لاہور (این این آئی) وفاقی وزیر ریلوے خواجہ سعد رفیق نے کہا ہے کہ بلوچستان میں ہارس ٹریڈنگ کی منڈی سجانے کا سہرا آصف زرداری کے سر ہے دیگر جماعتیں بھی مبارکباد کی برابر حق دار ہیں، بلوچستان میں (ن) لیگ کو بھلے سے شکست دے لیتے کاش جمہور کو شکست نہ دیتے۔ ٹوئٹر پر جاری اپنے بیان میں انہوں نے کہا کہ بلوچستان میں خرید و فروخت اور جوڑتوڑ کی سازش جناب آصف زرداری نے شروع کی جبکہ باقیوں نے حصہ بقدرِ جثہ ڈالا۔ کیا سینیٹ کی چند نشستیں حاصل کرنا پاکستان کے دشمنوں کے ہدف بلوچستان کے استحکام سے زیادہ اہم تھا ؟؟افسوس ہم نے سقوطِ ڈھاکہ سے آج تک سبق نہیں سیکھا ! اللہ کریم ہم پر رحم فرمائیں۔
