سرگودھا(ویب ڈسک )پیر حمید الدین سیالوی کی زیر صدارت اجلاس جاری ہے ،اس موقع پر پیر حمید الدین سیالوی کا کہنا تھا کہ رانا ثنا اللہ نے نواز شریف کو اپنا سیاسی پیر کہا ہے تو اب مرید کا استعفیٰ پیر سے لیں گے۔تفصیلات کے مطابق مسلملیگ ن ختم نبوت کے معاملے پر ٹوٹ پھوٹ کا شکار ہے ۔مسلم لیگ کے متعدد اراکین اسمبلی نے رانا ثنا اللہ کے استعفے کا مطالبہ کر دیا ہے اور رانا ثنا اللہ کے مستعفی نہ ہونے کی صورت میں اپنے اپنے استعفے پیر حمید الدین سیالوی کے پاس جمع کروا دئیے ہیں اور انکو اپنے استعفوں کا اختیار دے دیا ہے ۔پیر حمید الدین کی جانب سے رانا ثنا اللہ کو دی جانے والی ڈیڈ لائن ختم ہو چکی ہے لیکن رانا ثنا اللہ کا کہنا ہے کہ وہ علماء و مشائخ کا احترام کرتے ہیں مگر انکے سیاسی پیر نواز شریف ہیں اور انکے استعفے کا فیصلہ نواز شریف کریں گے ۔رانا ثنا اللہ کو استعفے کے لیے دی جانے والی ڈیڈ لائن ختم ہونے پر پیر حمید الدین سیالوی کی صدارت میں اجلاس جاری ہے ۔اجلاس میں پیر حمید الدین سیالوی کا کہنا تھا کہ رانا ثنا اللہ نے نواز شریف کو اپنا سیاسی پیر کہا ہے تو اب مرید کا استعفیٰ پیر سے لیں گے۔انکا مزید کہنا تھا کہ شام 5بجے ہونے والی پریس کانفرنس میں آئندہ کے لائحہ عمل کا اعلان کریں گے۔ممکنہ طور پر پنجاب اسمبلی کے باہر دھرنا دیا جائے گا یا بھوک ہڑتا ل کی جائے گی۔

اسلام آباد (آئی این پی)مسلم لیگ( ن) کی مرکزی مجلس عاملہ اورسینٹرل ورکنگ کمیٹی کااعلان کردیا گیا ،محمد نوازشریف دونوں کمیٹیوں کے صدر جبکہ راجہ ظفرالحق سینٹرل ورکنگ کمیٹی کے چیئرمین ہونگے۔ہفتہ کو ترجمان پاکستان مسلم لیگ (ن) سینیٹر ڈاکٹر آصف کرمانی کے مطابق مسلم لیگ( ن) کی مرکزی مجلس عاملہ اورسینٹرل ورکنگ کمیٹی کااعلان کردیا گیاہے ۔ نوازشریف دونوں کمیٹیوں کے صدر ہونگے ۔سینٹرل ورکنگ کمیٹی میں 109ارکان شامل ہیںجس میں راجہ ظفر الحق چیئرمین پنجاب،سردار ایاز صادق ایگزیکٹو کمیٹی ممبرپنجاب ،سردار یعقوب خان ناصر سینئر نائب صدربلوچستان ، انجینئر امیر مقام صدر مسلم لیگ (ن) خیبرپختونخوا، نوابزادہ چنگیز مری سینئر نائب صدر بلوچستان، سلیم ضیاءنائب صدر سندھ، اقبال ظفر جھگڑا سیکرٹری جنرل خیبرپختونخوا، احسن اقبال ڈپٹی سیکرٹری جنرل پنجاب، صلاح الدین ترمذی اسسٹنٹ سیکرٹری جنرل خیبرپختونخوا، عبدالقادر بلوچ اسسٹنٹ سیکرٹری جنرل بلوچستان، پرویز رشید سیکرٹری فنانس پنجاب، مشاہد اللہ خان انفارمیشن سیکرٹری پنجاب، چوہدری نثار علی خان ایگزیکٹو کمیٹی ممبر پنجاب، غلام دستگیر خان ایگزیکٹو کمیٹی ممبر پنجاب، محمد اسحاق ڈارایگزیکٹو کمیٹی ممبر پنجاب، خواجہ محمد آصف ایگزیکٹو کمیٹی ممبر پنجاب، محمد جعفر اقبال ایگزیکٹو کمیٹی ممبر پنجاب، شاہد خاقان عباسی ایگزیکٹو کمیٹی ممبر پنجاب، رانا ثناءاللہ ایگزیکٹو کمیٹی ممبر پنجاب، چوہدری شیر علی ایگزیکٹو کمیٹی ممبر پنجاب،شیخ آفتاب احمد ایگزیکٹو کمیٹی ممبر پنجاب،رانا تنویر حسین ایگزیکٹو کمیٹی ممبر پنجاب،خواجہ سعد رفیق ایگزیکٹو کمیٹی ممبر پنجاب،بیگم اشرف ایگزیکٹو کمیٹی ممبر پنجاب،بیگم نجمہ حمید ایگزیکٹو کمیٹی ممبر پنجاب،بیگم ذکیہ شاہنواز ایگزیکٹو کمیٹی ممبر پنجاب،حنیف عباسی ایگزیکٹو کمیٹی ممبر پنجاب، صدیق الفاروق ایگزیکٹو کمیٹی ممبر پنجاب، محمد پرویز ملک ایگزیکٹو کمیٹی ممبر پنجاب، طارق فاطمی ایگزیکٹو کمیٹی ممبر پنجاب، سردار مہتاب احمد خان ایگزیکٹو کمیٹی ممبر خیبرپختونخوا، سرانجام زمیندار ایس وی پی خیبرپختونخوا ،مرتضی جاوید عباسی جنرل سیکرٹری کے پی کے، ایاز خان سواتی ایگزیکٹو کمیٹی ممبربلوچستان، سعد الخان ناصرایگزیکٹو کمیٹی ممبربلوچستان، محمد شہباز شریف صدر پنجاب، راجہ اشفاق سرور جنرل سیکرٹری پنجاب، سردار ثناءاللہ زہری صدر بلوچستان، نصیب اللہ بازئی جنرل سیکرٹری بلوچستان، پیر صابر شاہ ایس وی پی کے پی کے، طارق فضل چوہدری صدر اسلام آباد، راجہ فاروق حیدر صدر آزاد جموں و کشمیر، شاہ غلام قادر جنرل سیکرٹری آزاد جموں و کشمیر،حافظ حفیظ الرحمان صدر گلگت بلتستان، بیگم نزہت عامر صدروویمن ونگ پنجاب،کیپٹن(ر) محمد صفدر صدر یوتھ ونگ خیبرپختونخوا، چوہدری نصیر احمد بھٹہ صدر لائر ونگ پنجاب، ڈاکٹر درشن لال صدر اقلیتی ونگ سندھ، کامران مائیکل جنرل سیکرٹری اقلیتی ونگ سندھ، چوہدری تنویر ایگزیکٹو کمیٹی ممبر پنجاب، زہرا ودود فاطمی ایگزیکٹو کمیٹی ممبر اسلام آباد، میاں محمد عبدالتارڑ ایگزیکٹو کمیٹی ممبر پنجاب، ظفر اللہ ڈھانڈلہ ایگزیکٹو کمیٹی ممبر پنجاب، میاں جاوید لطیف ایگزیکٹو کمیٹی ممبر پنجاب، میاں عبدالمنان ایگزیکٹو کمیٹی ممبر پنجاب، بلیغ الرحمان ایگزیکٹو کمیٹی ممبر پنجاب، پیر عمران شاہ ایگزیکٹو کمیٹی ممبر پنجاب، عرفان ڈاءایگزیکٹو کمیٹی ممبر پنجاب، ملک رفیق راجوانہ ایگزیکٹو کمیٹی ممبر پنجاب، آصف کرمانی ایگزیکٹو کمیٹی ممبر پنجاب، مریم نواز شریف ایگزیکٹو کمیٹی ممبر پنجاب، حمزہ شہباز شریف ایگزیکٹو کمیٹی ممبر پنجاب، فاروق خان ایگزیکٹو کمیٹی ممبر پنجاب، جنید انور ایگزیکٹو کمیٹی ممبر پنجاب، چوہدری طارق فاروق ایگزیکٹو کمیٹی ممبر آزاد جموں و کشمیر، شاہنواز رانجھا ایگزیکٹو کمیٹی ممبر پنجاب، ملک ندیم کامران ایگزیکٹو کمیٹی ممبر پنجاب، محمود بشیر ورک ایگزیکٹو کمیٹی ممبر پنجاب، عثمان ابراہیم ایگزیکٹو کمیٹی ممبر پنجاب، برجیس طاہر ایگزیکٹو کمیٹی ممبر پنجاب، رانا حیات ایگزیکٹو کمیٹی ممبر پنجاب، ارشد لغاری ایگزیکٹو کمیٹی ممبر پنجاب، طاہرہ اورنگزیب ایگزیکٹو کمیٹی ممبر پنجاب، مریم اورنگزیب ایگزیکٹو کمیٹی ممبر پنجاب، طلال چوہدری ایگزیکٹو کمیٹی ممبر پنجاب، دانیال عزیز ایگزیکٹو کمیٹی ممبر پنجاب، کرنل (ر) مبشر جاوید ایگزیکٹو کمیٹی ممبر پنجاب، میاں مجتبیٰ شجاع الرحمان ایگزیکٹو کمیٹی ممبر پنجاب، میر غضنفر علی ایگزیکٹو کمیٹی ممبر گلگت بلتستان، سردار عبدالخالق واسی ایگزیکٹو کمیٹی ممبر آزاد جموں و کشمیر، عباس خان آفریدی ایگزیکٹو کمیٹی ممبر خیبرپختونخوا، راحیلہ مگسی ایگزیکٹو کمیٹی ممبر سندھ، شاہ محمد شاہ جنرل سیکرٹری سندھ، بابو سرفراز جتوئی صدر سندھ، محمد زبیر ایگزیکٹو کمیٹی ممبر سندھ، شام سندر ایڈوانی ایگزیکٹو کمیٹی ممبر سندھ، خیل داس کوہستانی ایگزیکٹو کمیٹی ممبر سندھ، راحیلہ درانی ایگزیکٹو کمیٹی ممبر بلوچستان، داور محمد ناصر ایگزیکٹو کمیٹی ممبر بلوچستان ،یونس بلوچ ایگزیکٹو کمیٹی ممبر بلوچستان، کرن حیدر ایگزیکٹو کمیٹی ممبر بلوچستان، امیر افضل خان مندوخیل ایگزیکٹو کمیٹی ممبر بلوچستان، محمد احمد خان ایگزیکٹو کمیٹی ممبر پنجاب، محمود الحسن ایگزیکٹو کمیٹی ممبر پنجاب، شیخ انصر عزیز ایگزیکٹو کمیٹی ممبر پنجاب، صاحبزادہ شبیر حسن انصاری ایگزیکٹو کمیٹی ممبر سندھ، جمال شاہ کاکڑایگزیکٹو کمیٹی ممبر بلوچستان، زاہد حامد ایگزیکٹو کمیٹی ممبر پنجاب، رانا محمد اقبال خان ایگزیکٹو کمیٹی ممبر پنجاب، میاں فاروق ایگزیکٹو کمیٹی ممبر پنجاب، افتخار الحسن شاہ ایگزیکٹو کمیٹی ممبر پنجاب، اسد جونیجو ایگزیکٹو کمیٹی ممبر سندھ، نیلسن اعظم ایگزیکٹو کمیٹی ممبر پنجاب، خواجہ قطب الدین ایگزیکٹو کمیٹی ممبرسندھ، سید ظفر علی شاہ ایگزیکٹو کمیٹی ممبرسندھ، سورتھ تھیبوایگزیکٹو کمیٹی ممبرسندھ، ہمایوں خان ایگزیکٹو کمیٹی ممبرسندھ ، شافی جموت ایگزیکٹو کمیٹی ممبرسندھ ، اسلم ابڑو ایگزیکٹو کمیٹی ممبرسندھ مقرر کئے گئے ہیں جبکہ سینٹرل ایگزیکٹو کمیٹی میں راجہ ظفر الحق ،شاہد خاقان عباسی، محمد شہباز شریف، چوہدری نثار علی خان، خواجہ محمد آصف، محمد اسحاق ڈار، ایاز صادق، احسن اقبال، خواجہ سعد رفیق، سردار ثناءاللہ زہری، راجہ فاروق حیدر خان، حافظ حفیظ الرحمان، چوہدری برجیس طاہر، پرویز رشید، سردار مہتاب احمد خان، بیگم عشرت اشرف، مشاہد اللہ خان، امیر مقام، بابو سرفرازخان جتوئی، اسد خان جونیجو، عرفان صدیقی، رانا ثناءاللہ خان، چوہدری شیر علی، حمزہ شہباز شریف، مریم نواز شریف، ڈاکٹر آصف کرمانی اور مریم اورنگزیب شامل ہیں۔

لاہور (خصوصی رپورٹ) قومی اور صوبائی اسمبلیوں کے ارکان پانی کے مسئلہ کو بھرپور طریقے پر ایوانوں میں اٹھائیں۔ اگر یہ مسئلہ حل نہ ہوا تو 2030ءتک ہمیں پینے کیلئے بھی پوری طرح پانی میسر نہیں ہو سکے گا۔ یہ بات خبریں گروپ کے چیف ایڈیٹر ضیاشاہد نے سنیٹروں‘ قومی اور پنجاب اسمبلی کے ارکان کے نام ایک خط میں کہی ہے۔ خط کے مطابق پاکستان میں آبی وسائل دن بدن کم ہوتے جا رہے ہیں جس سے زراعت بری طرح متاثر ہو رہی ہے۔ سندھ طاس معاہدے کا پس منظر بیان کرتے ہوئے انہوں نے لکھا ہے کہ معاہدے کے مطابق تین مشرقی دریا ستلج‘ بیاس اور راوی بھارت کے حصے میں آ گئے۔ ان دریاﺅں کا پانی بند ہونے کی وجہ سے تربیلا اور منگلا کی جھیلوں سے لنک کینالوں کے ذریعے پانی راوی اور ستلج میں ڈالا گیا جس سے پنجاب کے جنوبی حصوں بالخصوص سابق ریاست بہاولپور کے تینوں اضلاع میں پانی کی شدید قلت پیدا ہوگئی ہے اور برسوں سے مشرقی دریاﺅں میں پانی کا بہاﺅ نہ ہونے کے سبب زیرزمین پانی کی سطح بہت نیچے چلی گئی ہے۔ جب تک دریا چلتے تھے‘ پانی 10سے 20 فٹ نیچے مل جاتا تھا‘ اب صرف لاہور میں واسا کے ٹیوب ویل 650 فٹ کی گہرائی سے پانی کھینچ رہے ہیں اور آخری ٹیوب ویل شاید 1300 فٹ کی گہرائی سے بھی نیچے پہنچ گیا ہے۔ ستلج اور راوی میں سیوریج کا پانی چھوڑنے کے سبب ماحولیات میں آلودگی آ گئی ہے اور جا بجا گندے پانی کی صاف پانی میں آمیزش سے یرقان‘ جگر اورگردے جیسی مہلک بیماریاں پھیل رہی ہیں۔ میں نے اس سلسلے میں گزشتہ دنوں پاکستان کے مختلف متاثرہ شہروں اور علاقوں کے دورے کیے۔ ملتان‘ بہاولپور‘ حاصلپور‘ بہاولنگر اورگنڈا سنگھ قصور کے علاوہ نارووال میں جہاں دریائے راوی پاکستان میں داخل ہوتا ہے‘ خود پہنچا اور ستلج اور راوی کی مکمل بندش سے پیدا ہونے والی صورتحال کا جائزہ لیا۔ میرے آبائی علاقے ہارون آباد اور بہاولنگر میں صورتحال خوفناک حد تک متاثر ہو چکی ہے اور عالمی اداروں کی رپورٹ کے مطابق 2030ءمیں پاکستان دنیا کے ان ممالک میں شامل ہو گا جو پانی کی شدید کمی کا شکار ہوں گے۔ پینے کا پانی کم ہو جائے گا اور قحط سالی کی کیفیت پیدا ہونے کا خطرہ ہے۔ یہ خیال غلط ہے کہ ہم نے ستلج‘ بیاس اور راوی کا پانی بھارت کو بیچ دیا تھا کیونکہ انڈس واٹر ٹریٹی دریاﺅں کے بیچنے کا نہیں بلکہ دریاﺅں کے زرعی پانی کی تقسیم کا معاہدہ ہے اور اس معاہدے کے تحت دریائی پانی کے 4 استعمال بتائے گئے ہیں۔ زرعی پانی‘ جس کی تقسیم کے مطابق ستلج بیاس اور راوی بھارت کے حصے میں آئے اور چناب‘ جہلم اور سندھ پاکستان کے حصے میں لیکن پانی کے دیگر 3 استعمال یعنی گھریلو پانی بشمول پینے کا پانی‘ آبی حیات یعنی مچھلیوں وغیرہ کے لیے پانی اور ماحولیات یعنی دریاﺅں کے گرد سبزے ‘ درخت اور پودوں وغیرہ کے لیے جو ہوا کو صاف رکھ سکیں‘ ان تینوں استعمال کے پانی کو نہ تو فروخت کیا اور نہ ہی کوئی ڈیل کی گئی لہٰذا ستلج‘ بیاس اور راوی میں سے زرعی پانی بھارت کے حصے میں آیا تھا مگر پانی کے 3 دیگر استعمال یعنی گھریلو پانی‘ آبی حیات اور ماحولیات کا پانی بھارت 3 مشرقی دریاﺅں کی حد تک 100 فیصد بند نہیں کر سکتا اور اسے ان تینوں استعمال کے لیے 3 پاکستانی دریاﺅں میں پانی چھوڑنا پڑے گا۔ یہ بھی کہا جاتا ہے کہ ہم 2 بار عالمی عدالت میں پانی کے سلسلے میں گئے اور دونوں بار ناکام ہوئے۔ حقیقت یہ ہے کہ دونوں مقدمے جو ہم نے کیے وہ ہمارے دو دریاﺅں پر چھوٹے ڈیم بنا کر پانی روکنے کے سلسلے میں دائر ہوئے۔ ستلج‘ بیاس اور راوی کا پانی 100 فیصد بند کرنے کے سلسلے میں اورگھریلو استعمال یعنی پینے کے پانی‘ آبی حیات اور ماحولیات کے لیے ضروری پانی کے ضمن میں نہ تو انڈس وائر ٹریٹی 1960ءکے تحت ہم بھارت کیخلاف عالمی عدالت میں گئے اور نہ ہی پاکستان کے خلاف بھارت نے کوئی مقدمہ جیتا۔ آخری گزارش یہ ہے کہ پاک بھارت معاہدہ انڈس واٹر ٹریٹی 1960ءمیں ہوا تھا جبکہ 1970ءمیں دنیا میں ایک بڑی تبدیلی آئی اور انٹرنیشنل واٹر کنونشن منعقد ہوا جس میں یہ طے پایا کہ اگر کوئی دریا ایک سے زائد ملکوں میں بہتا ہے تو بالائی حصے پر قابض ملک زیریں حصے کے قابض ملک کا پانی بند نہیں کر سکتا۔ ان کنونشن میں ماحولیات کی اصطلاح کے تحت پینے‘ آبی حیات اور ہوا کو صاف رکھنے کے لیے نباتات‘ جنگل وغیرہ کے لیے ضروری پانی کے بارے میں قانون بنا کر اسے بند نہیں کیا جا سکتا۔ ہم آج بھی 1970ءکے انٹرنیشنل واٹر کنونشن کے فیصلوں کے مطابق جسے اقوام متحدہ کی منظوری حاصل ہے‘ بھارت سے یہ مطالبہ کرنا چاہتے ہیں کہ وہ ستلج‘ بیاس اور راوی کا پانی 100 فیصد بند نہیں کر سکتا اور اسے پینے‘ آبی حیات اور ماحولیات کے لیے ہمارے حصے کا پانی چھوڑنا ہو گا۔ اگر بھارت حسب معمول کشمیر کی طرح ہماری اس گزارش پر بھی توجہ نہ دے تو ہمیں یہ مسئلہ لے کر حکومتی سطح پر انٹرنیشنل کورٹ میں جانا چاہئے۔ اگر حکومت توجہ نہ دے تو شہریوں کو مل کر عالمی عدالت کا رخ کرنا چاہئے جیسا کہ آئی پی پیز یعنی بجلی پیدا کرنے والے پرائیویٹ اداروں نے حکومت پاکستان سے ادائیگی نہ ہونے پر عالمی عدالت کا رخ کیا تھا۔ انہوں نے ارکان اسمبلی کو نظریہ پاکستان ٹرسٹ میں بھارت کی آبی دہشتگردی کی نقل بھی بھیجی ہے۔ انہوں نے کہا ہے کہ ارکان اسمبلی اپنے طور پر پاکستان اور بالخصوص صوبہ پنجاب میں پانی کی بڑھتی ہوئی کمی کے پیش نظر کوئی تجویز یا مشورہ ذہن میں آئے تو ہمیں آگاہ کریں اور پنجاب اسمبلی اور وفاقی اسمبلی میں اس مسئلے کے لیے آواز بلند کریں جو ایک پاکستانی اور منتخب عوامی نمائندہ ہونے کی حیثیت سے آپ کا فرض بنتا ہے۔