لاہور (مانیٹرنگ ڈیسک) لیگی ارکان اسمبلی کا شہباز شریف پر رانا ثناءاللہ سے استعفیٰ لینے کا دباﺅ۔ فیصل آباد کے نثار بٹ نے مستعفی ہونے کی دھمکی دے دی۔ ن لیگ کے کئی رکن استعفیٰ دینے کیلئے تیار ہیں۔ رانا ثناءاللہ سے 24 گھنٹے میں استعفیٰ لیا جا سکتا ہے۔ نجی ٹی وی کے مطابق دھرنے والوں سے نمٹنے کیلئے حکومتی پالیسی پر متعدد لیگی ارکان اسمبلی مطمئن نہیں اور وہ اس معاملے پر ناراض ہو کر مستعفی ہونے کیلئے تیار ہیں۔ شہباز شریف لیگی ارکان کے دباﺅ پر رانا ثناءاللہ سے استعفیٰ لے سکتے ہیں۔ فیصل آباد سے ن لیگ کے رکن اسمبلی نثار بٹ نے کہا ہے کہ اگر حکومت نے ختم نبوت قانون کا معاملہ پرامن طور پر حل نہ کیا تو مستعفی ہو جاﺅں گا۔

لاہور (محمد مکرم خان سے) بھارت کی تینوں مسلح افواج میں جنگ سے کوئی دلچسپی نہیں رہی جبکہ فوجیوں میں خودکشی اور ہم ہم جنس پرستی کا رجحان بھی بڑھتا جا رہا ہے اس کے علاوہ اعلیٰ افسروں کی طرف سے عام فوجیوں کی مارپیٹ بھی ان میں بددلی کی ایک بڑی وجہ ہے۔ اس حوالے سے بھارتی فوج نے سروے کرایا ہے اس کے نتائج سامنے آگئے ہیں۔ یہ سروے بھارتی بری فوج کے نفسیات ڈیپارٹمنٹ اور ملٹری انٹیلی جنس ڈائریکٹوریٹ کی جانب سے بھارتی آرمی چیف کی ہدایت پر کیا گیا اس کی جو رپورٹ سامنے آئی ہے اس کے مطابق بھارتی فوج میں مورال اور حوصلے کا جائزہ لینے کے احکامات دیئے گئے تھے۔ انٹیلی جنس ڈائریکٹوریٹ نفسیاتی ڈیپارٹمنٹ کے تعاون سے واقعاتی اور کاغذی شہادتوں کی بنا پر رپورٹ مرتب کی ہے جس میں کہا گیا ہے کہ برجی فوج کی نہیں فضائیہ اور بحریہ میں بھی لڑائی کا جذبہ تاریخ کی بدترین سطح پر ہے۔ اس تشویشناک صورتحال کی وجہ سہولیات کی کمی اور ناقص راشن کی فراہمی کے علاوہ اگلے مورچوں خصوصاً مقبوضہ کشمیر میں سپاہیوں کی لباس اور خوراک کی ضروریات کا پورنا ہونا ہے۔ فوج میں ہم جنس پرستی میں بھی اضافہ ہوا ہے گزشتہ پانچ برسوں میں افسروں میں ہم جنس پرستی کے 532 کیس سامنے آئے اور نچلے درجے کے اہلکاروں میں 2267 کیسز رپورٹ ہوئے ہیں جو انتہائی شرمناک تصور کیے جائیں۔ جنگ میں ہلاک ہونے والے فوجیوں اور علیحدگی پسند تنظیموں کے باقیوں مارے جانے والے اہلکاروں کے خاندان بھی دیکھ بھال نہ کیے جانے کا شکوہ کرتے ہیں اور اس کا برملا اظہار بھارتی ٹی وی چینلز اور پریس بھی کر دیئے ہیں۔ مذہبی منافرت اور ہندوﺅں میں ذات پات کی تقسیم نے مسلح افواج کو بھی اپنے مکروہ حصار میں جکڑ رکھا ہے۔ عسکری اداروں میں مارپیٹ کو انتہائی سنگین جرم سمجھا جاتا ہے جس میں بہت زیادہ اضافہ ہوا ہے جو ماتحت سپاہیوں کیلئے شدید ذہنی کوفت اور جسمانی اذیت کا باعث ہے۔ ان حالات میں بھارتی فوج میں خودکشی کے رجحان میں بہت زیادہ اضافہ دیکھنے میں آیا ہے۔ 2012ءتک اوسطاً 67 فوجیوں نے خودکشی کے ذریعے موت کو ذلت کی زندگی پر ترجیح دی جو 2017ءمیں بڑھ کر 100 کی حد سے تجاوز کر چکی ہے۔ اس حوالے سے اعلیٰ عسکری قیادت کو آگاہ کر دیا گیا ہے۔ خیال کیا جا رہا ہے کہ کسی بھی جنگی حالات سے نبٹنے کیلئے بھارتی فوج کا مورال ڈاﺅن ہو چکا ہے جو بھارتی سرکار کیلئے لمحہ فکریہ ہے۔

لاہور (کرائم رپورٹر) صوبائی دارالحکومت میں تحریک لبیک یا رسول اللہ کے عہدے داران اور کارکنوں کی جانب سے دوسرے روز بھی شہر کے مختلف مقامات پر احتجاجی دھرنوں کا سلسلہ جاری رہا ، پنجاب اسمبلی کے بالمقابل تحریک لبیک یارسول اللہ کے ہزاروں کارکنان اور عہدے دار دھرنا دیئے بیٹھے رہے۔ قائدین حکومت مخالف تقاریر اور نعرے بازی کرتے رہے رات گئے تک دھرنا جاری رہا ، مختلف مقامات پر احتجاجی دھرنوں کے باعث شہر میں ٹریفک کا نظام درہم برہم رہا ، ٹریفک پولیس کے اہلکار ٹریفک کی روانی کو برقرار رکھنے کی کوشش کرتے رہے۔ پولیس پنجاب اسمبلی کے احاطے میں سکیورٹی ا ہلکار ڈیوٹی کے لئے بیٹھے رہے۔ بتایا گیا ہے کہ وفاقی دارالحکومت میں ہفتہ کے روز تحریک لبیک یارسول اللہ کے مظاہرین کے خلاف آپریشن کے بعد ملک میں حالات کشیدہ ہو گئے تھے جبکہ گزشتہ روز اتوار کو بھی تحریک لبیک یارسول اللہ کے کارکنوں کی بڑی تعداد شاہدرہ موڑ، امامیہ کالونی ،مانگا منڈی،ای ایم ای گھوڑا سکیم،ٹھوکر نیاز بیگ، ملتان چونگی،دبئی چوک علامہ اقبال ٹا¶ن، کیمپس،پنجاب اسمبلی، بھٹہ چوک،باغبانپورہ،داروغے والا،چونگی امر سدھو ، بابوسابو، جیل روڈ،داتا دربار،مزنگ اورجوہر ٹا¶ن اللہ ھو چوک سمیت شہر کے مختلف علاقوں میں اپنے مطالبات کے حق میں دھرنا دیے بیٹھی رہی اور احتجاجی مظاہرے بھی ہوتے رہے اور یہ سلسلہ رات گئے تک جاری رہا ۔ تحریک لبیک یارسول اللہ کے کارکنان اور عہدے داران کی بڑی تعداد احتجاجی دھرنوں میں حکومت مخالف تقاریر اور حکومت مخالف نعرے بازی کرتے رہے ۔ مظاہرین کا مطالبہ تھا کہ وزیر اعظم سمیت تمام کابینہ مستعفی ہو جائے ۔ حکومت نے ہمارے نہتے کارکنوں کو شہید کیا ہے ان کے قتلوں کا مقدمہ درج کیا جائے ۔ اگر حکومت نے ہمارے مطالبات نہ مانے تو احتجاج کا سلسلہ جاری رہے گا ۔ مال روڈ پر احتجاجی دھرنے میں شامل کارکنوں کے کھانے کا انتظام کیا گیا تھا جبکہ چائے بھی پلائی جا رہی تھی ، مال روڈ اسمبلی ہال سے ملحقہ تمام راستوں کو بند کر دیا گیا تھا ٹریفک کو متبادل راستوں سے گذر رہی تھی ۔ ٹریفک پولیس کے اہلکار ٹریفک کی روانی کو برقرار رکھنے کے لئے موقع پرموجود تھے جبکہ سول کپڑوں میں پولیس اہلکار دھرنے میں شامل ہو کر تحریک لبیک یارسول اللہ کے عہدے داران کی تقاریر سنتے رہے ۔ رات گئے تک مال روڈ سمیت شہر کے مختلف مقامات پر دھرنے دینے والے تحریک لبیک یارسول اللہ کے کارکنان اور عہدے داران دھرنا دیئے بیٹھے رہے۔ احتجاجی دھرنوںکے باعث شہر میں توڑ پھوڑ کے ممکنہ خدشات کے پیش نظرمیٹرو بس کی انتظامیہ نے دوسرے روز بھی میٹرو بس سروس کو عارضی طور پر بند رکھا ۔ میٹروبس سروس بند ہونے کے باعث شہریوں کو شدید دشواری کا سامنا کرنا پڑا ۔ انتظامیہ کا کہنا ہے کہ حالات معمول پر آنے کے بعد میٹروبس سروس دوبارہ بحال کر دی جائے گی۔

سکھر(زمان باجوہ سے) پاکستان مسلم لیگ فنکشنل وگرینڈ ڈیموکریٹک الائنس کے سربراہ اور حروں کے روحانی پیشوا پیر سید صبغت اللہ شاہ راشدی (پیرپگارہ) نے کہا ہے کہ سندھ کو پیپلزپارٹی نے تباہ و برباد کردیا ہے، سندھ کے عوام سے کیے جانے والے وعدے پورے نہیں کیے گئے اور سندھ میں سرکاری نوکریاں بیچی جارہی ہیں،2018ءکے عام انتخاب میں گرینڈ ڈیموکریٹک الائنس بھرپور طریقے سے کامیاب ہوگی، ان خیالات کا اظہار انہوں نے روہڑی ٹول پلازہ کے قریب گرینڈ ڈیموکریٹک الائنس کے منعقدہ جلسے سے خطاب کرتے ہوئے کیا۔ انہوں نے کہا کہ آئندہ انتخابات ٹیلر میڈ نہیں ہونگے اور نہ ہم کسی کو اس میں دھاندلی کرنے دیں گے ، سندھ میں آئندہ حکومت جی ڈی اے کی ہوگی اب زرداری کوسندھ پر حکومت نہیں کرنے دیں گے سندھ کو دس سالوں میں تباہ وبرباد کردیا گیا ہے خوشحال سندھ بدحال ہوچکی ہے یہاں پر خاکروب کی نوکری بھی رقم کے عیوض فروخت کی جاتی ہے انہوں نے کہاکہ کہ سندھ کے حکمران دعویٰ کرتے ہیں کہ انہوں نے امن کرایا جس پر ان کو شرم آنی چاہئے سندھ میں امن فوج اور رینجرز نے کرایا ہے آپ نے تو اس سندھ کو تقسیم کردیا تھا اگر ہم مزاحمت نہ کرتے تو شاید سندھ دیہی اور شہری میں تقسیم ہوچکا ہوتا انہوں نے کہا کہ جی ڈی اے اس کے ساتھ چلے گا جو پاکستان اوروفاق پر یقین رکھتا ہو انہوں نے کہا کہ اس ملک کے عوام کی نظریں اب حکومت پر نہیں عدلیہ پر لگی ہیں۔انہوں نے کہا کہ ختم نبوت ہمارا عقیدہ ہے حکومت نے گذشتہ روز افسوسناک کاروائی کی ہے جولوگ ختم نبوت کے قانون سے چھیڑ چھاڑ کریں انہیں حکومت کرنے کا حق نہیں ہے پیر پگاڑا نے اس موقع پرکہاکہ دوہزار تیرہ کے انتخابات سے پہلے ہی کہا تھا پیپلزپارٹی تین صوبوں سے ختم اور ن لیگ پنجاب سے کامیاب ہوگی تو جب انتخابات کے نتائج آئے تو ایسا ہی ہوا ان کا کہنا تھا کہ زرداری سے پوری قوم اور خود ان کے ورکر پوچھتے ہیں کہ بینظیر کا قاتل کون ہے کیونکہ انہوں نے کہا تھا کہ انہیں قاتلوں کاپتہ ہے تو پھر پیپلزپارٹی کا ایک پانچ سالہ دور اور یہ ساڑھے چار سال کا وقت گزرنے کے باوجود کیوں نہیں بتارہے ہیں کہ قاتل کون ہے اگر اب نہیں بتائیں گے تو کب بتائیںگے وہ بتاکر عدلیہ کی بھی مدد کریں۔ جلسے سے وفاقی وزراءصدر الدین شاہ راشدی, غلام مرتضیٰ جتوئی, جی ڈی اے کے سیکریٹری جنرل ایاز لطیف پلیجو, سابق وزائے اعلیٰ ارباب غلام رحیم, سید غوث علی شاہ, سید مظفر حسین شاہ, سابق وزیر داخلہ سندھ ڈاکٹر ذوالفقار مرزا, پیپلزپارٹی ورکرز کے ڈاکٹر صفدر عباسی, رکن قومی اسمبلی غوث بخش خان مہر, ارکان سندھ اسمبلی نصرت سحر عباسی, شہریار خان مہرودیگر نے بھی خطاب کیا۔ جبکہ جلسے میں جی ڈی اے میں شامل جماعتوں کے کارکنوں نے ہزاروں کی تعداد میں شرکت کی۔ سابق وزیر اعلیٰ سندھ سید غوث علی شاہ نے کہا ہے کہ بےروزگاری سندھ کا سب سے بڑا مسئلہ ہے سندھ مضبوط ہے تو پاکستان مضبوط ہوگا، پیرپگاڑا کے خاندان نے ملک وقوم کے لیے قربانیاں دی ہیں, عدلیہ اور فوج سے ٹکرا¶ ملک سے ٹکرا¶ کے مترادف ہے۔ان خیالات کا اظہار انہوں نے روہڑی بائی پاس پر فنکشل لیگ کی میزبانی میں منعقدہ جی ڈی اے کے جلسے سے خطاب کے دوران کیا۔سابق وزیر اعلیٰ سندھ ارباب رحیم نے جلسہ سے خطاب کے دوران مسلم لیگ ن سے علیحدگی کا اعلان کرتے ہوئے کہا کہ میاں صاحب اقتدار میں آتے ہیں تو ان کے گردن میں سریا ہوتا ہے،میاں صاحب سندھ کا جو حشر ہے اس میں آپ بھی شریک ہیں،ختم نبوت بل خود نواز شریف نے کرایا ہے۔ ان کا کہنا تھا کہ تعلیم میں تمام جعلی بھرتیاں پیپلزپارٹی کے دور میں ہوئی ہیں جس کا اعتراف ان کے وزیر نے بھی کیا ہے، اب یہ لوگ ترقیاتی کاموں میں کرپشن کررہے ہیں ،سندھ میں اب ہمارا مقابلہ چوروں سے ہے۔سابق صوبائی وزیر داخلہ ذوالفقار مرزا نے روہڑی بائی پاس پر منعقدہ جی ڈی اے کے جلسے سے خطاب کرتے ہوئے کہا ہے کہ سندھ کے ساتھ بہت زیادتیاں ہوئی ہیں جب تک ہمارے سینے میں سانس ہے تب تک سندھ دھرتی کو تقسیم نہیں ہونے دیں گے،ہم عہد کرتے ہیں کہ سندھ کے کسی شخص کے ساتھ زیادتی ہوئی تو اس کابھرپور جواب دیں گے. ان کا کہنا تھا کہ روٹی کپڑا اور مکان کے نعرے میں اب پانی بھی شامل ہوگیا ہے، جلسے سے خطاب کے دوران عرفان اللہ مروت نے کہا کہ پیپلزپارٹی کو شرم ہو تو وہ یہ جلسہ دیکھ کر مستعفی ہوجائیں، اسلام آباد واقعے کے ذمہ داروں کو عبرتناک سزا ملنی چاہیے، ان کا کہنا تھا کہ سندھ کے ساتھ ظلم ہورہا ہے، سندھ کی سڑکیں ٹوٹ پھوٹ کاشکار اور تعلیم وصحت کا بیڑاغرق ہے۔ قومی عوامی تحریک سربراہ ایاز لطیف پلیجو نے کہا ہے کہ پیپلزپارٹی سندھ دشمنوں کی پارٹی بن چکی ہے، بھٹو کا سندھ کے لوگوں نے ساتھ دیا، زرداری مافیا بھٹو اور بینظیر کے نام پر عوام کو لوٹ رہی ہے،ان خیالات کا اظہار انہوں نے روہڑی بائی پاس پر فنکشل لیگ کی میزبانی میں منعقدہ جی ڈی اے کے جلسے سے خطاب کے دوران کیا۔ ان کا کہنا تھا کہ نیوز چینلز کی نشریات بند کرنے کی مذمت کرتے ہیں ،نیب بتائے کہ اب تک کسی وزیر یا مشیر کوسزا کیوں نہیں ملی ہے، ان کا کہنا تھا کہ سندھ کسی کو توڑنے نہیں دیں گے،زرداری، الطاف، رحمان ملک، عاصم حسین ایک ہیں او ر ان کی پشت پر را ہے,سی پیک کا تحفظ سندھ کے لوگ کریں گے,۔ ان کا کہنا تھا کہ سندھ میں فصلوں کے نرخ مقرر کیے جائیں,اقتدار میں آکر سندھ کوتعلیم سڑکیں اورپل دیں گے،جی ڈی اے کو الیکشن کمیشن میں رجسٹرڈ کرائیں گے،سندھ میں اب زرداری کا دور نہیں آئے گا۔وفاقی وزیر اور نینشل پیپلزپارٹی کے مرکزی رہنما غلام مرتضیٰ جتوئی نے روہڑی بائی پاس منعقدہ جی ڈی اے کے جلسے سے خطاب کرتے ہوئے کہا کہ سندکے عوام بیدار ہوچکے ہیں، اب الیکشن میں دھاندلی نہیں ہونے دیں گے,دس سال میں سندھ کو بدحال بنا دیا گیا ہے ،حکمرانوں کی لوٹمار کی وجہ سے سندھ میں غربت بڑھتی جارہی ہے۔رکن سندھ اسمبلی شہریار خان مہر نے کہا ہے کہ عوام کو کرپٹ حکمرانوں سے نجات دلائیں گے،سندھ کے بجٹ میں تعلیم وصحت کے لیے مختص کروڑوں روپے خرچ نہیں کیے جاتے،پیپلزپارٹی بھٹو کا نام اب صرف ووٹ لینے کے لیے استعمال کررہی ہے،عوام گرینڈ ڈیموکریٹک الائنس کاساتھ دیں تو سندھ کو بہتر صوبہ بنا کر دکھائیں گے

اسلام آباد(ویب ڈسک):تحریک لبیک یا رسول اللہ کے سربراہ مولوی خادم حسین رضوی نے دھرنے میں شہید ہونے والوں کا چہلم 4جنوری کو لیاقت باغ میں کرنے کا اعلان کر دیا۔تحریک لبیک یا رسول اللہ کے سربراہ مولوی خادم حسین رضوی نے دھرنے کے دوران شہید ہو جانے والوں کے حوالے سے کہنا تھا کہ 4جنوری 2018جمعرات کے دن دھرنے میں شہید ہو جانے والوں کا رسم چہلم لیاقت باغ راولپنڈی میں ادا کیا جائے گا۔انکا مزید کہنا تھا اس موقع پر تاجدار ختم نبوت کانفرنس کا بھی انعقاد کی جائے گی۔۔اس موقع پر دھرنے کے دوران شہید ہو جانے والے شہداءکے حوالے سے خادم حسین رضوی کا کہنا تھا کہ جلد ہی تحریک لبیک یا رسول اللہ کے قائدین شہداءکے گھر جائیں گے اور انکے لواحقین کے ساتھ تعزیت کری گے اور اپنی ذمہ داریوں کے حوالے سے بھی بات کریں گے۔