فیصل آباد (سٹی بیورو، سٹاف رپورٹر) مسلم لیگ ن کے 2 ایم این ایز ، 4ایم پی ایز اور 30 چیئرمینوں نے ختم نبوت کے معاملے پر مستعفی ہونے کا اعلان کردیا۔ تفصیلات کے مطابق پیر حمید الدین سیالوی کی زیر صدارت فیصل آباد کے دھوبی گھاٹ میں تحفظ ختم نبوت کانفرنس جاری ہے جس میں لیگی ایم این ایز اور ایم پی ایز بھی شریک ہیں اور اپنے استعفوں کا باری باری اعلان کر رہے ہیں۔ ختم نبوت کانفرنس کے دوران اب تک ن لیگ کے 2 ایم این ایز غلام بی بی بھروانہ اور ڈاکٹر نثار جٹ اپنے استعفے دے چکے ہیں۔ علاوہ ازیں ایم پی اے نظام الدین سیالوی نے بھی اپنی نشست سے استعفی دینے کا اعلان کردیا ہے۔ ان کا کہنا تھا کہ وہ اپنی ہزار سیٹیں قربان کرنے کیلئے تیار ہیں یہ میرے لیے بڑی سعادت ہے، ختم نبوت کیلئے میں اپنی جان ، مال اور ہر چیز قربان کرنے کیلئے تیار ہوں۔ ارکان پنجاب اسمبلی مولانا رحمت اللہ خان اور محمد خان بلوچ نے بھی کانفرنس کے دوران استعفوں کا اعلان کیا ہے۔ عاصم شہزاد سمیت 30 یونین کونسلز کے چیئرمینوں کے استعفوں کا اعلان کیا گیا ہے۔ کانفرنس کے اختتام پر مشترکہ اعلامیہ جاری کیا گیا ہے۔ اعلامیے میں کہا گیا ہے کہ اگر وزیر اعلیٰ پنجاب نے رانا ثناءاللہ کا استعفیٰ نہ لیا تو وہ اگلا پڑاﺅ لاہور یں ڈالیں گے۔ اعلامیے میں کہا گیا ہے کہ اگر پنجاب حکومت نے وزیر قانون کا استعفیٰ نہ لیا تو اگلی کانفرنس لاہور میں منعقد کی جائے گی جس میں پنجاب بھر سے لوگ شریک ہوں گے جبکہ مزید ممبران اسمبلی اپنے استعفے جمع کرائیں گے۔ اعلامیے کے مطابق15سے زائد ممبران اسمبلی لاہور کی کانفرنس میں استعفے دیں گے اور کانفرنس کی تاریخ کا اعلان جلد ہی کیا جائے گا۔ مستعفی ہونے والوں میں ایم این اے غلام بی بی بھروانہ،ڈاکٹرنثارجٹ،ایم پی اے نظام الدین سیالوی،محمدخان بلوچ اورمولانا رحمت اللہ شامل ہیں۔اس کے علاوہ سرگودھاسے ممبرضلع کونسل ملک صدام حسین،ن لیگ یوتھ ونگ پنجاب کے صدرمحمدعلی ٹوانہ سمیت 20یوسی چیئرمینز اوروائس چیئرمینوں نے بھی استعفے دے دیئے۔کانفرنس سے سابق وزیراعلی پنجاب دوست محمد کھوسہ،دیوان احمد مسعود چشتی،صاحبزادہ غلام الدین سیالوی،پیرمسعودالدین چشتی،ڈاکٹراشرف آصف جلالی،صاحبزادہ حامدرضا،غلام بی بی بھروانہ ،ڈاکٹرنثارجٹ،نظام الدین سیالوی،محمدخان بلوچ ،مولانا رحمت اللہ ودیگر نے بھی خطاب کیا۔تقریب سے خطاب کرتے ہوئے پیرحمیدالدین سیالوی نے کہا کہ میں سیاسی آدمی نہیں اورنہ ہی سیاست کی بات کروںگا۔ہم ختم نبوت پرایمان رکھتے ہیں۔ناموس رسالتکی خاطرآئے ہیں۔ہرشہر،گاﺅں اورگلی گلی ختم نبوتکاپیغام پنچائیں گے۔70سال گزرچکے آج تک کسی نے اسلام کا نام نہیں لیاجبکہ ملک اسلام کے نام پرلیاگیا۔حکومت ملک میں نظام مصطفی رائج کرے۔اس موقع پر سابق وزیراعلی پنجاب دوست محمد کھوسہ نے خطاب کرتے ہوئے کہاکہ ختم نبوت کے مسئلے پر حکومت کوئی چیز نہیں ہے۔راناثناءاللہ اورزاہد حامد کو چھوڑیں ۔یہ جس سوچ کا پرچارکررہے ہیںاس پر ساری حکومت کا استعفی لیناہوگا۔ایک دواستعفوں سے کام نہیں چلے گابلکہ پوری حکومت کو جاناہوگا۔اس مائنڈ سیٹ کا خاتمہ ضروری ہے۔ڈاکٹراشرف آصف جلالی نے خطاب کرتے ہوئے کہاکہ فیصل آباد میں ختم نبوت کے نام پر شہیدہونے والوں کو سلام پیش کرتاہوں۔اقتدارکوٹھوکرمارنے والوں کو خراج تحسین پیش کرتاہوں۔پاکستان امریکا کی کالونی نہیں ہے۔ختم نبوت سے چھیڑچھاڑ کرنے والوں کو چھوڑا نہیں جائے گا۔پیرحمیدالدین سیالوی حکم دیں توپورا ملک جام کردیں گے۔اس موقع پر مستعفی ہونے والی ایم پی اے غلام بی بی بھروانہ نے کہا کہ ایک استعفی کیاچیز ہے ختم نبوت کے تحفظ کے لئے اپنی جان بھی قربان کرسکتے ہیں۔ایم این اے ڈاکٹرنثارجٹ نے کہا کہ مشائخ عظام کے رابطے کرنے پر لبیک کہا۔اپنی آئندہ سیاست کافیصلہ پیرسیال کے ہاتھ پر رکھتاہوں۔صاحبزادہ غلام الدین سیالوی نے کہا کہ ختم نبوت پر استعفی میرے لئے سعادت ہے۔جبکہ پیر مسعود الدین چشتی کا کہناتھا کہ جو بھی ن لیگ سے وابستہ ہے فوری مستعفی ہوجائے۔ تحریک لبیک یارسول کے سر براہ ڈاکٹر اشرف جلالی، سنی اتحاد کونسل کے رہنما صاحبزادہ حامد رضا، سابق وزیراعلیٰ پنجاب دوست محمد کھوسہ نے کہا کہ ہم اپنی جانوں کے نذرانے ہتھلیوں پر رکھ کر حاضر ہیں۔ حکمرانوں تم نے ختم نبوت کے قانون کو چھیڑا ہے۔ ہم اقتدار کے رسہ گیروں کا خاتمہ کر کے دم لیں گے۔ ہمارے پاس 20سے زائد چیئرمینز اور مزید اراکین اسمبلی کے استعفے موجود ہیں جن کی تفصیل میڈیا کو دےدی جائے گی اور 25سے زائد ارکان اسمبلی کے استعفے اگلی قسط میں دیں گے اگر ہماری بات نہ مانی گئی تو اگلہ پڑاﺅ لاہور میں ہو گا۔ دھرنا دیا اور پھر احتجاج کیا جائے گا۔ ختم نبوت کانفرنس میں 30سے زائد مذہبی جماعتوں اور تنظیموں نے شرکت کی۔ختم نبوت کانفرنس میں دیوان عظمت سید محمود چشتی پاک پتن شریف، سید حبیب عرفانی سندر شریف، سردار عتیق الرحمن آزاد کشمیر، سید عنایت بادشاہ آستانہ صابریہ میر پور،میاں عبدالخالق بھر چونڈی شریف، سید انوار الحسن کاشف گیلانی، محمد اقبال ڈار آزاد کشمیر، دیوان احمد مسعود چشتی، سائیں محمد طفیل چشتی صابری ، خواجہ اسرار الحق، پیر امین ساجد،معین علوی، خواجہ قطب الدین فریدی، فخر الدین چشتی نظامی،پاکستان تحریک انصاف کے مرکزی رہنما میاں فرخ حبیب، ایم پی اے شیخ خرم شہزاد، میاں وارث، فیض اللہ کموکا، اسماعیل سیلا،امجد وڑائچ و دیگر سیاسی، مذہبی جماعتوں اور تنظیموں کے رہنماﺅں نے بھی خطاب کیا۔ دھوبی گھاٹ کی جلسہ گاہ کھچا کھچ بھری ہوئی تھی۔ پیر حمید الدین سیالوی کے مریدین نے بھی بھر پور شرکت کی۔ جلسہ گاہ کے اندر جیمر لگا کر موبائل سروس بند رکھی گئی۔

نارووال(خصوصی رپورٹ) وزیر داخلہ احسن اقبال نے کہا ہے کہ ‘4، 5 استعفوں سے فرق نہیں پڑتا، اسمبلیاں توڑ کر دھاندلی کرانیکا منصوبہ ہے ،۔اپنے آبائی شہر میں سبزی منڈی میں افتتاحی منصوبے کے افتتاح کے بعد جلسے سے خطاب کرتے ہوئے وزیر داخلہ سابق صدر آصف زرداری اور عمران خان پر خوب برسے او ر کہا کہ دھرنے صرف ملکی ترقی روکنے کیلئے دئیے جا رہے ہیں، پاکستان کے خلاف بین الاقوامی سازشیں جاری ہیں۔ انہوں نے کہا کہ زرداری کے 5 سال ڈراو¿نا خواب تھے، کرپشن کے تمام ریکارڈ توڑے گئے، عمران خان اناڑی سیاستدان ہیں وہ ملک کیا چلائیں گے؟۔انہوں نے کہا کہ عمران خان صرف تقریریں اور دھرنے دے سکتے ہیں، مخالفین ٹانگیں کھینچتے رہیں، مدت پوری کریں گے، 2018ئ میں مسلم لیگ ن دوبارہ منتخب ہو کر حکومت بنائے گی۔

اسلام آباد(نیا اخبار رپورٹ) وزیراعظم شاہد خاقان عباسی نے رواں سال کا اعلیٰ اختیاراتی بورڈ کا اجلاس آج طلب کر لیا جس میں پاکستان ایڈ منسٹریٹو سروس، پولیس ، سیکرٹریٹ اور فارم سروس کے 12سے زائد افسروں کو گریڈ21سے22میں ترقی دی جائے گی،سیکرٹری ٹو وزیراعظم فواد حسن فواد،سیکرٹری پٹرولیم ڈویژن جلال سکندر سلطان چیئرمین اسٹیٹ لائف شعیب میر، چیئرمین این ایچ اے جواد رفیق ملک،ایڈیشنل سیکرٹری کابینہ ڈویژن شاہ رخ نصرت اور چیئرمین پاکستان نیشنل شپنگ کارپوریشن رضوان احمد،آئی جی پولیس سندھ اے ڈی خواجہ، ڈی جی ایف آئی اے بشیر احمد کو گریڈ 22 میں ترقی دئیے جانے کا امکان ہے جبکہ پولیس سروس کے مہر خالق دادلک، سلیمان ، حسین اصغر، سیکرٹریٹ گروپ کے عارف ابراہیم ، نعیم خان، اسد رفیع، پرویز جونیجو اور ثمینہ حسن کے نام بھی زیر غور آئیں گے۔ جبکہ دوسری طرف گریڈ بیس اور اکیس میں ترقیوں کیلئے سنٹرل سلیکشن بورڈ کا اجلاس مسلسل تاخیر کا شکار ہورہا ہے۔

سلام آباد ( نیا اخبار رپورٹ) قومی امور میں فاٹا کو شامل کرنے کے لئے ایک بڑے قدم کے طور پر حکومت قانون سازی متعارف کرا رہی ہے تاکہ علاقے کو سپریم کورٹ اور ہائی کورٹس کے ائرے میں لایا جاسکے۔ اس مقصد کےلئے بل قومی اسمبلی میں منظوری کے لئے آج اس وقت پیش کیا جائے گاجب بعد دوپہر کاروائی دوبارہ شروع ہوگی۔ قابل اعتماد پارلیمانی ذرائع نے دی نیوز کو بتایا ہے کہ قانون سازی کے اہم کام کو ایجنڈے کا حصہ بنایا گیا ہے اور فاٹا سے متعلق مسائل کو بھی اس میں شامل کر لیا گیا ہے۔ وفاقی وزیر قانون و انصاف کی غیر موجودگی میں پارلیمانی امور کے وزیر شیخ آفتاب احمد ممکنہ طور پر بل ایوان میں پیش کریں گے۔ ایوان سے بل کی منظوری کی سورت میں اسے سینیٹ میں پیش کیا جائے گا جس اجلاس بھی اسی شام کو ہوگا۔ توقع ہے کہ وزیراعظم شاہد خاقان عباسی بھی قانون سازی کے دوران ایوان میں موجود ہوں گے۔

بھکر (خصوصی رپورٹ) پاگل گائے کا دودھ پینے سے ایک ہی خاندان کے 16افراد ہسپتال جا پہنچے۔ متاثرہ افراد میں شامل علی رضا نامی شخص نے بتایا کہ اس کی گائے کو کچھ عرصہ قبل پاگل کتے نے کاٹ لیا تھا جس کا انہیں علم نہیں ہوا اور اب جبکہ گائے مکمل پاگل ہو گئی تو تب پتہ چلا اور وٹرنری ڈاکٹر کی ہدایت پر پہلے گائے کو تلف کیا اور بعد ازاں دودھ استعمال کرنے والے تمام افراد کو ہسپتال لایا گیا۔ واضح رہے کہ متاثرین میں ایک شیرخواربچہ اور دو بزرگ بھی شامل ہیں۔
پاگل گائے

فیصل آباد ( نیا اخبار رپورٹ) پاکستان کی تاریخ کا بڑا اکٹھ تحفظ ختم نبوت کانفرنس میں2 لاکھ سے زائد افراد کی شرکت تفصیل کے مطابق گزشتہ روز فیصل آبداد کے تاریخی دھوبی گھاٹ کرا ونڈ میں ہونے والی تحفظ ختم نبوت کانفرنس میں تاریخ کا سب سے بڑا اکٹھ ہوا جس میں 2 لاکھ سے زائد عاشقان رسول ﷺ نے شرکت کی اس سے پہلے سابق وزیراعظم مرحوم ذوالفقار علی بھٹو محترمہ بینظیر بھٹو سابق وزیر اعظم میاں نواز شریف اور عمران خان بھی اتنا بڑا اجتماع نہیں کر سکے۔