سیالکوٹ(بیورو رپورٹ) و زیرخارجہ خواجہ آصف کا کہنا ہے کہ امریکہ پاکستان پر اپنی ناکامیاں کا بوجھ نہ ڈالے ،طالبان کو اسلحہ افغان افواج سے ملتا ہے،امریکہ کے اتحادی ہو نے کی وجہ سے ہم نے بہت نقصان اٹھایا۔ سیالکوٹ میں میڈیا سے گفتگو کرتے ہوئے وفاقی وزیر داخلہ خواجہ آصف کا کہنا تھا کہ ہم نے امریکہ کے ا تحادی بن کر بہت زیادہ نقصان اٹھایا اگر امریکا کو ہم پر یقین نہیں تو افغان مہاجرین کی واپسی کا بندوبست کرے لیکن اپنی 16 سالہ ناکامی کا ملبہ پاکستان پر نہ ڈالے۔ خواجہ آصف کا کہنا تھا کہ قیام امن کے لئے پاکستان کے 2 لاکھ فوجی دہشت گردوں کے خلاف حالت جنگ میں ہیں ،ہمارے ہزاروں فوجی جوانوں نے دہشت گردی کے خلاف جنگ میں اپنی جانوں کے نذرانے پیش کئے پاکستان نے اپنے علاقے سے دہشت گردی کا صفایا کردیا ہے۔ وزیرخارجہ کا کہنا تھا کہ امریکا گزشتہ 70 سال سے پاکستان کا بااعتماد ساتھی رہا ہے اور ہم نے امریکا کا اتحادی بن کر بہت زیادہ نقصان اٹھایا لیکن امریکی قیادت کی جانب سے پاکستان مخالف بیانات پر تعجب اور انتہائی افسوس ہے ہم امریکا سے تعلقات برقرار رکھ غلط فہمیاں دور کرنا چاہتے ہیں اور اگر امریکا کو پاکستان پر یقین نہیں تو افغان مہاجرین کو واپس افغانستان بھیجنے کا بندوبست کرے اور اپنی 16 سالہ ناکامیوں کا ملبہ پاکستان پر نہ ڈالے۔ ان کا کہنا تھا کہ ہم نے افغان مہاجرین کی 30،35 سال خدمت کی ہم افغانستان میں امن کے خواہاں ہیں کیوں کہ یہ پاکستان کی ضرورت ہے، وہاں کا امن واپس لایا جاسکتا ہے لیکن اس کے لئے امریکا کو پاکستان کا ساتھ دینا ہوگا اورمسئلے کا حل تلاش کرنا ہوگا۔ خواجہ آصف نے کہا کہ افغانستان کا40 فیصد حصہ اب بھی طالبان کے زیر اثر ہے اور پاکستان پر 90 فیصد سے زائد حملے افغانستان سے ہی ہوتے ہیں افغان فوجی طالبان کو امریکی اسلحہ فراہم کرتے ہیں ہم نے پاک افغان سرحد کو محفوظ بنانے کے لئے عملی اقدامات کئے لیکن افغانستان نے650 کلومیٹر تک سرحد پرکوئی پوسٹ تک نہیں بنائی، امریکا کو چاہئے کہ وہ پاک افغان سرحد پر باڑ لگانے میں ہماری مدد کرے۔

کراچی (مانیٹرنگ ڈیسک) وزیر اعظم شاہد خاقان عباسی نے کہا ہے کہ ایل این جی ٹرمینل کی تعمیر کے بعد سے اب تک ایل این جی کے 100 جہاز یہاں آ چکے ہیں، اور یہی پاکستان کو گیس فراہم کرنے کا سب سے بڑا ذریعہ بن چکا ہے۔پورٹ قاسم پر ایل این جی ٹرمینل کا افتتاح کرنے کے بعد تقریب سے خطاب کرتے ہوئے وزیر اعظم شاہد خاقان عباسی نے کہا کہ ماضی میں ایل این جی پاکستان لانے کی سرکاری کوششیں ناکام رہیں لیکن ان کی حکومت نے یہ کردکھا یا۔ ایل این جی ٹرمینل 330 دن کی ریکارڈ مدت میں مکمل کیا گیا اور امید ہے کہ مزید ٹرمینلز بھی کم مدت میں مکمل ہوں گے۔انہوں نے کہا کہ دو پارٹیوں نے ایل این جی لانے کیلئے بولی لگائی تھی، ایل این جی کی بولی کا عمل شفاف طریقے سے مکمل ہوا اور اس کا ٹھیکہ شفاف طریقے سے دیا گیا، ٹھیکہ دینے کے 14 ماہ بعد ایل این جی منصوبے پر کام شروع کردیا گیا اور اب ایل این جی ٹرمینل پاکستان کو گیس فراہم کرنے والا سب سے بڑا ذریعہ ہے۔ پورٹ قاسم پر ایل این جی ٹرمینل 330دنوںکی ریکارڈ مدت میں مکمل ہوا ہے ، ریکارڈ مدت میں منصوبے مکمل کرنا موجودہ حکومت کا امتیازی وصف ہے جس کا بنیادی مقصد عوام کو زیادہ سے زیادہ سہولیات کی فراہمی کو یقینی بنانا ہے ، ایل این جی کی درآمد سے قومی معیشت کو سالانہ 1.5ارب ڈالرز کا فائدہ پہنچے گا جبکہ مہنگے فرنس آئل کی بجائے سستی ایل این جی کے استعمال سے زرمبادلہ کی بچت ہوگی۔یہ ٹرمینل اینگرو ٹرمینل لمیٹڈ نے 330دنوں ریکارڈ مدت میں مکمل کیاہے جو 600ایم ایم ایس سی ایف بی گیس کی ری گیسیفکیشن کی استعداد کا حامل ہے۔ اس سے نہ صرف صنعتی ادارے توانائی کی اپنی ضروریات پوری کر سکیں گے بلکہ عوام کو بھی ریلیف ملے گا اور تیل سے مہنگی بجلی پیدا کرنے پر انحصار میں کمی واقع ہوگی۔ تقریب سے خطاب کرتے ہوئے وزیر اعظم شاہد خاقان عباسی نے کہاکہ موجودہ حکومت نے توانائی کے اس سستے ذریعے کو 14 ماہ سے کم عرصے میں ملک میں متعارف کرایا ہے ، ماضی کی تین حکومتوں نے پاکستان میں ایل این جی لانے کیلئے کئی کوششیں کیں لیکن انہیں کامیابی نہیں ملی ۔ وزیر اعظم نے کہا کہ ملک میں توانائی کی بڑھتی ہوئی ضروریات کوپورا کرنے کیلئے ایل این جی ایک سستا ذریعہ ہے کیونکہ تیل اور جوہری ذرائع سے توانائی کی پیداوار کا عمل مہنگا ہے ۔ وزیر اعظم نے کہا کہ ایل این جی کیلئے بولی کاعمل شفاف طریقے سے مکمل ہوا جس کا اعتراف بین الاقوامی برادری نے بھی کیا ہے، عالمی طور پر یہ خیال پایا جارہا تھا کہ پاکستان میں ایل این جی کو لانے میں کئی برس لگ سکتے ہیں لیکن موجودہ حکومت کو یہ اعزاز حاصل ہے کہ اس نے بہت قلیل مدت میں ایل این جی کی صورت میں توانائی کے اس ذریعے کو متعارف کرایا ۔ وزیر اعظم نے کہا کہ پورٹ قاسم پر ایل این جی ٹرمینل کا افتتاح 330دنوںکی ریکارڈ مدت میں مکمل ہوا ہے ، ریکارڈ مدت میں منصوبے مکمل کرنا موجودہ حکومت کا امتیازی وصف ہے جس کا بنیادی مقصد عوام کو زیادہ سے زیادہ سہولیات کی فراہمی کو یقینی بنانا ہے ۔وزیر اعظم نے کہا کہ ان کیلئے یہاں موجودگی خوشی کی بات ہے، توانائی کی اہمیت مسلمہ ہے،توانائی کی کمی کی وجہ سے ملک کو مشکلات کا سامنا ہوسکتا تھا۔ وزیر اعظم نے کہا کہ حکومت تیل کی ترسیل اور استعمال کو آسان بنانا چاہتی ہے لیکن اس پر اخراجات بہت زیادہ ہیں اور ان کا حل ایل این جی کی صورت میں توانائی کی فراہمی کی صورت میں موجود ہے، ماضی میں ملک میں ایل این جی لانے کی متعدد کاوشیں کی گئیں لیکن ناکام رہیں جسکی مختلف وجوہات ہیں، ماضی میںٹرمینلر کی تعمیر کے بغیر ایل این جی لانے کی کوششیں کی گئیں ۔ وزیر اعظم نے کہا کہ حکومت نے نجی شعبے کی معاونت سے ایل این جی ٹرمینل تعمیر کئے ہیں۔ انہوں نے کہا کہ توانائی سے متعلق مسائل کا حل موجودہ حکومت کی اولین ترجیحات میں شامل رہاہے ، وزیر اعظم نے کہاکہ معاہدے پر دستخط کے بعد ایل این جی ٹرمینل کی تعمیر کاعمل گیارہ ماہ کی ریکارڈ مدت میں مکمل کیاگیا۔ وزیر اعظم نے کہا کہ ملک میں ایل این جی کی درآمد کے بعد توانائی سے متعلق مسائل کو کم کرنے میں مدد ملی ہے ، گیس کی کمی کی وجہ سے سی این جی کے شعبے پر اثرات مرتب ہوئے تھے تاہم ایل این جی کی درآمد کے بعد نہ صرف سی این جی کے شعبے کو گیس کی فراہمی میں مدد ملی ہے بلکہ صنعتوں بالخصوص کھادسازی کی صنعت کو بلاتعطل گیس فراہم کی جارہی ہے جبکہ بجلی کی پیداوار کے شعبے پر بھی نہایت اچھے اثرات مرتب ہورہے ہیں، ایل این جی کی درآمد سے قومی معیشت کو سالانہ 1.5ارب ڈالرز کا فائدہ پہنچے گا جبکہ مہنگے فرنس آئل کی بجائے سستی ایل این جی کے استعمال سے زرمبادلہ کی بچت ہوگی۔

کابل/واشنگٹن (آئی این پی ) افغانستان میں امریکی فوج کے کمانڈر جنرل جان نکلسن نے دہشت گردی کے خلاف جنگ میں پاکستانی افواج کی قربانیوں کا اعتراف کیا ہے تاہم ایک مرتبہ پھر پاکستان پر طالبان کی حمایت کا الزام لگاتے ہوئے کہا ہے کہ ملک سے باہر موجود دہشت گردوں کی محفوظ پناہ گاہیں سنجیدہ صورت حال اختیار کرچکی ہیں اور اس مسئلے کو فوری طور پر حل کرنے کی ضرورت ہے ۔امریکی اخبار واشنگٹن پوسٹ کو انٹرویو دیتے ہوئے افغانستان میں امریکی فوج کے کمانڈر جنرل جان نکلسن نے کہا کہ پاکستانی عوام نے دہشت گردوں کے ہاتھوں شدید نقصان اٹھایا ہے، ان کی سیکیورٹی افواج نے دہشت گردی کے خلاف جنگ بہت بہادری اور حوصلے سے لڑی، اور ہم اس کا احترام کرتے ہیں، تاہم صدر ڈونلڈ ٹرمپ نے اپنی تقریر میں پاک امریکا تعلقات کی موجودہ صورت حال بیان کی ہے، درحقیقت پاکستان امریکا تعلقات تاریخ کے نازک ترین موڑ پر پہنچ چکے ہیں، جنہیں واشنگٹن سے لے کر اسلام آباد تک سنبھالنے کی کوشش ہورہی ہیں۔جنرل نکلسن نے کہا کہ ہم امریکا پر حملہ روکنے کے لیے افغانستان میں موجود ہیں، یہی وجہ ہے کہ نائن الیون کے بعد امریکا پر کوئی بڑا حملہ نہیں ہوا، طالبان کی حکومت کو اس لیے ختم کیا گیا کہ انہوں نے القاعدہ کو پناہ دی، القاعدہ اور طالبان ہنوز میدان جنگ میں ایک دوسرے سے تعاون کرتے ہیں، افغانستان میں طالبان کی واپسی کا مطلب القاعدہ کی واپسی ہے، اور القاعدہ کی واپسی کا مطلب امریکا کی سلامتی کے لیے خطرہ ہے۔انہوں نے کہا کہ افغانستان میں امریکا کی موجودگی کی ایک وجہ یہ ہے کہ پچھلے 16 سال میں مزید دہشتگرد گروپس بن گئے ہیں جس کی مثال داعش ہے، داعش خراسان بنیادی طور پر پاکستانیوں پر مشتمل ہے، ٹی ٹی پی سے تعلق رکھنے والے پشتونوں اور اسلامک موومنٹ ازبکستان کے جنگجوں نے یہ تنظیم بنائی جو اب افغانستان کے علاقوں پر قبضہ کرنے کی کوشش کررہی ہے، تاہم امریکی و افغان اسپیشل فورسز نے مشترکہ آپریشن میں داعش کے سرفہرست تین رہنماں سمیت نصف سے زیادہ افرادی قوت کو ختم کردیا ہے۔ طالبان کی وجہ سے داعش وجود میں آئی، اگر طالبان واپس آگئے تو داعش اور القاعدہ دونوں زور پکڑ لیں گی۔ ادھر افغانستان کے غیر سرکاری نشریاتی ادارے کو دیئے گئے خصوصی انٹرویو میں جنرل جان نکلسن کا کہنا تھا کہ امریکا جانتا ہے کہ طالبان کی قیادت کوئٹہ اور پشاور میں موجود ہے۔انہوں نے کہا کہ ملک سے باہر موجود پناہ گاہوں کو ختم کرنے کی ضرورت ہے اور اس حوالے سے پاکستان اور امریکی حکومت کے درمیان نجی طور پر بات چیت کی گئی تھی لیکن ان کے خلاف کارروائی عمل میں نہیں لائی گئی۔امریکی کمانڈر کا کہنا تھا کہ دہشت گردوں اور عسکریت پسندوں کی حمایت میں کمی آئی ہے تاہم اسے ختم ہونا چاہیے۔ایک سوال کے جواب میں جنرل جان نکلسن کا کہنا تھا کہ افغانستان کے مسئلے کا سفارتی حل ممکن ہے لیکن ملک میں جاری فوجی کوششیں جاری رہیں گی اور امریکا افغان حکومت کے ساتھ مل کر کام کرنے کے لیے فوجی صلاحیتوں میں اضافہ کرے گا۔ان کا مزید کہنا تھا کہ میری توجہ افغانستان میں جاری سرگرمیوں پر مرکوز ہیں، لیکن دیگر حکام پاکستان میں موجود ان دہشت گردوں کی پناہ گاہوں کے معاملات کو دیکھ رہے ہیں۔امریکی کمانڈر کا دعوی تھا کہ کوئٹہ شوری اور پشاور شوری پاکستان کے شہروں کی نشاندہی کرتی ہیں اور ہم جانتے ہیں کہ طالبان رہنما ان علاقوں میں موجود ہیں۔۔خیال رہے کہ دو روز قبل امریکی کمانڈر نے کابل میں میڈیا سے بات چیت کرتے ہوئے کہا کہ طالبان کو زمینی جنگ میں کامیابی حاصل نہیں ہورہی اور ان کے پاس یہ وقت ہے کہ وہ امن عمل میں شمولیت اختیار کریں۔ان کا مزید کہنا تھا کہ ہم افغانستان میں ناکام نہیں ہوں گے، جیسا کہ اس پر ہماری قومی سلامتی کا انحصار ہے۔یاد رہے کہ گذشتہ ہفتے امریکی صدر ڈونلڈ ٹرمپ افغانستان میں مزید ہزاروں امریکی فوجیوں کی تعیناتی کی راہ ہموار کرتے ہوئے امریکا کی طویل ترین جنگ کے خاتمے کے وعدے سے مکر گئے تھے جبکہ پاکستان پر دہشت گردوں کو محفوظ ٹھکانے فراہم کرنے کا الزام دہرادیا تھا۔بحیثیت کمانڈر اِن چیف امریکی قوم سے اپنے پہلے رسمی خطاب میں ڈونلڈ ٹرمپ نے افغانستان، پاکستان اور جنوبی ایشیا کے حوالے سے نئی امریکی پالیسی کا اعلان کیا۔اپنے خطاب میں امریکی صدر کا کہنا تھا کہ ہم پاکستان میں موجود دہشت گرد تنظیموں کی محفوظ پناہ گاہوں پر خاموش نہیں رہیں گے۔امداد میں کمی کی دھمکی دیتے ہوئے ڈونلڈ ٹرمپ کا کہنا تھا کہ ہم پاکستان کو اربوں ڈالر ادا کرتے ہیں مگر پھر بھی پاکستان نے ان ہی دہشت گردوں کو پناہ دے رکھی ہے جن کے خلاف ہماری جنگ جاری ہے۔امریکی صدر کا کہنا تھا کہ پاکستان کے اس رویے کو تبدیل ہونا چاہیے اور بہت جلد تبدیل ہونا چاہیے۔

لاہور(اپنے سٹاف رپورٹر سے)وزیر اعلی پنجاب محمد شہباز شریف نے کہا ہے کہ پینے کے صاف پانی کی فراہمی کا پروگرام عوامی مفاد کا بہت اہم منصوبہ ہے اور مفاد عامہ کے اس شاندار پروگرام کو مقررہ مدت میں پایہ تکمیل تک پہنچانا ہے ،وزیراعلیٰ پنجاب محمد شہبازشریف نے ویڈیو لنک کے ذریعے پینے کے صاف پانی کے پروگرام پر عملدرآمد اور مختلف امور پر پیش رفت کا جائزہ لینے سے متعلق اجلاس سے خطاب کرتے ہوئے کیا-وزےراعلیٰ نے کہاکہ پینے کے صاف پانی کے پروگرام سے قوم کے بچوں کا مستقبل جڑا ہے -شہریوں کو بیماریوں سے محفوظ رکھنے کے حوالے سے صاف پانی پروگرام نہایت اہمیت کا حامل ہے اورپروگرام کا آغاز اربوں روپے کی لاگت سے جنوبی پنجاب کی تحصیلوں سے کیا جا رہا ہے ۔انہوںنے کہا کہ ہمیں محنت ، جذبے اور لگن سے کام کرتے ہوئے پروگرام کے اہداف کو حاصل کرنا ہے اورمیرا ایمان ہے کہ محنت اور خلوص نیت سے کوئی بھی کام کیا جائے تو کامیابی ضرور ملتی ہے لہذا صاف پانی پروگرام کو انتھک محنت اور شب و روز کی کاوشوں سے کامیاب بنانا ہے اورصاف پانی کی سا¶تھ اور نارتھ کمپنیاں فیصلے کر کے آگے بڑھیں اور نتائج دیں۔ وزےراعلیٰ پنجاب نے کہا ہے کہ پنجاب حکومت کی متوازن ترقےاتی حکمت عملی کے مثبت نتائج برآمد ہوئے ہےں اورپسماندہ اورکم ترقی ےافتہ علاقوں کی ترقی پر اربوں روپے وسائل صرف کےے گئے ہےں ۔جنوبی پنجاب کی ترقی پر خصوصی توجہ مرکوز کی گئی ہے۔موبائل ہےلتھ ےونٹس ،دانش سکولز،جدےد ہسپتال اوربڑے تعلےمی ادارے بھی جنوبی پنجاب مےں قائم کےے گئے ہےں ۔مظفرگڑھ مےں جدےد طبی سہولتوں سے آراستہ گورنمنٹ طےب اردوان ہسپتال علاقے کے عوام کو جدےد علاج معالجہ فراہم کررہا ہے۔انہوںنے کہاکہ جنوبی پنجاب کی ترقی کےلئے آبادی کے تناسب سے 10فےصد زائد فنڈز فراہم کےے گئے ہےں ۔جنوبی پنجاب میں بسنے والے بہن بھائی میرے دل کے بہت قریب ہیںاورمسلم لیگ (ن) کی حکومت نے جنوبی پنجاب کے عوام کو ان کا حق دینے کیلئے وسائل کی کمی نہیں آنے دی۔ انہوںنے کہا کہ جنوبی پنجاب مےںعوام کی ترقی اورخوشحالی کےلئے بڑے منصوبے مکمل کےے گئے ہےں جبکہ اربوں روپے کے مےگاپراجےکٹس پرکام جاری ہے ۔ وزیراعلیٰ پنجاب محمد شہبازشریف نے کہا کہ ”خادم پنجاب اجالا پروگرام“ کے تحت بجلی سے محروم 20 ہزار سکولوں کو شمسی توانائی پر منتقل کرنے کے پروگرام پرتیزی سے عملدرآمد کرناہے اوراس پروگرام کے پہلے مرحلے کا آغاز جنوبی پنجاب کے سکولوں سے کیا جا رہاہے جس کے تحت جنوبی پنجاب کے بجلی سے محروم 10ہزار 800 سکولوں کو سولر پینلز سے روشن کیا جائے گا- کہاکہ سکولوں کو شمسی توانائی پر منتقل کرنے کے حوالے سے یہ پاکستان کا منفرد اور شاندار پروگرام ہے اورقوم کے نونہالوں کو بہتر تعلیمی ماحول کی فراہمی کے حوالے سے یہ انتہائی اہم منصوبہ ہے لہذا”خادم پنجاب اجالا پروگرام“ کووقت ضائع کئے بغیر تیز رفتاری سے آگے بڑھاناہے- انہوں نے کہا کہ20ہزار سکولوں کو سولر پینلز کے ذرےعے روشن کرنے کے اس پروگرام پر اربوں روپے خرچ کئے جا رہے ہیں اور لاکھوں بچوں اور بچیوں کو اس شاندار پروگرام سے بے پناہ فائدہ ہوگا اورہمیں ملکر اس شاندار پروگرام کو پایہ تکمیل تک پہنچانا ہے اور”خادم پنجاب اجالا پروگرام“ کو محنت اور تندہی سے کام کرتے ہوئے تیزی سے آگے بڑھاناہے۔ وزےراعلیٰ پنجاب محمد شہبازشرےف نے جھنگ کے علاقے مےں خودسوزی کرنے والے شادی شدہ شخص کے جاں بحق ہونے پر افسوس کا اظہارکےا ہے ۔ وزےراعلیٰ نے جاں بحق شخص کو انصاف فراہم نہ کرنے پر اےس اےچ او تھانہ اٹھارہ ہزاری اورتفتےشی افسر کے خلاف مقدمہ درج کرنے کا حکم دےا ہے۔ وزیراعلیٰ پنجاب محمد شہباز شریف نے سابق وفاقی وزےر خالد احمد خان کھرل کے انتقال پر گہرے دکھ اور افسوس کا اظہار کیا ہے۔ وزیراعلیٰ نے اپنے تعزیتی پیغام میں سوگوار خاندان سے ہمدردی اور تعزیت کا اظہار کرتے ہوئے دعا کی کہ اللہ تعالیٰ مرحوم کی روح کو جوار رحمت میں جگہ دے۔