیا تو اس وقت 3سے چار وکیل تھے‘ میرے احتساب عدالت میں جانے کے بعد ہلڑبازی ہوئی ہے جس کا مجھے علم نہیں۔
