ممبئی(شوبز ڈیسک) بھارتی مداح نے 28 سالہ خوبرو بالی وڈ اداکارہ تمنا بھاٹیہ پر اس وقت جوتا پھینکا جب وہ جیولری شاپ کا افتتاح کرنے کے لیے پہنچیں۔بھارتی نشریاتی ادارے کے مطابق اداکارہ پر بھارتی ریاست تلنگانہ کے دارالحکومت حیدرآباد دکن میں حملہ کیا گیا۔ پولیس کے مطابق اداکارہ تمنا بھاٹیہ کی جانب جوتے پھینکنے والے 31 سالہ نوجوان کو موقع پر ہی گرفتار کرلیا گیا۔پولیس کے مطابق نوجوان نے تفتیش کرنے پر انکشاف کیا کہ انہوں نے اداکارہ کی جانب سے غلط فلم میں کام کرنے پر ان کی جانب جوتا پھینکا۔ جوتے سے حملہ کرنے والے نوجوان کا کہنا تھا کہ تمنا بھاٹیہ نے اداکاری کے لیے غلط فلم کا انتخاب کیا، جس وجہ سے وہ ان سے ناراض ہیں، اور انہوں نے ذہنی پریشانی میں آکر یہ قدم اٹھایا۔
نوجوان نے یہ نہیں بتایا کہ انہیں اداکارہ کی کون سی فلم غلط لگی، تاہم اسے فوری طور پر گرفتار کرکے نامعلوم مقام پر منتقل کردیا گیا۔
