برطانوی گلوکارہ لورا رائٹ نے پاکستان اور انگلینڈ کے درمیان لیڈز میں پہلے ٹیسٹ میچ سے قبل پاکستانی قومی ترانہ پیش کرکے پاکستانی شائقین کے دل جیت لیے۔ خاص بات یہ ہے کہ ترانے کو درست تلفظ اور انداز میں گانے کے لیے لورا رائٹ نے چھ ماہ تک باقاعدہ اردو زبان کی کلاسز لیں۔
گلوکارہ کا کہنا ہے کہ قومی ترانہ گانا ان کے لیے صرف پرفارمنس نہیں بلکہ ایک بڑی ذمہ داری تھی، اسی لیے انہوں نے اردو کے الفاظ، تلفظ اور معنی سمجھنے پر خصوصی توجہ دی۔ ان کی پرفارمنس کی ویڈیو سوشل میڈیا پر وائرل ہوئی اور پاکستانی صارفین نے انہیں بھرپور سراہا۔
