پاکستانی اداکارہ نمرہ خان، جنہوں نے جون 2026 میں پائلٹ زین حمید سے پیرس میں شادی کی تھی، ایک بار پھر طلاق کی خبروں کی وجہ سے خبروں میں ہیں۔ یہ دعویٰ سب سے پہلے شوبز تجزیہ کار ڈاکٹر اعجاز وارس نے کیا، جن کے مطابق نمرہ خان اور زین حمید کی دوسری شادی طلاق پر ختم ہو چکی ہے۔
طلاق کی افواہوں نے اس وقت مزید زور پکڑا جب سوشل میڈیا صارفین نے دعویٰ کیا کہ نمرہ خان نے اپنے سوشل میڈیا اکاؤنٹس سے شادی سے متعلق متعدد تصاویر اور پوسٹس ہٹا دی ہیں، جس کے بعد دونوں کے درمیان علیحدگی کی قیاس آرائیاں شروع ہوگئیں۔
تاہم، ان تازہ دعوؤں سے قبل نمرہ خان نے علیحدگی کی خبروں کو مسترد کرتے ہوئے کہا تھا کہ "سب کچھ ٹھیک ہے” اور ان کے اور ان کے شوہر کے درمیان کسی بھی قسم کی علیحدگی کی اطلاعات درست نہیں ہیں۔
