لاہور: (ویب ڈیسک) لبنانی گلوکارہ امل حجازی کے گلوکاری سے ریٹائر ہونے اور اسلامی شعار کے مطابق زندگی گزارنے کے فیصلے نے ان کے مداحوں کو حیران کر دیا۔ دو ہزار ایک میں کیرئر شروع کرنے والی امل اس صدی کی پہلی دہائی میں عرب دنیا کی اہم ترین سٹارز میں شمار ہونے لگیں لیکن انہوں نے پاپ گلوکاری چھوڑ کر ایک نعت کے ساتھ نیا کیرئر شروع کیا ہے اور اپنے نئے انداز کے ساتھ سوشل میڈیا پر نعت کی ویڈیو بھی جاری کی ہے۔انھوں نے اپنے فیس بک اکاو¿نٹ پر حجاب میں اپنی ایک تصویر پوسٹ کی اور لکھا اللہ نے انکی دعائیں قبول کر لیں۔انھوں نے لکھا کہ وہ کئی سال تک اپنے فن اور اپنے مذہب کے درمیان متصادم رہیں، وہ اس اندرونی کشمکش کے ساتھ جی رہی تھیں کہ اللہ نے انکی دعاو¿ں کو قبولیت بخشی۔