واشنگٹن (مانیٹرنگ ڈیسک) فلوریڈا کے فورٹ لوڈریل ایئرپورٹ پر فائرنگ کے نتیجے میں 5 افراد ہلاک جبکہ متعدد زخمی ہوگئے ہیں۔ تفصیلات کے مطابق فلوریڈا کے فورٹ لوڈریل ایئرپورٹ پر فائرنگ کے نتیجے میں 5 افراد ہلاک جبکہ متعدد زخمی ہوگئے ہیں، مصروف ترین ایئرپورٹ ہے، مزید ہلاکتوں کا خدشہ ہے، فلوریڈا کے فورٹ لوڈریل ایئرپورٹ کا ٹرمینل 2 خالی کرا لیا گیا، فائرنگ کرنے والے مشتبہ ملزم کو پولیس نے حراست میں لے لیا ہے۔
اسلام آباد (مانیٹرنگ ڈیسک) گزشتہ سالوں کے دوران پاکستان میں آنے والی حکومتیں ملک میں نئے منصوبے شروع کرنے کیلئے قرضے لیتی رہی ہیںجس وجہ سے اس وقت پاکستان پر غیر ملکی قرضوں کا بوجھ 75 کھرب سے زیادہ ہو چکا ہے اور ہر پاکستانی تقریباً 4 لاکھ کا مقروض ہو چکا ہے جس وجہ سے پاکستان میں قائم ہونے والی بیشتر حکومتوں نے مزیدقرضے لینے کیلئے انتہائی قیمتی قومی اثاثون کو رہن رکھنا شروع کردیا جن کی تفصیلات منظر عام پر آچکی ہیں۔ میں حکومت نے کراچی کے جناح انٹرنیشنل ایئرپورٹ کو اسلامی بانڈز کی 2013 سکیورٹی کے طور پر استعمال کیا اور اسکی بنیاد پر 182 ارب کے مزید قرضے حاصل کیے ہماری حکومتوں نے کراچی ایئرپورت کو صرف ایک بار ہی رہن نہیں رکھا بلکہ 2015ءمیں بھی اس ایئرپورٹ کے بدلے میں 117 ارب روپے کا قرض حاصل کیا گیا۔ بات یہی ختم نہیں ہوئی بلکہ موجودہ حکومت نے اسلام آبا لاہور ایم ٹو موٹر وے کے اسلام آبا د تا چکوال سیکشن کو غیر ملکی سرمایہ کاروں سے 1ارب ڈالر حاصل کرنے کیلئے رہن رکھ دیاجبکہ 2014ئ کے دوران حکومت نے موٹر وے کا حافظ آباد تا لاہور سیکشن اسلامی بانڈز کے بدلے مزید 1ارب ڈالر لینے کیلئے استعمال کیا۔ منظر عام پر آنے والے تفصیلات میں مزید انکشاف کیا گیا ہے کہ جون 2014ئ میں موجودہ حکومت نے فیصل آباد تا پنڈی بھٹیاں موٹر وے ایم تھری کو رہن رکھ کر 49ارب روپے حاصل کیے۔ وزیر خزانہ کی رپورٹس اور صحافیوں کی طرف سے لیک کی جانے والی دستاویز کے مطابق یہ موٹر ویز اس سے قبل بھی قرضے لینے کیلئے رہن رکھی جا چکی ہیں جن میں پشاورتا فیصل آباد موٹر وے ، فیصل آبا دتا پنڈی بھٹیاں موٹر وے ، اسلام آباد تا پشاور موٹر وے اور اسلام آبا دتا لاہور موٹر وے شامل ہیں۔ 2006ئ میں اس وقت کی حکومت نے صرف 6ارب روپے قرضہ لینے کیلئے بیشتر نیشنل ہائی ویز اور بعض موٹر ویز کو رہن رکھنے کا فیصلہ کیا جن میں اسلام آباد پشاور موٹر وے ایم ون ، فیصل آباد ملتان موٹر وے ایم فور ، اسلام آباد مری اور مظفر آباد ، جیکب آبا د بائی پاس ، ڈیرہ غازی خان تا راجن پور ہائی وے ، اوکاڑہ بائی پاس اور دیگر منصوبے سیکیورٹی پر رکھ دیے گئے۔ دستاویز کے مطابق حکومت نے مزید قرضے حاصل کرنے کیلئے پی ٹی وی کے تمام اثاثے رہن رکھنے کا فیصلہ بھی کر رکھا ہے جن کی مالیت اربوں میں ہے مگریہ پتہ نہیں چل سکا کہ حکومت نے ان اثاثوں کی کتنی مالیت طے کی ہے تاہم اس حوالے سے حکومت کی جانب سے نہ تو کوئی تردید سامنے آئی ہے۔ پی ٹی وی کی طرح ہی بعض لیک ہونے والی دستاویز میں یہ انکشاف بھی کیا گیا ہے کہ قرضے لینے کیلئے ریڈیو پاکستان کے تمام اثاثے بھی بطور گارنٹی استعمال کیے جائیں گے اور حکومت نے پورے ملک میں ریڈیو پاکستان کی 61عمارتوں کی مالیت کا تخمینہ صرف 72کروڑ روپے لگایا ہے اور بعض ماہرین کا کہنا ہے کہ یہ رقم اسلام آباد میں ریڈیو پاکستان کی ایک عمارت کی مالیت کے برابر ہے۔ حکومت یہ قرضے برآمدات کے خلائ کو پورا کرنے، بیرونی زرمبادلہ کے زخائر میں اضافے، بجٹ کی ضروریات کو پورا کرنے کیلئے لے رہی ہے جن کے بدلے قومی اثاثوں کو دا? پر لگایا جا رہا ہے
لندن (مانیٹرنگ ڈیسک) وزیراعظم نوازشریف کے صاحبزادے حسن نواز نے کہا ہے کہ پانامہ لیکس کے حوالے سے لگائے گئے الزامات غلط ہیں پانامہ کیس سے باعزت بری ہوجائیں گے۔ لندن میں ن لیگ برطانیہ کے صدر زبیر گل کی ہسپتال میں عیادت کے بعد گفتگو کرتے ہوئے حسن نواز نے کہا کہ پانامہ کیس جھوٹا ہے اس سے سرخرو ہوکر نکلیں گے۔
لاہور (خصوصی رپورٹ) محکمہ انسداد رشوت ستانی نے ایڈیشنل سیکرٹری پرائمری اینڈ سیکنڈری ہیلتھ ڈاکٹر عدنان ظفر کے خلاف کرپشن کے الزام میں تحقیقات شروع کردی ہے۔ ان پر تقررو تبادلوں میں اہلکاروں اور افسروں سے رشوت لینے‘ کرپشن میں ان کی حمایت کرنے‘ غیرملکی فنڈنگ سے چلنے والے پراجیکٹس Hiv Aids اور ہیپاٹائٹس میں بے قاعدگیوں کا الزام ہے۔ ان کے خلاف درخواست دہندہ نے الزام لگایا کہ ڈاکٹر عدنان ظفر نے گورنمنٹ ٹیچنگ ہسپتال شاہدرہ کے ہیڈکلرک کی مدد کی۔ وہ 6,0233,092 روپے کے فراڈ میں ملوث تھا۔ اس سے دو لاکھ روپے رشوت لے کر اسے وزیرآباد انسٹی ٹیوٹ آف کارڈیالوجی میں ہیڈکلرک مقرر کردیا۔ ایک ہیڈکلرک کو 5 لاکھ روپے رشوت لے کر بجٹ اینڈ اکاﺅنٹس آفیسر حافظ آباد تعینات کردیا۔ ڈاکٹر عدنان ظفر پر یہ بھی الزام ہے کہ انہوں نے ڈاکٹر ظفر عباس گریڈ 18 میں جونیئر آفیسر کی مدد کی اور انہیں جھنگ میں ای ڈی او ہیلتھ تعینات کردیا گیا۔ ڈاکٹر ظفر نے 4 ملین روپے کی گھٹیا ادویات خریدیں‘ ان کے خلاف اس ضمن میں ایف آئی اے تحقیقات کررہی ہے۔ نیشن رپورٹ کے مطابق ڈاکٹر عدنان ظفر نے ایک ملین روپے رشوت وصول کی اور ڈاکٹر ظفرعباس کے خلاف کوئی ایکشن نہیں لیا اور اپنے عہدے پر کام جاری رکھنے کی اجازت دی۔ درخواست گزار کا یہ بھی الزام ہے کہ جب ڈاکٹر احمد سیدین خالد پرائمری اینڈ سیکنڈری ہیلتھ کیئر ڈیپارٹمنٹ میں ڈپٹی سیکرٹری ٹیکنیکل تھے‘ ان کی گریڈ 18 میں بلاجواز ترقی کردی اور انہیں شیخوپورہ میں پروگرام ڈائریکٹر ڈی ایچ ڈی سی لگا دیا۔ متعلقہ حکام نے رابطہ پر ڈاکٹر عدنان ظفر کے خلاف تحقیقات کی تصدیق کی اور بتایا کہ وہ نہ تو پیش ہوئے ہیں اور نہ ہی ریکارڈ پیش کیا ہے۔
شملہ (مانیٹرنگ ڈیسک) بھارتی ریاست ہماچل پردیش کے مندر کی دیوارپر داعش کی طرف سے ’ہم جلد آرہے ہیں‘ کی سرخ تحریر نے ہلچل مچادی اور ہندوکمیونٹی سمیت علاقے میں خوف وہراس پھیل گیا۔بھارتی میڈیا کے مطابق داعش میں شمولیت کے خواہشمند شخص کی گرفتاری کے بعد ضلع سولان کے علاقے دھرم پورمیں مناسادیوی مندرکی دیواراورداخلی دروازے پرعربی اور انگریزی میں ’آئی ایس آئی ایس جلد آرہی ہے‘ کی تحریرنے ریاست کو ہلاکر رکھ دیا جس کی نشاندہی کے بعد معاملے سے پنچائیت کے سربراہ نے پولیس کو اطلاع دیدی۔دنیا کی بہترین نوکری کیلئے درخواستیں مانگ لی گئیں، دن میں صرف 3 مرتبہ یہ آسان ترین کام کرنا پڑے گا اور دنیا بھر کی مفت سیر کے ساتھ لاکھوں روپے تنخواہ بھی ملے گی پولیس نے موقع پر پہنچ کر اردویاعربی میں لکھی تحریرکی وضاحت کیلئے مقامی لوگوں کی مدد لی اور عربی زبان میں لکھاتھاکہ ’ اللہ کے سوا کوئی معبود نہیں‘۔آخری اطلاعات کے مطابق یہ تحریر لکھنے والے کسی شخص کا سراغ نہیں لگایا جاسکا اور تحقیقات جاری ہیں جبکہ کچھ اطلاعات ہیں کہ ایسی ہی تحریر مندر کے قریب واقع ایک گھر پر بھی لکھی گئی۔رپورٹس کے مطابق اس علاقے سے پہلے کبھی ایسی رپورٹس موصول نہیں ہوئیں اور امن وامان تھا۔
بھکر(خصوصی رپورٹ) نادرا نے دو مختلف خواتین کو ایک خاندان نمبر والے شناختی کارڈ جاری کر دیئے، ایک طبعی موت مر گئی ،دوسری زندہ خاتون کو نادرا نے مردہ قرار دے دیا، پانچ سالوں سے دھکے کھانے والی خاتون ملک بھر کے دفتروں میں خود کو زندہ ثابت کرنے میں ناکام ہوگئی۔ تفصیلات کے مطابق دریاخان کے نواحی علاقہ کہاوڑ کلاں کے رہائشی دو مختلف خاندانوں سے تعلق رکھنے والے غلام شبیرنام کے شہریوںکی بیویوں کے نام بھی اتفاق سے ایک ہی جیسے تھے ،جن میں سے ایک خاتون خنائی مائی بیوہ غلام شبیرقوم جکھڑ 10نومبر 2012ءکو طبعی طور فوت ہو گئی جس کا اندراج فوتیدگی یونین کونسل کہاوڑ کلاں میں اس کے بیٹے جہانگیر احمدنے درج کرواتے ہوئے باضابطہ کمپیوٹرائزڈڈیتھ سرٹیفکیٹ جاری حاصل کیا،جبکہ متوفیہ کی ہم نام دوسری خاتون خنائی مائی بیوہ غلام شبیرقوم ارائیں نے قومی شناختی کارڈ کی مدت میعاد ختم ہونے پر نئے شناختی کارڈ کیلئے نادرا سنٹر دریا خان سے رجوع کیا، نادرا دفتر نے معمول کی کاروائی کے بعد خنائی مائی کو ٹوکن نمبر 108301043761/52 جاری کیا،مگر بعد ازاں مقررہ وقت پر کارڈ جاری کرنے سے یہ کہہ کر انکار کردیا گیا کہ نادرا ریکارڈ کے مطابق آپ وفات پا چکی ہیں خنائی مائی گزشتہ پانچ سال سے نادراکی نااہلی سے کھوجانے والی اپنی قومی شناخت کے حصول کیلئے دربدر کی ٹھوکریں کھارہی ہے ۔
لاہور (خصوصی رپورٹ) صوبائی دارالحکومت میں معروف تعلیمی اداروں میں منشیات فروشی کر نے والے پولیس اہلکاروں سمیت 8افراد نے دوران تفتیش اہم انکشاف کئے ہیں۔ پولیس نے ملزمان کے انکشافات پر مبنی رپورٹ تیار کر کے اعلیٰ حکام کو بھجوا دی ہے۔ ذرائع کے مطابق ایک سیاسی شخصیت اور ایس ایس پی رینک کے ایک افسر ملزمان کے سفارشی بن گئے ہیں۔ پو لیس رپورٹ کے مطابق میڈیکل کالجز کے ہاسٹلز میں یہ دھندہ بڑے زور وشور سے جاری ہے، کیفے ٹیریاز میں منشیات سپلائی کی جاتی ہے جہاں کام کرنے والے ملازمین کا کوئی ڈیٹا بھی نہیں۔ رپورٹ کے مطابق بڑے اور مہنگے تعلیمی اداروں کے ساتھ ساتھ سکولوں میں بھی منشیات کے استعمال کا رجحان بڑھ رہا ہے جبکہ نشہ کرنے والوں میں لڑکیاں بھی شامل ہیں۔ شہر میں تین نجی تعلیمی اداروں میں اسے حوالے سے اہم انکشافات سامنے آئے ہیں۔ ان تعلیمی اداروں کی کینٹین کا عملہ اور سکیورٹی گارڈز ہیلپروں کی مدد سے پولیس کی سرپرستی میں منشیات فروخت کرتے ہیں جبکہ لڑکیوں کے تعلیمی اداروں اور سکولوں کے اندر چرس اور افیون کے علاوہ نشہ آور چیونگم کا استعمال بھی عام ہے ۔ فلیتو نام کی یہ چیونگم تھائی لینڈ اور یورپ سے منگوائی جاتی ہے۔ یہ چیونگم 500 سے لے کر 1200 روپے میں فروخت کی جاتی ہے جبکہ اسے چبانے والے طلبہ گھنٹوں اس کے نشے میں رہتے ہیں۔جبکہ نشہ آور انجیکشن جس کی قیمت 2ہزار سے لے کر 5 تک ہے۔ جبکہ ہیروئین کی پڑیا کی قیمت بھی 5ہزار روپے سے20ہزار روپے تک ہے۔ پولیس رپورٹ کے مطابق کئی تعلیمی اداروں کے ہاسٹلز کا عملہ شراب بھی فروخت کرتا ہے اور باقاعدہ کمروں تک سپلائی کی جاتی ہے، نیز بعض جگہ کف سیرپ کی بوتلوں میں بھی شراب مہیا کی جاتی ہے۔ اس کے علاوہ کئی تعلیمی اداروں کی کینٹینز پر چرس بھرے سگریٹس اور دیگر نشہ آور اشیاءبھی دستیاب ہیں، بعض طلبہ تو نشے کا انجیکشن بھی لگا رہے ہیں۔ ڈیفنس بی کے علاقہ میں معروف تعلیمی ادارے میں یہ صورتحال ہے کہ وہاں شام ہوتے ہی کچھ لوگ گاڑیوں میں آتے ہیں اور اندر جا کر نشہ آور چیزیں مہیا کرتے ہیں۔ اسی طرح رائے ونڈ کے ایک معروف تعلیمی ادارے کے طلبہ اور طالبات ویک اینڈ پر نائٹ پارٹیوں میں جاتے ہیں جہاں شراب اور دیگر منشیات کا استعمال عام ہے۔ دوسری جانب میڈیکل کالجز کے ہاسٹلز میں بھی منشیات سپلائی ہو رہی ہے جبکہ اکثر پرائیوٹ ہاسٹلز میں یہ دھندا بڑے زور وشور سے چل رہا ہے۔ اعلیٰ حکام کو بھیجی گئی اس رپورٹ میں مزید کہا گیا ہے کہ تعلیمی اداروں کے کیفے ٹیریاز پر کام کرنے والوں کے حوالے سے کوئی ڈیٹا مرتب نہیں کیا گیا جبکہ تعلیمی اداروں کی حدود میں سگریٹ کی فروخت پر پابندی کے باوجود ان کینٹینز پر باآسانی سگریٹ بھی دستیاب ہیں۔پو لیس نے دو روز قبل کریک ڈاﺅن کے دوران 5پولیس اہلکار سمیت 8افراد کو حراست میں لیا تھا۔
لیہ (اے پی پی )ایڈیشنل سیشن جج لیہ نے نکاح پر نکاح کرنے کے مقدمہ میں دولہا کو25سال،دولہن،گواہان اور نکاح خواں کو 7,7سال قید کی سزا سنادی۔ تفصیل کے مطابق گزشتہ روز ایڈیشنل سیشن جج لیہ مہر محمد اسلم گدرانہ سیال نے عبدالرشید کی مدعیت میں کیے گئے مقدمہ جس میں مدعی نے ساجدہ بی بی اور فیاض احمد کے خلاف نکاح پر نکاح کرنے کا الزام عائد کیا۔ ایڈیشنل سیشن جج مہر محمد اسلم گدرانہ نے نکاح پر نکاح کا الزام ثابت ہونے پر دولہا فیاض احمد کو25سال،دولہن ساجدہ بی بی، 2گواہوں اور نکاح خواں کو سات سات سال قید کا فیصلہ سنادیا۔
نئی دہلی (خصوصی رپورٹ)چین کی ایک ایٹمی آبدوز گزشتہ سال سے کراچی کی بندرگاہ پر تعینات ہے جس کا مقصد بحرہند میں بھارتی بحریہ کے وار شپس کی نقل و حرکت پر نگاہ رکھنا اور سمندر میں چینی بالادستی قائم رکھنا ہے۔یہ دعویٰ بھارتی میڈیا نے این ڈی ٹی وی کے حوالے سے کیا ہے جس نے چینی آبدوز کی سیٹلائٹ کے ذریعے کھینچی گئی تصاویر کو نہ صرف دکھایا ہے بلکہ ان تصاویر کی روشنی میں تجزیاتی رپورٹ بھی پیش کی ہے۔ رپورٹ کے مطابق بحریہ کا کہناہے کہ ” ٹاپ 093شانگ“ سب میرین چین کی جدید ترین اور انتہائی ایڈوانس ٹیکنالوجی کی حامل ہے۔ ایٹمی توانائی سے چلنے والی آبدوز کے ری ایکٹرز کی ری فلنگ کی ضرورت نہیں پڑتی اور طویل عرصہ تک اس میں توانائی کا ذخیرہ موجود ہے۔اس سب میرین کی بعض اوقات نشاندہی کرنا بھی انتہائی دشوار ہے۔ یو تارپیڈو اورکروز میزائل نظام سے لیس ہے۔
اسلام آباد(مانیٹرنگ ڈیسک) سپریم کورٹ میں پاناما لیکس کے معاملے پر وزیراعظم کے خلاف دائر درخواستوں کی سماعت کے دوران نواز شریف کی صاحبزادی مریم نواز نے اپنا تحریری جواب جمع کرادیا، جس میں انھوں نے اپنے خلاف تمام الزامات کو مسترد کردیا۔جسٹس آصف سعید کھوسہ کی سربراہی میں سپریم کورٹ کے لارجر بینچ نے پاناما لیکس پر درخواستوں کی سماعت کی۔سپریم کورٹ میں جمع کرائے گئے جواب میں مریم نواز کا کہنا تھا کہ وہ جائیداد کی بینیفیشل مالک نہیں، صرف کمپنیوں کی ٹرسٹی اور سگنیٹری ہیں اور ٹرسٹی ہونے کا مقصد موجودہ ٹرسٹی کی موت کی صورت میں ٹرسٹ کو چلانا ہے۔اسحاق ڈار اور مریم نواز کے وکیل شاہد حامد نے عدالت کے روبرو مریم نواز کی آمدنی، جائیداد اور ٹیکس کی تفصیلات جمع کروائیں جس کے مطابق 2013 میں ان کی آمدنی 2 لاکھ 26 ہزار 40 روپے تھی جو 2014 میں 12 لاکھ 59 ہزار 132 روپے ہوگئی۔جواب میں مزید بتایا گیا ہے کہ 2015 میں ان کی آمدن 9 لاکھ 73 ہزار 243 روپے جب کہ 2016 میں ان کی آمدن 4 لاکھ 89 ہزار 911 روپے رہی۔نیسکول سے متعلق دستاویزات پر مریم نواز نے مو¿قف اختیار کیا کہ دستاویزات پر موجود دستخط جعلی ہیں۔ان کے جمع کرائے گئے جواب کے مطابق شمیم ایگری فارمزالمعروف رائیونڈ اسٹیٹ میں 5 گھرہیں،جن میں سے ایک گھرمیں دادی شمیم اختررہائش پذیر ہیں، ایک گھر میں ان کے والد اور والدہ رہتے ہیں، تیسرا گھر مرحوم چچا عباس شریف کے اہل خانہ کے پاس ہے، چوتھے گھر میں شہباز شریف کی فیملی جبکہ پانچویں گھر میں وہ خود رہتی ہیں۔جواب کے مطابق رائیونڈ اسٹیٹ میں ان جائیدادوں میں سے بیشتر زمینیں ان کی دادی شمیم اختر کے نام ہیں۔دوسری جانب پاکستان تحریک انصاف (پی ٹی آئی) کے چیئرمین عمران خان کی جانب سے شریف فیملی کے مالیاتی مشیر ہارون پاشا کا انٹرویو بطور ثبوت عدالت میں جمع کرایا گیا جو انہوں نے 6 دسمبر 2016 کو نجی ٹی وی کو دیا تھا۔عمران خان نے عدالت سے استدعا کی کہ انٹرویو کو عدالتی ریکارڈ کا حصہ بنایا جائے۔جسٹس آصف سیعد کھوسہ کا کہنا تھا کہ اگر شریف خاندان کے وکیل منروا فنانشل سروسز لمیٹڈ سے اپنی ملکیت ثابت کرنے میں ناکام ہوجاتے ہیں تو عدالت کو یہ ماننا پڑے گا کہ پاکستان تحریک انصاف (پی ٹی آئی) کے وکیل کے دعوے درست ہیں۔ واضح رہے کہ پی ٹی آئی کی جانب سے اس بات کو ثابت کرنے کی کوشش کی جاتی رہی ہے کہ نیسکول لمیٹڈ، نیلسن انٹرپرائسز اور لندن کے چار فلیٹس کے مالک حسین نواز نہیں بلکہ مریم نواز ہیں۔
Error 403: The request cannot be completed because you have exceeded your quota..
Domain code: youtube.quota
Reason code: quotaExceeded
