بینک الفلاح کے بعد از ٹیکس منافع میں 43 فیصد اضافہ

کراچی(بزنس رپورٹر) بینک الفلاح لمیٹڈ کے بورڈ آف ڈائریکٹرز نے 30 ستمبر 2026ئ کو ختم ہونے والی نو ماہ کی مدت کے مالیاتی نتائج کی منظوری دے دی۔ بورڈ نے فی حصص 1.50روپے (30فیصد)تیسرے عبوری نقد منافع کی بھی منظوری دی، جس کے بعد نو ماہ کے دوران مجموعی نقد منافع 4.50روپے فی حصص (90فیصد)ہوگیا۔ گزشتہ سال 2025ء کی اسی مدت میں نظرثانی شدہ نتائج کے مطابق فی حصص 3.75روپے (75فیصد)نقد منافع دیا گیا تھا۔بینک الفلاح نے گزشتہ سال کی اسی مدت کے مقابلے میں 42.8فیصد اضافے کے ساتھ 30.61ارب روپے بعد از ٹیکس منافع حاصل کیا۔ فی حصص آمدنی بھی 2025ء کے 9ماہ میں 6.80روپے سے بڑھ کر 2026 کے 9 ماہ میں 9.71روپے ہوگئی۔بینک کے مجموعی ڈپازٹس 2.5کھرب روپے سے تجاوز کرتے ہوئے 2.62کھرب روپے ہوگئے، جو سالانہ بنیاد پر 20.8 فیصد اضافہ ظاہر کرتا ہے۔ کرنٹ ڈیپازٹس 16.9فیصد اضافے سے 1.10کھرب روپے تک پہنچ گئے، جبکہ مجموعی قرضوں کا حجم 11.3فیصد بڑھ کر 1.20کھرب روپے ہوگیا۔ چھوٹے اور درمیانے درجے کے کاروباری اداروں (ایس ایم ایز)، زرعی اور صارفین کے قرضوں میں توسیع نے اس نمو میں اہم کردار ادا کیا۔30 ستمبر 2026ء تک بینک کا کیپیٹل ایڈیکوسی ریشو (سرمائے کی کفایت کا تناسب)14.79 فیصد رہا، جو مناسب سرمایہ جاتی بنیاد کی عکاسی کرتا ہے۔