بیٹ ظاہر پیر (نمائندہ خبریں) معروف عالم دین اور سابق وزیراعظم محترمہ بینظیر بھٹو کے روحانی پیر مولانا سراج احمددین پوری کے فرزند مولانا بلال احمد دین پوری نے کہا ہے کہ سابق وزیراعظم محترمہ بینظیر بھٹو شہید مولانا سراج احمد دین پوری کی بڑی عقیدت مند تھیں اور ان کے مشورے پر پورا پورا عمل کرتی تھیں۔ انہوں نے انکشاف کیا کہ بینظیر بھٹو نے مولانا سراج احمد کے حکم پر شادی کی اور سر پر دوپٹہ بھی ان کے حکم پر اوڑھا۔ والد محترم مولانا سراج احمد دین پوری نے ان سے فرمایا کہ شادی کرلو اس کے بعد ہم تمہارے سر پر دوپٹہ اوڑھیں گے۔ ایک دعوت میں کھڑے ہو کر کھانے کو مولانا نے سخت ناپسند کیا جو محترمہ نے فوراً محسوس کرلیا اور خود چل کرآئیں اور جب انکے والد نے بتایا کہ یہ سنت طریقہ نہیں اور یہ انسانوں والا کام نہیں تو ان کے لئے نیچے دسترخوان لگوایا اور کہا کہ یہ سنت طریقہ ہے۔ انہوں نے انکشاف کیا کہ محترمہ کے شوہر اسے مارتے تھے اوراس کا وہ کئی بار ان کے والد مولانا سراج احمد دین پوری سے اظہار بھی کر چکی تھیں لیکن ان کی دینی تعلیمات کے پیش نظر اپنے خاوند کا احترام کرتی تھیں۔ اب پیپلزپارٹی میں وہ دم خم نظر نہیں آتا۔ انہوں نے امت مسلمہ پر زور دیا کہ اسلام دشمن عناصر دنیا میں فساد برپا کررہے ہیں اور نہتے مسلمانوں پر ظلم کررہے ہیں۔ تمام اسلامی ممالک متحد ہو کر ان کا مقابلہ کریں۔مولانا بلال دین پوری
