لودھراں(نیوزایجنسیاں)قومی کرکٹ ٹیم کے چیف سلیکٹر انضمام الحق نے کہا ہے کہ ٹی ٹین لیگ میں میری کوئی ٹیم نہیں ہے،کنڈیشنزکے مطابق ٹیم منتخب کرتے ہیں اور اگر کھلاڑیوں کی کارکردگی اچھی رہی تو نیوزی لینڈ میں بھی کامیابی ملے گی۔سیریزکےلئے تمام کھلاڑیوں کاانتخاب میرٹ پرکیا جائے گا،بہترفٹنس والا کرکٹرہی ٹیم میں نظرآئے گا۔بہترسکواڈکونیوزی لینڈکیخلاف میدان میں اتاریں گے۔امید ہے ٹیم فتح سمیٹ کرہی وطن واپس آئے گی۔لودھراں میں میڈیا سے گفتگو کرتے ہوئے انضمام الحق نے کہا کہ پاکستان کرکٹ بورڈ کی کوشش ہے کہ ہرعلاقے میں کرکٹ ہو، کرکٹ بہتر کرنی ہے تو گراس روٹ لیول پر کام کرنا ہوگا، کلب کرکٹ کا ہونا بہترین کام ہے، یہیں سے لڑکے نکلیں گے۔انہوں نے کہا کہ ماضی میں اچھے کھلاڑی کلب کرکٹ سے ہی آتے تھے، میرا اور مشتاق احمد کا بھی ان ہی علاقوں سے تعلق ہے اور ایسے چھوٹے علاقوں میں کرکٹ کا ہونا خوش آئند ہے۔انہوںنے کہا کہ کنڈیشنزکے مطابق ٹیم منتخب کرتے ہیں اور اگر کھلاڑیوں کی کارکردگی اچھی رہی تو نیوزی لینڈ میں بھی کامیابی ملے گی۔ایک سوال کے جواب میں انضمام الحق نے ٹی ٹین لیگ میں کسی بھی ٹیم کی ملکیت سے واضح انکار کرتے ہوئے کہا کہ اس لیگ میں میری کوئی ٹیم نہیں۔انہوںنے کہا کہ پاکستان کرکٹ بورڈ کی کوشش ہے کہ ہرعلاقے میں کرکٹ ہو، کرکٹ بہتر کرنی ہے تو گراس روٹ لیول پر کام کرنا ہوگا، کلب کرکٹ کا ہونا بہترین کام ہے، یہیں سے لڑکے نکلیں گے۔انہوں نے کہا کہ ماضی میں اچھے پلیئرز کلب کرکٹ سے ہی آتے تھے، میرا اور مشتاق احمد کا بھی ان ہی علاقوں سے تعلق ہے اور ایسے چھوٹے علاقوں میں کرکٹ کا ہونا خوش آئند ہے۔چیف سلیکٹر کا کہنا ہے کہ کنڈیشنزکے مطابق ٹیم منتخب کرتےہیں اور اگر کھلاڑیوں کی کارکردگی اچھی رہی تو نیوزی لینڈ میں بھی کامیابی ملے گی۔ایک سوال کے جواب میں انضمام الحق نے ٹی ٹین لیگ میں کسی بھی ٹیم کی ملکیت سے انکار کردیا۔

ہیملٹن (اے پی پی) نیوزی لینڈ اور ویسٹ انڈیز کی کرکٹ ٹیموں کے مابین سیریز کے دوسرے اور آخری ٹیسٹ کے پہلے روز نیوزی لینڈ نے اپنی پہلی اننگز میں 7 وکٹوں کے نقصان پر 286 رنز بنا لئے۔ جیت راول اور کولن ڈی گرینڈہوم نے نصف سنچریاں بنائیں۔ شینن گیبریئل نے 3 کھلاڑیوں کو آﺅٹ کیا۔ تفصیلات کے مطابق ہفتہ کو یہاں ہیملٹن میں ویسٹ انڈیز کے کپتان جیسن ہولڈر نے ٹاس جیت کر پہلے فیلڈنگ کا فیصلہ کیا۔ اوپنر جیت راول اور ٹام لیتھم نے 65 رنز کا آغاز فراہم کیا، لیتھم پہلے آﺅٹ ہونے والے کھلاڑی تھے جو 22 رنز بناکر کمنز کی گیند پر وکٹ کیپر شین ڈورچ کے ہاتھوں کیچ آﺅٹ ہوگئے۔ جیت راول اور کپتان کین ولیمسن نے دوسرے وکٹ میں 89 رنز کا اضافہ کرکے ٹیم کا سکور 154 تک پہنچا دیا، ولیمسن 43 رنز بنانے کے بعد کمنز کا نشانہ بن گئے۔ جیت راول نے 84 رنز کی دلکش اننگز کھیلی تاہم وہ پہلی ٹیسٹ سنچری نہ بنا سکے اور شینن گیبریئل کی گیند پر کیچ آﺅٹ ہوگئے۔ روس ٹیلر چوتھے آﺅٹ ہونے والے کھلاڑی تھے جو 16 رنز بنا کر کیمار روچ کی گیند پر کیچ آﺅٹ ہوئے۔ ہینری نکولس کو 13 کے انفرادی سکور ریمن ریفر نے ایل بی ڈبلیو کیا۔ مچل سینٹنر بھی زیادہ دیر وکٹ پر نہ ٹھہر سکے اور 24 بناکر گیبریئل کی گیند پر کلین بولڈ ہوگئے۔ کولن ڈی گرینڈہوم نے اچھی بیٹنگ کی اور 58 رنز بناکر آﺅٹ ہوئے۔ پہلے روز کا کھیل ختم ہوا تو نیوزی لینڈ نے 7 وکٹوں کے نقصان پر 286 رنز بنا لئے۔ ٹام بلنڈل 12 اور نیل ویگنر ایک رن کے ساتھ وکٹ پر موجود ہیں۔ شینن گیبریئل نے تین جبکہ کمنز نے دو وکٹیں حاصل کیں۔

لاہور/خوشاب/چیچہ وطنی(بی این پی ) سابق قومی کپتان عامر سہیل نے ڈومیسٹک کرکٹ کی صورتحال کو تباہ کن قرار دیتے ہوئے کہا ہے کہ سسٹم کے ساتھ ہر سال چھیڑ چھاڑ کا سلسلہ جاری ہے جب کہ بورڈ کی کوئی سمت متعین نہیں۔غیرملکی ویب سائٹ کیلیے بلاگ میں عامر سہیل نے تحریر کیاکہ پاکستان میں ڈومیسٹک کرکٹ تباہی سے دوچار نظر آتی ہے، کھیل کی یہ نرسری مسلسل پامال ہونے لگی، ہر سال سسٹم میں تبدیلی کردی جاتی اور محسوس ہوتا ہے کہ بورڈ کو اندازہ ہی نہیں کہ کس سمت میں جانا ہے،ڈومیسٹک اسٹرکچر درست نہ ہونے کی وجہ سے باصلاحیت کرکٹرز تلاش کرنے میں مشکلات پیش آ رہی ہیں۔ انھوں نے کہا کہ 4،5سال سے ڈومیسٹک کرکٹ میں بہتری لانے کا ڈھنڈورا پیٹا جا رہا ہے تو دوسری طرف سال بھر سیزن کے شیڈول کا ہی کچھ پتہ نہیں ہوتا، کرکٹرز ملکی سطح کے مقابلوں کا کوئی حتمی پلان جاری نہ ہونے کی وجہ سے غیر ملکی لیگز کیلیے معاہدے کر لیتے ہیں، بعد میں مسائل پیدا ہوتے ہیں، کیریبیئن لیگ سے کھلاڑیوں کو واپس بلایا جانا اور اس کے باوجود قومی ٹی ٹوئنٹی ٹورنامنٹ کا نہ ہونا ناقص پلاننگ کی ایک مثال ہے۔