واشنگٹن (آئی این پی، مانیٹرنگ ڈیسک)امریکی صدر ڈونلڈ ٹرمپ نے نئے سال کا آغاز ہوتے ہی دھمکی دی ہے کہ پاکستان کواب کوئی امداد نہیں ملے گی،پاکستان کو15 سال میں33 ارب ڈالر امداد دے کر بے وقوفی کی،پاکستان نے امداد کے بدلے ہمیں جھوٹ اور دھوکے کے سوا کچھ نہیں دیا،پاکستان دہشت گردوں کو محفوظ پناہ گاہ فراہم کرتا ہے،افغانستان میں دہشتگردوں کو نشانہ بنانے میں معمولی مدد ملتی ہے لیکن اب ایسا نہیں چلے گا۔منگل کو سوشل میڈیا ویب سائٹ ٹویٹر پراپنے بیان میں امریکی صدر ڈونلڈ ٹرمپ نے کہاکہ پاکستان کو15 سال میں33 ارب ڈالر امداد دے کر بے وقوفی کی، پاکستان نے امداد کے بدلے ہمیں جھوٹ اور دھوکے کے سوا کچھ نہیں دیا۔انکا کہنا تھاکہ پاکستان کواب کوئی امداد نہیں ملے گی۔ٹرمپ نے الزام لگایا کہ پاکستان دہشت گردوں کو محفوظ پناہ گاہ فراہم کرتا ہے،افغانستان میں دہشتگردوں کو نشانہ بنانے میں معمولی مدد ملتی ہے لیکن اب ایسا نہیں چلے گا۔پاکستان امریکی قیادت کو بے وقوف سمجھتا ہے۔ صدر ڈونلڈ ٹرمپ کا کہنا ہے کہ پاکستان امریکی رہنماو¿ں کو بے وقوف سمجھتا ہے اور امریکا نے بھی پاکستان کی مدد کرکے بے وقوفی کی۔سماجی رابطے کی ویب ٹویٹر پر امریکی صدر ڈونلڈ ٹرمپ نے ایک بار پھر پاکستان پر الزامات لگاتے ہوئے کہا ہے کہ امداد وصول کرنے کے باوجود بھی پاکستان نے امریکا کے ساتھ جھوٹ بولا۔امریکی صدر نے کہا کہ پاکستان امریکی رہنماو¿ں کو بے وقوف سمجھتا ہے اور ان دہشت گردوں کو محفوظ پناہ گاہیں فراہم کرتا ہے جنہیں ہم افغانستان میں تلاش کررہے ہیں۔دوسری جانب وزیر خارجہ خواجہ آصف نے کہا ہے کہ امریکی صدر ٹرمپ کے بیان پر انشائ اللہ جلد جواب دیں گے، اپنے جواب میں افسانے اور حقیقت کا فرق بتائیں گے۔
