نئی دہلی (اے این این ) بھارتی سیکیورٹی فورسز نے سکھوں کے روحانی پیشوا گورو گرمیت رام رحیم سنگھ کی تنظیم ڈیرا سچا سودا کے خلاف کریک ڈان کرتے ہوئے 30 آشرم بند کردیئے۔ہریانہ کی ایک عدالت نے جمعہ کو گورو گرمیت سنگھ پر دو خواتین کو زیادتی کا نشانہ بنانے کے 15 سال قبل پرانے مقدمے میں فرد جرم عائد کی تو ان کے عقیدت مند مشتعل ہوگئے جب کہ مظاہرین نے شہریوں کی املاک کو نقصان پہنچایا۔ پرتشدد مظاہرے کے دوران اب تک 36 افراد ہلاک اور 300 سے زائد زخمی ہوگئے، ریاست ہریانہ میں سیکیورٹی فورسز نے کرفیو میں نرمی کرتے ہوئے گورو گرمیت سنگھ کے عقیدت مندوں کی گرفتاریوں کا سلسلہ شروع کردیا۔دوسری جانب پولیس، بی ایس ایف اور فوج نے کریک ڈاو¿ن کرتے ہوئے ریاست ہریانہ میں موجود ڈیرا سچا سودا کے 30 آشرم بند کردیئے۔گورو گرمیت سنگھ کے سرسا میں موجود مرکزی آشرم میں اب بھی 30 ہزار کے قریب عقیدت مند موجود ہیں جب کہ سیکیورٹی فورسز اور عقیدت مندوں کے درمیان مذاکرات کا عمل جاری ہے۔
گورو گرمیت سنگھ کی تنظیم کیخلاف کریک ڈاﺅن،30 آشرم بند
