اسلام آباد(ویب ڈیسک)پاکستان تحریک انصاف کی ترجمان شیریں مزاری نے مسلم لیگ (ن) کے سینئر رہنما نہال ہاشمی کو دھمکی آمیز تقریر اور توہینِ عدالت کیس میں ایک ماہ قید اور 50 ہزار روپے جرمانے کی سزا پر رد عمل کا اظہار کرتے ہوئے کہا ہے کہ خدا کا شکر ہے کہ سپریم کورٹ نے نہال ہاشمی کی توہین عدالت کا نوٹس لیا اور سزا سنائی،یہی کاروائی اب نواز شریف، مریم نواز اور توہین عدالت کے مرتکب ان کے حواریوں کے ساتھ ہونی چاہئے۔ پاکستان تحریک انصاف کے ترجمان فواد چوہدری نے مسلم لیگ (ن) کے سینئر رہنما نہال ہاشمی کو دھمکی آمیز تقریر اور توہینِ عدالت کیس میں ایک ماہ قید اور 50 ہزار روپے جرمانے کی سزا پر رد عمل کا اظہار کرتے ہوئے کہا ہے کہ نہال ہاشمی نے کسی ایک شخص کو نشانہ نہیں بنایا تھا بلکہ پورے نظام کو دھمکی دی تھی اس وجہ سے بھی نہال ہاشمی کو سزا ملنا ضروری تھا،امید ہے جلد ہی سپریم کورٹ ان باقی ماندہ سات لوگوں کو بھی توہین عدالت میں طلب کرے گی۔ان کا مزید کہنا تھا کہ نہال ہاشمی اپنی وفاداری ثابت کرنے کی آڑ میں دن رات سپریم کورٹ پر حملہ آور ہو رہے ہیں۔
