سڈنی(ویب ڈیسک) آسٹریلیا نے پاکستان کو آخری ٹیسٹ میں بھی شکست دے کر 3 میچوں کی سیریز میں وائٹ واش کردیا۔سڈنی ٹیسٹ کے اخری روز آسٹریلیا کی جانب سے دیئے گئے 465 رنز کے ہدف کے تعاقب میں قومی ٹیم شدید مشکلات کا شکار ہے اور گرین کیپس نے 8 وکٹوں کے نقصان پر 210 رنز بنا لئے ہیں جب کہ قومی ٹیم کو میچ جیتنے کے لئے مزید 264 رنز درکار ہیں اور اس کی صرف 3 وکٹیں باقی ہیں۔ سرفراز احمد 43 رنز کے ساتھ وکٹ پر موجود ہیں جو دوسری اننگز میں قومی ٹیم کی جانب سے کسی بھی کھلاڑی کا سب سے بڑا انفرادی اسکور ہے۔کھیل کے آخری روز پاکستان نے اپنی دوسری اننگز کا آغاز ایک وکٹ 55 رنز پر کیا تو اظہر علی اپنے گزشتہ روز کے اسکور میں اضافہ کئے بغیر 11 رنز پر ہی ہیزل ووڈ کی گیند پر ان ہی کو آسان کیچ دے کر آو¿ٹ ہو گئے، بابر اعظم ایک بار پھر صرف 9 رنز بنا کر ہیزل ووڈ کی گیند پر ایل بی ڈبلیو ہو گئے۔ پہلی اننگز میں 175 رنز بنانے والے یونس خان بھی زیادہ دیر وکٹ پر نہ ٹھہر سکے اور 13 رنز بنا کر ناتھن لیون کا شکار بن گئے، گزشتہ روز بطور نائٹ واچ مین آنے والے یاسر شاہ نے بھی 13 رنز کے لئے 93 گیندوں کا سامنا کیا، انہیں اسٹیو اوکیفے نے آو¿ٹ کیا۔یاد رہے کہ آسٹریلیا نے اپنی پہلی اننگز 538 رنز 8 کھلاڑی آو¿ٹ پر ڈیکلیئر کی تھی جس کے جواب میں پاکستانی ٹیم نے 315 رنز بنائے تھے جب کہ آسٹریلیا نے اپنی دوسری اننگز بھی 241 پر ڈیکلیئر کر کے پاکستان کو جیت کے لئے 465 رنز کا ہدف دیا تھا۔

اسلام آباد( سٹی رپورٹر) فرحان محبوب نے مصحف سکواش کمپلکس اسلام آباد میں جاری پریذیڈنٹ گولڈ کپ انٹرنیشنل سکواش ٹورنامنٹ جیت لیا۔فائنل میچ پاکستان کے فرحان محبوب اور ہانگ کانگ کے لیو آﺅ کے درمیان کھیلا گیا۔ ایک گھنٹے تک جاری رہنے والے اس میچ میںفرحان محبوب نے تین کے مقابلے میں دو گیم سے کامیابی حاصل کی۔ فرحان محبوب نے میچ کے آغاز سے ہی بہترین کھیل کا مظاہرہ کیا اور اپنے حریف کو سنبھلنے کا موقع ہی نہ دیا اور انہوں نے پہلی گیم 11/4 کے سکور سے جیت لی۔دوسری گیم میں بھی فرحان میچ پر چھائے رہے اور یہ گیم بھی با آسانی 11/4 کے سکور سے جیت کر میچ پر اپنی گرفت مضبوط کر لی۔تیسری گیم میں فرحان نے غیرذمہ دارانہ شاٹس کھیلتے ہوئے اپنے حریف کو سات پوائنٹس دیئے جس کی وجہ سے وہ یہ گیم 8/11 کے سکور سے ہار گئے۔ چوتھی گیم میںلیو آﺅ تین میچ پوائنٹ بچاتے ہوئے یہ گیم 12/10 کے سکور سے جیت گئے ۔ پانچویں اور فیصلہ کن گیم میں فرحان محبوب نے دلکش کھیل پیش کرتے ہوئے یہ گیم11/3 سے جیت کر ٹرافی اپنے نام کر لی۔صدر اسلامی جمہوریہ پاکستان جناب ممنون حسین ، اس موقع پر مہمانِ خصوصی تھے۔ پاک فضائیہ کے سربراہ ائیرچیف مارشل سہیل امان جو کہ پاکستان سکواش فیڈریشن کے صدر بھی ہیں اس موقع پر موجود تھے۔ مہمانِ خصوصی نے کھلاڑیوں میں انعامات تقسیم کئے۔ سابقہ ورلڈ چیمپئنزجہانگیر خان اور قمر زمان نے بھی یہ میچ دیکھا ۔ غیر ملکی سفراء، اعلٰی فوجی اور سول حکام کے علاوہ سکواش کے دلدادہ لوگوں کی ایک بڑی تعداد نے یہ میچ دیکھا۔

کراچی (یو این پی)پاکستان کرکٹ ٹیم کے سابق کپتان رمیز راجا نے سرفراز احمد کو تینوں فارمیٹس کا کپتان بنانے کی تجویز دی ہے، مصباح کےلئے یہ آئیڈیل وقت ہے کہ وہ کھیل کو خیرباد کہہ دیں، یونس خان بھی ریٹائر منٹ کے بارے میں سوچیں،قومی ٹیم کی بولنگ نے مجھے بہت مایوس کیا،بیٹسمینوں کولمبی اننگز اور وکٹ پر جم کرکھیلنا ہوگا، ۔ان خیالات کا اظہار انہوںنے اپنے ایک انٹر ویو میںکیا ۔ انہوںنے کہا کہ سرفراز احمد نے ٹی 20میچوں میں اپنے آپ کو منوالیا ہے اس لئے انہیں تینوں فارمیٹس میں ذمے داری دی جاسکتی ہے۔مصباح الحق کو مشورہ دیتے ہو ئے رمیض راجہ نے کہا کہ یہ آئیڈیل وقت ہے کہ وہ کھیل کو خیرباد کہہ دیں، امید ہے قومی ٹیم اس ٹیسٹ میں شکست کا شکار نہیں ہوگی قومی ٹیم کی بولنگ نے مجھے بہت مایوس کیا،بیٹسمینوں کولمبی اننگز اور وکٹ پر جم کرکھیلنا ہوگا ۔قبل ازیں اپنے ایک انٹرویو میں سابق ٹیسٹ کپتان وسابق چیف سلیکٹر راشد لطیف نے اپنے موقف میں تبدیلی لاتے ہوئے کہا ہے کہ پاکستان کرکٹ ٹیم میں قیادت کی تبدیلی کا وقت آگیا، سرفرازاحمد کوتینوں طرز کی کرکٹ میں کپتان کی ذمے داری سونپ دینی چاہیے، مصباح الحق اپنے کیریئر کی اختتامی حدود کوچھورہے ہیں،امید تو ہے کہ ٹیم اس ٹیسٹ میں شکست کا شکار نہیں ہوگی،قومی ٹیم کی بولنگ نے مجھے بہت مایوس کیا،بیٹسمینوں کولمبی اننگز اور وکٹ پر جم کرکھیلنا ہوگا۔انہوںنے کہا کہ میرا خیال تھاکہ مصباح الحق کوکپتان اوربیٹسمین کی حیثیت سے قومی اسکواڈ کے ساتھ جڑے رہنا چاہیے، مگر اب ایسا لگتا ہے کہ ان کو ذمے داریوں سے سبکدوشی اختیار کرلینی چاہیے، راشدلطیف نے مزیدکہا کہ مصباح الحق اپنے کیریئر کی اختتامی حدود کوچھورہے ہیں، آسٹریلیا کیخلاف بطور کپتان اوربیٹسمین سیریز ان کے لیے بہت بری ثابت ہوئی،انھوں نے کہاکہ اب قومی قیادت میں تبدیلی ناگزیرہوگئی، سرفرازاحمد تینوں فارمیٹ میں پاکستان ٹیم کی قیادت کیلئے سب سے زیادہ موزوں نظرآ رہے ہیں۔ایک سوال پر راشدلطیف نے کہا کہ پاکستان کرکٹ ٹیم کی بولنگ نے مجھے بہت مایوس کیا، ہم ہمیشہ سے اپنی بیٹنگ لائن کے حوالے سے فکر مند رہے مگر جاری سیریز کے دوران ہماری ٹیم نے دو مرتبہ400 رنز بنائے، دوسری جانب ہمارے بولرز اپنے بیٹسمینوں کوسپورٹ کرنے میں بری طرح ناکام نظر آئے، سڈنی ٹیسٹ نے پاکستانی بولنگ کی قلعی کھول دی،خاص طور پراسپنریاسر شاہ کے حوالے سے مایوسی رہی۔ایک اور سوال پر سابق ٹیسٹ کپتان نے کہا کہ تیسرے ٹیسٹ میں ہمارے بیٹسمینوں کووکٹ پر جم کرکھیلنا ہوگا، پاکستان کو لمبی اننگزدرکار ہے، امید تو ہے کہ ٹیم اس ٹیسٹ میں شکست کا شکار نہیں ہوگی، اس طرح آسٹریلیا کے ہاتھوں مسلسل چوتھی سیریز میں وائٹ واش کا خطرہ ٹل سکتا ہے۔