کراچی (کرائم رپورٹر) نقیب اللہ محسودقتل کیس کے مرکزی کردارر اﺅ انوار اسلام آبادائیرپورٹ سے دبئی نکلنے میں کامیاب،چیف سیکریٹری سندھ نے راﺅ انواراورملک الطاف کی معطلی کانوٹیفکیشن بھی جاری کردیا۔تفصیلات کے مطابق سابق ایس ایس پی ملیرراﺅانوارنقیب اللہ محسودقتل کیس میں تفتیشی ٹیم کے ہاتھوں خودکوگرفتاری سے بچانے میں کامیاب ہوگیا،راﺅانوارکی گزشتہ دنوں اسلام آبادائیرپورٹ سے حراست میں لئے جانے کی خبریں بھی بلاآخردم توڑگئی،راﺅانوارVIPلاﺅنج سے ہی دبئی نکل گیاتھاجبکہ دوسری جانب آئی جی سندھ اے ڈی خواجہ کی سفارش پر چیف سیکریٹری سندھ کیجانب سے ایس ایس پی راﺅانواراورسابق ایس ایس پی انوسٹی گیشن IIایسٹ زون محمدالطاف سرورملک کی معطلی کانوٹیفکیشن بھی جاری کردیا۔واضح رہے تاہم راﺅانوارکی گرفتاری سپریم کورٹ کے دیئے ہوئے تین روزکے دوران عمل میں نہیں لائی جاسکی۔

لاہور (چودھری اسلم سے) یتیم خانہ چوک کے قریب نواں کوٹ ملتان روڈ میں درگاہ حضرت پیر سید سکندر شاہ کو نذر آتش کردیا گیا۔ پولیس نے موقع پر پہنچ کر قابو پا لیا۔ لحد پر پڑی چادر مکمل جل کر راکھ ہوگئی۔ تفصیلات کے مطابق لاہور میں مزارات کو نذرآتش کرنے کا سلسلہ چل نکلا ہے۔ بم دھماکوں کے بعد کئی مذاکرات کو نذرآتش کرنے کی کوشش کی گئی۔ اس سے قبل اکبری منڈی کے باہر شاہ محمد غوث قادری کے مزار کو نذرآتش کیا گیا۔ گزشتہ روز پیر سید سکندر شاہ کے مزار مبارک کو نذر آتش کرنے کی کوشش کی گئی۔ نامعلوم افراد نے منصوبے کے تحت آگ لگائی اور فرار ہوگئے جبکہ درگاہ میں آگ بھڑکتے ہی شعلے بلند ہوئے تو اردگرد کے لوگ اکٹھے ہوگئے۔ پولیس کو اطلاع کی گئی جس کے ساتھ مل کر لوگوں نے آگ پر قابو پایا۔ پولیس نے جلنے والی چادر بطور ثبوت اپنے قبضے میں لے لی۔ محمد صدیق کی مدعیت میں پولیس نے مقدمہ نمبر 114/18 درج کرلیا۔ پیر سید سکندر شاہ کے نام پر وہاں ایک بڑی کالونی بھی آباد ہے۔ نیااخبار سے گفتگو کرتے ہوئے حاجی صدیق‘ حاجی رحمت علی‘ حیدر علی‘ سابقہ کونسلر رضیہ بی بی نے بتایا کہ یہ پہلا واقعہ نہیں‘ نامعلوم افراد نے مزار مبارک کو تیسری بار نذرآتش کرنے کی کوشش کی ہے جبکہ اوقاف کا عملہ نذرانے کے لئے بے تاب رہتا ہے لیکن مزار مبارک پر سکیورٹی کا کوئی انتظام نہیں۔ بار بار شکایت کی گئی لیکن کسی نے توجہ نہ دی۔ پولیس کے مطابق نامعلوم افراد کی طرف سے آگ فرقہ واریت پھیلانے کا گھناﺅنا منصوبہ ہے تاکہ امت مسلمہ کو لڑا کر کمزور کیا جاسکے اور انتشار پیدا کیا جاسکے۔ مقدمہ کے تفتیشی سب انسپکٹر مختار ہیں۔

لاہور (نیوز ایجنسیاں) صوبائی وزیرِ قانون رانا ثنااللہ کا کہنا تھا کہ ایک طبقہ ہمیشہ ملک میں ابہام پھیلانے اور معاملات کو الجھانے کی طرف گامزن رہتا ہے اور اس طرح کے لوگ روازنہ شام 7 بجے سے رات 10 بجے تک قوم کو گمراہ کرتے ہیں، قوم جانتی ہے کہ ان کی ڈوریاں کہاں سے ہلتی ہیں، معلوم کیا جانا چاہئے کہ یہ لوگ کس کے اشارے پر ٹی وی پر آتے ہیں اور قوم کو بے وقوف بناتے ہیں۔رانا ثنااللہ کا کہنا تھا کہ ایک اینکر پرسن کسی کے اشارے پر قصور واقعے کا رخ موڑنے کی کوشش کررہے ہیں، زینب قتل کیس کے مرکزی ملزم کو ایک بین الاقوامی گروہ کا کارندہ قرار دیا گیا اور ملزم عمران کے 37 اکاو¿نٹس کے بارے میں کہا گیا، اینکر پرسن نے جو دعویٰ کیا ان کی خبر کا ذریعہ پوچھا جانا چاہئے، چیف جسٹس پاکستان سے اپیل ہے کہ اس کیس کو منطقی انجام تک پہنچائیں اور اینکر نے پہلے دن سپریم کورٹ میں جو ریکارڈ پیش کیا اس حوالے سے معلوم کریں کہ انہوں نے کہاں سے حاصل کیا۔ رانا ثناءاللہ خان نے کہا ہے کہ نوازشریف عدلیہ پر نہیں بلکہ ایک فیصلے پرتنقیدکررہے ہیں‘عدلیہ کے فیصلے تاریخ کاحصہ ہیں اور نوازشریف کوفیصلے پرتنقیدکرنے کاحق حاصل ہے‘ متحدہ اپوزیشن کے دھرنے کو قوم نے مسترد کردیاایک روبوٹ کو کراچی سے لا کر مال روڈ لاہور پر کھڑا کردیا اور یہ روبوٹ اتنا ہی چلتا ہے ، جتنی اس کو جاپی دی جاتی ہے‘قوم کو ان کٹھ پتلیوں کو مسترد کرنا چاہیے جو کسی کے اشارے پر قوم کو بے وقوف بناتی ہیں‘ قصور واقعے میں اینکر پرسن شاہد مسعود ایک مہرہ ہے جس کے ذریعے اس کیس کا رخ موڑنے کی کوشش کی گئی، قصور کیس میں شاہد مسعود ایک مہرہ ہے، مہرے کے پیچھے کھڑی قوتیں اس ملک میں افراتفری پھیلانے اور ہیجانی کیفیت پیدا کرنے میں ملوث ہیں ان کا پتہ چلانا چاہیے۔پنجاب اسمبلی کے باہر میڈیا سے گفتگو کرتے ہوئے وزیر قانون پنجاب رانا ثنااللہ کا کہنا تھا کہ قوم کردار کشی کرنے والوں کو جانتی ہے کہ ان کی ڈوریاں کہاں سے ملتی ہیں۔ پوری قوم قصور واقعے کے غم میں ڈوبی ہوئی ہے لیکن ایک اینکر شاہد مسعود کے ذریعے اس کیس کا رخ موڑنے کی کوشش کی گئی۔ ڈاکٹر شاہد مسعود نے قصور واقعے میں ملوث ملزم کے 37 بینک اکاونٹس کا دعوی کیا، چیف جسٹس سے اپیل ہے کہ اس کیس میں شاہد مسعود سے ان کے ذرائع پوچھیں اور اس کیس کو منطقی انجام تک پہنچائیں ملزم عمران کابین الاقوامی گروہ سے کو ئی تعلق نہیں اور زینب قتل کیس کی جے آئی ٹی میں حتمی حقائق سامنے آ ٓئیں گے پوری قوم کردار کشی کرنے والوں کو اچھی طرح جانتی ہے۔انہوں نے کہا کہ قوم نے متحدہ اپوزےشن کی کی کٹھ پتلیوں کو مسترد کرنا چاہیے جو کسی کے اشارے پر قوم کو بے وقوف بناتی ہیں۔ انہوں نے کہا کہ ےک دوسرے پر لعنتیں بھیجنے والوں نے پھر پارلیمنٹ پر لعنت بھیجی پاکستان جنگ کی وجہ سے نہیں ووٹ کی پرچی سے ملا میاں نواز شریف عدلیہ پر نہیں بلکہ فیصلے پر تنقید کررہے ہیں عدلیہ کے فیصلے تاریخ کا حصہ ہیں عدلیہ نے ڈکٹیٹروں کے حق میں فیصلے نہیں دےئے اور ان کے جانے کے بعد اپنے فیصلے کو غلط قرار دیا مشرف کے کیس میں عدلیہ نے فیصلہ کیاایسے نہیں دیا ؟بھٹو کے کیس میں عدلیہ نے فیصلہ صحیح قرار دیا بعد میں فیصلہ غلط کہا گیا۔ انہوں نے کہا کہ حکومت کے خلاف احتجاج دم توڑنے لگے ہیں اب سینیٹ کا الیکشن وقت پر ہوگا ۔ انہوں نے کہا کہ ہم عمران خان کی طر ح پولےس کے گن نہیں گاتے کے پی کے مےں عاصمہ بیٹی کے ذمہ دار نہیں پکڑے گئے مشعال کا اصل ملزم پی ٹی آئی کا عہدیدار تھا جو نہیں پکڑا گیا کوہاٹ میں پی ٹی آئی کے عہدیدار نے میڈیکل کی طالبہ کا قتل کیا سندھ پولیس انتظار، مقصود کے قتلوں کا حساب دیں پولیس سول سوسائٹی سب ہمارے ہیں پولیس کی جہاں کارکردگی ہے وہیں خامیاں بھی موجود ہیں جب بھی کوئی واقعہ ہوا پنجاب پولیس نے بروقت نوٹس لیا ہے۔

اسلام آباد (آ ن لائن ) تحریک انصاف نے خواجہ آصف قوم کے لیئے سیکیورٹی رسک قرار دیتے ہوئے کہا کہ خواجہ آصف کی کرپشن کے ٹھوس شواہد موجود ہیں، عمران خان نے عثمان ڈار کو خواجہ آصف کی کرپشن کے خلاف نیب کو خط لکھنے کی ذمہ داری سونپ دی۔تحریک انصاف کے چیئرمین عمران خان کی زیر صدارت کور گروپ کا اجلاس ہوا جس میں کابل میں بم دھماکے کی شدید مذمت اور ہلاکتوں پر اظہار افسوس کیا گیا۔اجلاس میں خواجہ آصف کی مبینہ کرپشن پر کاروائی کا اصولی فیصلہ کیا گیا۔جبکہ صدر وسطی پنجاب تحریک انصاف علیم خان کی سربراہی میں ٹاسک فورس کے قیام کی منظوری بھی دے دی۔ علیم خان کی سربراہی میں ٹاسک فورس شہباز شریف کی مبینہ کرپشن کو آشکارا کرے گی۔ٹاسک فورس کو آشیانہ ہاﺅسنگ سکیم سمیت شہباز شریف کے تمام کرپشن کے کارناموں کو عیاں کرنے کی تیاری بھی شروع کرنے کی ہدایت کی گئی۔ اجلاس میں بیرون ملک پاکستانیوں کی انتخابی حقوق پر سپریم کورٹ کے فیصلے کا خیر مقدم کیا گیا۔ میڈیا سیل سے جاری اعلامیہ میں کہا گیا کہ تحریک انصاف بیرون ملک پاکستانیوں کے انتخابی حقوق کے لیئے 2012 سے لڑ رہی ہے۔ امید ہے جلد بیرون ملک پاکستانیوں کو ان کے انتخابی حقوق مل جائیں گے۔اجلاس میں نیب میں موجود کیسز کے عملدرامد پر تحفظات کا اظہار کرتے ہوئے کہا کہا کہ حکومت اس وقت اقامے ، اشتہاریوں اور کرپشن سے داغدار لوگوں پر مشتمل ہے۔

لاہور (پ ر) وزیراعلیٰ پنجاب محمد شہبازشریف نے کہا ہے کہ مسلم لیگ (ن) کی حکومت کے ساڑھے چار برس خدمت، دیانت اور محنت سے عبارت ہیںاورپاکستان کی 70 سالہ تاریخ میں ہمارا دور شفاف ترین ہے۔ ہم نے عوامی خدمت کے ریکارڈ قائم کئے ہےں جبکہ شکست خوردہ عناصر نے جھوٹ، الزام تراشی اور یو ٹرن کے ریکارڈ بنائے ہیں۔ دھرنا گروپ کے رہنما نے ہر موقع پر جھوٹ بول کر قوم میں اپنی ساکھ کو خراب کیا ہے۔ اپنے صوبے میں بدترین کارکردگی کا مظاہرہ کرنے والوں کو اب ہوش کے ناخن لینے چاہئیں۔ نام نہاد تبدیلی کے دعویداروں نے عوام کی خدمت کی بجائے تنقید برائے تنقید اور جھوٹے الزامات کو وطیرہ بنائے رکھا۔ عوام کی خدمت کےلئے مٹی کےساتھ مٹی ہونا پڑتا ہے۔ تبدیلی خالی نعرے لگا کر نہیں لائی جاسکتی جبکہ تبدیلی کےلئے محنت کےساتھ عوام کی خدمت کرنا پڑتی ہے۔ وہ پاکستان مسلم لیگ (ن) کے وفد سے گفتگو کررہے تھے، جس نے ےہاں ان سے ملاقات کی۔ وزےراعلیٰ شہبازشرےف نے کہا کہ سابق ادوار مےں توانائی بحران سے معےشت کو بے حد نقصان ہوا اور سابق حکمرانوں کی نااہلی اور مجرمانہ غفلت سے صنعت اور زراعت کے شعبے تباہ ہوئے۔ پیپلز پارٹی کے سابق دور میں قومی وسائل کو دونوں ہاتھوں سے لوٹا گیا اور سر سے پاو¿ں تک کرپشن مےں ڈوبے سابق حکمرانوں نے اپنے دور میں قومی وسائل کی لوٹ مار کا بازار گرم کئے رکھا۔ انہوں نے کہا کہ ایک طرف لوٹ مار کرنے والے سابق حکمران ہےںجبکہ دوسری جھوٹ بولنے والے شکست خوردہ عناصر۔ ہماری عوامی خدمت اور کارکردگی کا مقابلہ شکست خوردہ عناصرکرسکتے ہےں نہ لوٹ مار کرنے والے۔ انہوںنے کہا کہ نام نہاد تبدےلی کے دعوےدار سےاستدان نے دن رات جھوٹ بولا، الزامات لگائے، دھرنے دےئے، احتجاج کےے، لاک ڈاو¿ن کےے جبکہ ہم نے دن رات عوام کی خدمت کی اور ملک سے بجلی کے اندھےرے ختم کئے ہےں۔ لاک ڈاو¿ن، دھرنے دےنے والوں، جھوٹ، منافقت اور الزام تراشی کی سےاست کرنےوالوں کو عوام کی نمائندگی کا حق نہیں۔ انہوں نے کہا کہ ہم نے محنت کر کے عوام کےلئے منصوبے مکمل کےے ہےں اور قومی وسائل کو امانت سمجھتے ہوئے عوام کی ترقی و خوشحالی کےلئے ان کے قدموں پر نچھاور کےے ہےں۔ ہم نے ہر دور میں عوام کی خدمت کے ریکارڈ قائم کئے ہےں اور آنے والا دور بھی سنہری ہوگا۔ تعلیم، صحت، زراعت اور دیگر شعبوں کی بہتری کےلئے انقلابی اقدامات کئے گئے ہیں۔ ہمارا ہر قدم عوام کی ترقی کےلئے اٹھ رہا ہے۔ لاکھ عوام روزانہ معیاری میٹرو بس سروس سے استفادہ کر رہے ہیںجبکہ اورنج لائن میٹرو ٹرین منصوبہ بھی تیزی سے تکمیل کی جانب بڑھ رہا ہے۔ صوبے میں شفافیت کو ہر شعبہ میں فروغ دے کر ترقیاتی منصوبوں میں اربوں روپے بچائے ہیں۔ انہوں نے کہا کہ ہم نے جھوٹ کی سیاست کی بجائے عوام کی خدمت کے نئے ریکارڈ قائم کئے ہےں۔ انہوں نے کہا کہ عوام منفی سیاست، دھرنے والوں اور جھوٹ بولنے والوں کا ضرور احتساب کریں گے اور ایسے عناصر اب عوام کا سامنا کرنے سے گھبرا رہے ہیں۔ انہوں نے کہا کہ ملک کی ترقی کی راہ میں رکاوٹیں پیدا کرنے والوں کا بھرپور مقابلہ کریں گے۔ 2018ءکے انتخابات مےں دوبارہ خدمت کا موقع ملا تو قوم کی لوٹی ہوئی دولت واپس لائیں گے اورعام انتخابات میں ان دونوں جماعتوں کو عوام کی حمایت سے شکست دیں گے اور مسلم لیگ (ن) کی حکومت آئندہ بھی عوامی خدمت کے سفر کو تیزی سے آگے بڑھائے گی۔ وزیراعلیٰ پنجاب محمد شہباز شریف نے سینئر صحافی‘ کالم نگار و اینکر پرسن سہیل وڑائچ کے چچا چودھری ارشد محمود وڑائچ کے انتقال پر گہرے دکھا اور افسوس کا اظہار کیا ہے۔

اسلام آباد(مانیٹرنگ ڈیسک) 2015میں تین سوبچوں کے ساتھ ویڈیو سکینڈل کے واقعات ہوئے اور اس وقت صوبائی وزیر قانون رانا ثناءاللہ یہ بیان دیتا رہا یہ تو زمینوں کے جھگڑے ہیں مجھے اس بات کا شدید افسوس ہے کہ میں اس وقت کراچی آپریشن کے حوالے سے پروگرام کرنے میں مصروف تھا۔نجی ٹی وی سے گفتگوکرتے ہوئے ڈاکٹر شاہد مسعود نے تہلکہ خیز انکشاف کیا کہ ان تین سو بچیوں کے قتل کے مقدمات کو دبانے میں رانا ثنا اللہ ملوث ہے۔جو لوگ مجھے مہرہ کہہ رہے ہیں وہ زینب کیس اور اس قسم کے دیگرکیسز میں پولیس میں جا کر ایف آئی آر تبدیل کراتے رہے۔عدالت میں ایک چینل کے مالک دوسرے چینل کے مالک سے کہہ رہے تھے ایک سین تشکیل دیتے ہیں کہ عدالت میں میں ڈاکٹر شاہد مسعود کو جذباتی ہو کرروتے ہوئے دوتھپڑ مار دوں گا دوسرے چینل کے مالک نے کہا اگر جواب میں شاہد مسعود نے تھپڑ مار دیا تو اس نے کہا کہ میں ہر روز ایک گھنٹہ ورزش کرتا ہوں ڈاکٹر شاہد جواب نہیں دے پائے گا۔انہوں نے پوری کوشش کی میں معافی مانگوں کہ خبر غلط تھی، جے آئی ٹی میں مجھے سومرتبہ بلائیں میں سر کے بل جاﺅںگا۔ انہوں نے بتایا کہایف آئی اے نے ایک الگ ٹیم بنائی ہے جو صرف بچوں کے ساتھ ہونے والے واقعات کی تحقیقات کرے گی۔اس کے علاوہ پی ٹی اے نے بھی ایک الگ ونگ بنایا ہے جو بچوں اور بچیوں کے ساتھ زیادتی کے واقعات کی نشاندہی کرے گا۔اب ادارے کھڑے ہو رہے ہیں۔ انہوں نے جو جھنگ سے ایک ساٹھ جی بی ڈیٹا کے ساتھ گینگ پکڑا ہے وہ چار ملکوں کے ساتھ کام کر رہا تھا پکڑا جانے والا ایک شخص الیکٹرک انجینئر تھا کینڈا سے اس گینگ کی رپورٹ ہوئی جسے بدمعاشیہ بچا رہا تھا۔ ڈاکٹر شاہد مسعود نے بتایا کہ کالج کے سٹوڈنٹس نے مجھ سے پوچھا اگر عدالت نے آپ کو سزا دے دی تو میں نے کہا کہ بچوں عدالت جو بھی سزا دے گی میں سر جھکا کر قبول کر لوں گا اگر میں صحیح بھی ہوا تو بھی میں ہر سزا قبول کروں گا ۔انہوں نے بتایاکہ نادرا کے چیف نے بتایا ہے کہ ایک سافٹ ویئر اپریل تک تیار ہو جائے گا تاکہ اگلے الیکشن میں اوور سیز پاکستان بھی ووٹنگ میں حصہ لے سکیں۔میں ایک بات بتاتا چلوں افغانستان میں جلد ہی پاکستان امن قائم کرکے دکھائے گا انڈیا کے ساتھ معاملات بدمعاشیہ نے خراب کئے ہیں۔ ڈاکٹر شاہد کے دعوے پر بننے والی جے آئی ٹی رانا ثناءاللہ کو طلب کرکے پوچھے کہ ڈاکٹر کے پیچھے کون لوگ ہیں سارا مسئلہ حل ہوجائے گا۔ یہ بات یہ سینئر صحافی ارشد شریف نے نجی ٹی وی پروگرام میں گفتگو کرتے ہوئے کی انہوں نے کہا کہ رانا ثناءاللہ نے تو سارا کیس ہی حل کردیا ہے اور کہا ہے کہ ڈاکٹر شاہد صرف ایک مہرہ ہے اس کے پیچھے دیگر قوتیں ہیں جو ملک میں انتشار چاہتی ہیں جے آئی ٹی نے بھی ڈاکٹر شاہد کے معاملے کی تہہ تک پہنچنا ہے تو صوبائی وزیر کے اس ہم انکشاف پر اسے فوری حرکت میں آنا چاہیے اور انہیں طلب کرکے پوچھنا چاہیے کہ کون سی قوتیں ڈاکٹر شاہد کو اکسا رہی ہیں سارا کیس حل ہوجائے گا۔