اسلام آباد (ویب ڈیسک) اسحاق ڈار کے خلاف اثاثہ جات ریفرنس کیس میں جے آئی ٹی سربراہ واجد ضیا نے احتساب عدالت میں پیش ہو کر جے آئی ٹی کی اصل رپورٹ والیم 1 اور 9 پیش کر دیا۔احتساب عدالت کے جج محمد بشیر اثاثہ جات ریفرنس کیس کی سماعت کر رہے ہیں۔ گواہ واجد ضیا نے بیان ریکارڈ کراتے ہوئے بتایا کہ جے آئی ٹی نے 10 جولائی 2017 کو حتمی رپورٹ پیش کی، اسحاق ڈار سمیت مختلف شخصیات کے بیانات ریکارڈ کیے گئے، ایس ای سی پی، مختلف بینکوں، ایف بی آر، الیکشن کمیشن سے ریکارڈ لیا۔ واجد ضیا نے مزید بتایا کہ 1992 میں اسحاق ڈار کے اثاثے 9 ملین روپے تھے، 2009 تک اثاثوں میں 91 گنا اضافہ ہوا، 2009 میں اثاثے 831 ملین روپے تک پہنچ گئے۔
