لاہور(آئی این پی) قومی ٹیسٹ ٹیم کے مایہ ناز سابق جادوگر اسپنر نے انٹرنیشنل کرکٹ کو خیرباد کہنے کے بعد انٹرنیشنل لیگز میں اپنے جوہر دکھانا شروع کردیئے ہیں۔تفصیلات کے مطابق انٹرنیشنل کرکٹ سے ریٹائرمنٹ کا اعلان کرنے والے سعید اجمل نے لیگز میں مصروفیات ڈھونڈ لی ہیں، یوگنڈا میں ایفرو ٹی ٹوئنٹی لیگ میں شرکت کے بعد وہ 15 سے 18 دسمبر تک قطر کے دارالحکومت دوحہ میں ایونٹ میں شرکت کریں گے۔ سوشل میڈیا پر پیغام میں آف سپنر نے شائقین کو کہا ہے کہ قطر نیشنل ڈے کپ میں شرکت کے لیے دوحہ آ رہا ہوں، ایونٹ میں بہت سے ایشین اسٹار پلیئرز ایکشن میں نظر آئیں گے۔واضح رہے کہ قومی ٹی ٹوئنٹی ٹورنامنٹ کے دوران فیصل آباد کی قیادت کرنے والے سعید اجمل نے ایونٹ کے بعد انٹرنیشنل اور ڈومیسٹک کرکٹ سے ریٹائرمنٹ کا اعلان کیا تھا اور کہا تھا کہ وہ عالمی لیگز میں کھیلنا جاری رکھیں گے۔

لاہور(این این آئی)سابق ہاکی اولمپینزنے موجودہ ہاکی فیڈریشن کی پالیسیوں پراعتمادکااظہارکردیا۔ اس حوالے سے سابق اولمپئین طاہرزمان نے کہا کہ پاکستان سپر ہاکی لیگ اور ورلڈالیون کے دورہ پاکستان سے دنیاکویہ پیغام ملے کاکہ پاکستان کھیلوں کے لئے محفوظ ملک ہے ۔ہاکی لیگ پاکستان میں ہاکی کی بہتری میں اہم کرداراداکرے گی ۔انہوں نے کہا کہ ہاکی کی بہتری کےلئے صدرپاکستان ہاکی فیڈریشن بریگیڈیئر ریٹائرڈ خالدسجادکھوکھراورسیکرٹری شہباز احمد سنیئرکی کوششوں سے ہاکی کاکھویاہوامقام حاصل کرلے گی۔سابق اولمپیئن ریحان بٹ نے کہاکہ چندپرانے اولمپیئنزکی منفی سیاست سے ہاکی کوبھاری نقصان اُٹھاناپڑاجولوگ اپنے مفادات کے لئے ہاکی کوتباہی کی طرف لے جاناچاہتے ہیں وہ اپنے مقصدمیں کبھی کامیاب نہیں ہونگے۔سابق اولمپیئن محمدثقلین نے کہاکہ پاکستان سپرہاکی لیگ سے ہاکی میں بہتری آئے گی اس لیگ سے نیاٹیلنٹ سامنے آئے گااورآنیوالے اہم ٹورنامنٹس میں قومی ہاکی ٹیم بہترین کارکردگی کامظاہرہ کرے گی پی ایچ ایف کے سیکرٹری شہبازاحمدسنیئرکی موجودہ پالیسیوں سے پاکستان میں ہاکی کا گرتا ہوا معیاربہتری کی طرف گامزن ہواہے ۔ سابق اولمپیئن ڈاکٹر عاطف بشیرنے کہاکہ ہاکی میں منفی سیاست اورعہدوں کے حصول نے ہاکی کوناقابل تلافی نقصان پہنچایااب وقت آگیاہے کہ اپنی مثبت سوچ اوربہترحکمتِ عملی سے پاکستان ہاکی فیڈریشن ملک میں ہاکی کی بہتری کےلئے کام کرے۔سابق اولمپیئن قمرابراہیم اورسابق کپتان محدعثمان نے کہاکہ شہباز احمد سنیئردنیاکے بہترین کھلاڑی ہونے کےساتھ ساتھ بہترین ایڈمنسٹریٹربھی ثابت ہونگے امیدہے کہ وہ اپنے مخالفین کی پرواہ نہ کرتے ہوئے ہاکی کواپناکھویاہوامقام واپس دلوانے میں رورکامیاب ہوجائیں گے۔سابق اولمپیئن علیم رضانے کہاکہ پی ایچ ایف کے صدربرگیڈئیرریٹائرڈخالدسجادکھوکھرنہ صرف فنڈزلے کرآئے بلکہ ہاکی کھلاڑیوں کوروزگاربھی مہیاکیاہے۔1994کے سڈنی ورلڈکپ کے فاتح کامران اشرف نے پی ایچ ایف نے ہاکی کی بہتری کے لئے زیڈٹی بی ایل،اوڈی سی اورایس این جی پی ایل کی ٹیمیں تشکیلِ نوکیں جس سے کھلاڑیوں کی حوصلہ افزائی ہوئی اوروہ مالی طورپرمستحقم ہوئے۔محمدعرفان سینئر،اولمپیئنزخالدحمید،طارق عمران،شبیرحسین نے پاکستان ہاکی فیڈریشن کی موجودہ پالیسیوں پراطمینان کااظہارکیااورکہاکہ جلدقومی ہاکی ٹیم اپناکھویاہوامقام حاصل کرلے گی۔

(ویب ڈیسک )انوشکا شرما نے تصویر پوسٹ کرتے ہوئے لکھا ہے کہ ایسا لگ رہا ہے کہ وہ جیسے جنت میں ہیں۔ سیلفی میں دیکھا جاسکتا ہے کہ اداکارہ انوشکا کے ہاتھوں کی مہندی کا رنگ بھی پھیکا نہیں پڑا ہے اور ان کی انگلیوں میں شوہر کی جانب سے تحفہ دی گئی قیمتی انگوٹھی بھی موجود ہے۔ اس تصویر کو ابتک 18 لاکھ لائکس مل چکے ہیں۔۔ ان کی اس تصویر کو اپلوڈ ہونے کے 20 منٹ بعد ہی تقریباً 2 لاکس لائکس ملے۔ شادی شدہ جوڑے نے اپنے ہنی مون کی جگہ کو بھی شادی کی طرح خفیہ رکھا ہے لیکن برفیلے پہاڑ دیکھ کر اندازہ لگانا مشکل نہیں ہے کہ یہ جوڑی یورپ میں ہی کہیں مقیم ہے۔

کراچی (نیوزایجنسیاں) دورہ نیوزی لینڈ کیلئے قومی کرکٹ ٹیم کے فٹنس ٹیسٹ 22 سے 24 دسمبر تک ہوں گے۔ پی سی بی ذرائع کے مطابق تمام منتخب کردہ کھلاڑیوں کے فٹنس ٹیسٹ قذافی اسٹیڈیم لاہور میں لئے جائیں گے اور مختصر سے کنڈیشننگ کیمپ کے بعد گرین شرٹس 27 دسمبر کو نیوزی لینڈ کیلئے پرواز کر جائیں گے۔ دورہ نیوزی لینڈ سے قبل اوپنر امام الحق اور فاسٹ بولر جنید خان بھی ان فٹ کھلاڑیوں کی فہرست میں شامل ہوگئے ہیں۔ قائد اعظم ٹرافی میں شریک بیٹسمین اظہرعلی فٹ ہو گئے ہیں جن کا کم بیک لازمی ہے تاہم معمولی انجریز میں مبتلا فہیم اشرف، رومان رئیس اور عماد وسیم کی فٹنس ٹیسٹ کے دوران خاص طور پر جانچی جائے گی۔ امام الحق کے پاﺅں میں فنگس کی بیماری لگ گئی ہے۔ ڈاکٹروں کا کہنا ہے کہ انہیں مکمل فٹ ہونے میں ایک ماہ سے زائد وقت لگ سکتا ہے۔ فاسٹ بولر جنید خان کا پاﺅں بنگلہ دیش پر یمیئر لیگ کے دوران زخمی ہوا تھا۔ وہ بھی فٹ نہیں اور جس کے باعث وہ قائداعظم ٹرافی کے سپرایٹ مرحلے میں اپنی ٹیم کی نمائندگی نہیں کرسکے۔واضح رہے کہ پاکستان اور نیوزی لینڈ کے درمیان پانچ ایک روزہ میچوں کی سیریز چھ دسمبر سے شروع ہوگی تاہم کنڈیشنز سے آگاہی کیلئے قومی کرکٹ ٹیم کو سیریز کے آغاز سے دس روز قبل ہی نیوزی لینڈ بھیجا جائے گا۔ قومی کرکٹ ٹیم کی انتظامیہ کا کہنا ہے کہ اس اہم اور مشکل ترین دورے میں صرف سو فیصد فٹ کھلاڑیوں کو ہی منتخب کیا جائے گا اور ماضی کی غلطیاں نہیں دہرائی جائیں گی کیونکہ پہلے ان فٹ کھلاڑیوں کو بھی فٹنس کی امید پر بیرون ملک سیریز کیلئے بھیجا گیا اور پھر بعد میں تبدیلیاں کرنا پڑیں جس سے ٹیم کامبی نیشن متاثر ہوا۔ پی سی بی ذرائع کے مطابق گزشتہ ہفتے دورے کیلئے حتمی ٹیم کا اعلان کیا جانا تھا تاہم ٹی ٹین لیگ میں قومی کرکٹ ٹیم کے اہم کھلاڑیوں کی مصروفیت اور چیئرمین پی سی بی نجم سیٹھی کے لندن میں ہونے کے سبب تاخیر ہو گئی۔ ذرائع کے مطابق دورہ نیوزی لینڈ کیلئے پندرہ رکنی قومی اسکواڈ کو حتمی شکل دے دی گئی ہے جس کا چیئرمین کی منظوری کے بعد اعلان کیا جانا باقی ہے۔ واضح رہے کہ دورہ نیوزی لینڈ میں پانچ میچوں پر مشتمل ون ڈے سیریز کے بعد ٹی ٹوئنٹی میچوں کی سیریز بھی کھیلے جائے گی اور مختصر فارمیٹ کی سیریز کو مد نظر رکھتے ہوئے ہی کھلاڑیوں کا انتخاب کیا گیا ہے ۔

شارجہ(نیوزایجنسیاں)ٹی10 لیگ میں حسن علی کی شاندار باو¿لنگ کے باوجود سرفراز احمد کی بنگال ٹائیگرز نے پنجابی لیجنڈز کو تین وکٹ سے شکست دے کر ایونٹ میں پہلی کامیابی حاصل کر لی۔پنجابی لیجنڈز نے ٹاس جیت کر پہلے بیٹنگ کا فیصلہ کیا تو انہیں ابتدا میں ہی لیوک رونچی کی اہم وکٹ سے محروم ہونا پڑا لیکن اس کے بعد عمر اکمل اور شعیب ملک نے عمدہ بیٹنگ سے ابتدائی نقصان کا ازالہ کردیا۔عمر اکمل نے 25 گیندوں پر دو چھکوں اور چار چوکوں کی مدد سے 38 جبکہ شعیب نے 15 گیندوں پر ایک چھکے اور چار چوکوں کی مدد سے 30 رنز بنائے اور دونوں نے دوسری وکٹ کیلئے 71 رنز جوڑے۔پنجابی لیجنڈز نے 6.1 اوورز میں ایک وکٹ کے نقصان پر 80 رنز بنائے تھے اور بڑے اسکور کی جانب گامزن نظر آتے تھے لیکن دونوں کھلاڑیوں کے یکے بعد دیگرے پویلین لوٹنے کے سبب لیجنڈز کی ٹیم یکدم ثھے گئی اور مقررہ اوورز میں چھ وکٹ پر صرف 99 رنز بنا سکی۔کارلوس بریتھ ویٹ، دو، کپتان مصباح الحق چھ، روی بوپارہ پانچ رنز بنا کر آو¿ٹ ہوئے۔ہدف کے تعاقب میں بنگال ٹائیگرز کو حسن علی کی شاندار باو¿لنگ کے سبب شدید مشکلات کا سامنا کرنا پڑا اور کوئی بھی کھلاڑی بڑی اننگز نہ کھیل سکا ۔لیکن اختتامی اوورز میں عامر یامین، انور علی اور محمد نوید کی جارحانہ بیٹنگ کی بدولت پانچ گیند قبل ہی سات وکٹ کے نقصان پر ہدف حاصل کر لیا اور ایونٹ میں پہلی کامیابی حاصل کر لی۔عامر یامین پانچ گیندوں پر تین چھکوں کی مدد سے 18 رنز بنا کر سب سے کامیاب بلے باز رہے جبکہ کپتان سرفراز احمد اور ڈیوڈ ملر 15، انور علی 14 اور محمد نوید گیارہ رنز بنا کر نمایاں رہے۔حسن علی نے شاندار باو¿لنگ کا مظاہرہ کرتے ہوئے دو اوورز میں صرف سات رنز دے کر چار وکٹیں حاصل کیں۔