واشنگٹن (خصوصی رپورٹ) امریکی ریاست ورجینیا کے دیہی علاقے کی پولیس نے ایک خاتون کو پریشان کر دینے والی تفصیلات جاری کی ہیں جن کے مطابق گزشتہ ہفتے چہل قدمی کرتے ہوئے ان کو اپنے ہی وہ پالتو کتوں نے حملہ کرکے ہلاک کردیا۔ چار روز کے بعد جب 22 سالہ ہیتھنی سٹیفنز کی لاش ملی تو پولیس نے ہلاکت کے بارے میں بتانے کے لئے پریس کانفرنس کی۔ جمعہ کو جب پولیس اہلکاروں کو کتے ملے تو ان کے مطابق وہ سمجھے کہ یہ کتے کسی مردہ جانوروں کی لاش کے گرد کھڑے ہیں۔ تاہم بعد میں معلوم ہوا کہ وہ سٹیفنز کی لاش تھی اور پولیس کے مطابق پٹ بل نسل کے یہ کتے اسے کھا رہے ہیں۔ ایسا لگتا ہے کہ کتوں نے پہلے انہیں زمین پر گرایا‘ جس سے وہ بے ہوش ہوگئیں اور پھر انہی کتوں نے ان پر حملہ کرکے انہیں مار ڈالا۔
