لندن (خصوصی رپورٹ) برطانوی خاتون کی کمر پر ایک کروڑ 28 لاکھ لاگت کا مصنوعی دل نصب کر دیا گیا جب تک سلویٰ حسین کو دل کا عطیہ نہیں مل جاتا ایک بیگ میں بند پورا نظام ان کے ساتھ رہیگا۔ ڈاکٹرز کے مطابق نظام خون پورے دن میں اسی طرح دوڑتا ہے جس طرح دل اسے پمپ کرتا ہے۔ ہر انسان کا دل اس کے سینے میں ہوتا ہے لیکن آپ یہ سن کر دنگ رہ جائیں گے کہ برطانیہ میں ایک خاتون ایسی ہے جو اپنا دل بیگ میں رکھتی ہے برطانوی شہر کلے ہال کی رہائشی 39 سال سلویٰ حسین کا دل چھ ماہ قبل ہارٹ اٹیک کے باعث ناکارہ ہوگیا تھا۔ ہیئر فیلڈ ہسپتال میں ڈاکٹروں نے آپریشن کرکے اس کے سنیے میں پاور پلاسٹک چیمبرز لگا دیئے جن سے دو پائپ باہر نکل کر ایک پمپ سے منسلک ہو جاتے ہیں۔ یہ پمپ بیٹریوں کے ذریعے چلتا ہے۔ چیمبر خاتون کے سینے کے اندر جبکہ پمپ، برقی موٹر اور بیٹریاں باہر ہیں۔
