کراچی(ویب ڈیسک)نقیب اللہ محسود کے ورثا کو انصاف دلوانے کیلئے قومی ٹیم کے سابق کپتان شاہد آفریدی بھی میدان میں آگئے ،نقیب اللہ محسود کے والد سے ملاقات کیلئے پہنچ گئے ،بیٹے کے قتل پر تعزیت کی،حکومت سے ملزمان کو کیفر کردار تک پہنچانے کا مطالبہ کردیا۔میڈیا رپورٹس کے مطابق قومی ٹیم کے سابق کپتان شاہد آفریدی نے کراچی میں سابق ایس ایس پی ملیر راﺅ انوار کے ہاتھوں جعلی مقابلے میں جاں بحق ہونے والے نوجوان نقیب اللہ محسودکے والد سے ملاقات کی،انہوں نے سوشل میڈیا ویب سائٹ ٹویٹر پر اپنے پیغام میں لکھا کہ میر ی دلی اللہ محسود کے والدین کیلئے ہے،کوئی الفاظ ان کے اس نقصان کا ازالہ نہیں کرسکتے ہیں ، اس کیس کو منصفانہ طور پر آگے بڑھایا جانا چاہیئے تاکہ مستقبل میں اس قسم کے واقعات نہ ہوں،میر ی دعا ہے کہ اللہ انہیں اس غم پر قابو پانے کیلئے انتہائی برداشت سے نوازے۔واضح رہے کہ نقیب اللہ محسود کو دو ساتھیوں سمیت سابق ایس ایس پی ملیر را? انوار نے ایک جعلی مقابلے میں ہلاک کرنے کے بعد انہیں تحریک طالبان پاکستان کا دہشت گرد بتایا تھا تاہم بعد ازاں ان کے اس جھوٹ کا بھانڈا پھوٹ گیا۔چیف جسٹس آف پاکستان نے ان کے قتل کا نوٹس لیا تھا۔ادھرمبینہ پولیس مقابلے میں 13 جنوری کو مارے گئے نقیب اللہ محسود کے قتل کیس میں نامزد سابق ایس ایس پی ملیر راو¿ انوار اور سابق ایس ایچ او امان اللہ مروت کی گرفتاری کے لیے ملیر کے مختلف علاقوں میں چھاپے مارے گئے۔ذرائع کے مطابق حساس ادارے نے چھاپے راو¿ انوار اور سابق ایس ایچ او امان اللہ مروت کی گرفتاری کے لیے ان کے گھروں پر مارے، تاہم کوئی گرفتاری عمل میں نہیں آسکی۔یاد رہے کہ گذشتہ روز سپریم کورٹ نے نقیب اللہ محسود کے قتل کے ازخود نوٹس کیس کی سماعت کے بعدانسپکٹر جنرل (آئی جی)سندھ اے ڈی خواجہ کو سابق ایس ایس پی ملیر راو¿ انوار کی گرفتاری کے لیے مزید 10 دن کا وقت دیا تھا۔سماعت کے دوران آئی جی سندھ نے عدالت عظمیٰ سے استدعا کی تھی کہ انٹیلی جنس ایجنسیوں کو کہا جائے کہ راو¿ انوار کی گرفتاری میں ان کی معاونت کریں۔جس پر سپریم کورٹ نے انٹیلی جنس ایجنسیوں کو سندھ پولیس کی معاونت کی ہدایت دیتے ہوئے کہا تھا کہ ملٹری انٹیلی جنس (ایم آئی)، انٹرسروسز انٹیلی جنس(آئی ایس آئی) اور انٹیلی جنس بیورو (آئی بی) راو¿ انوار کو ڈھونڈنے میں پولیس کو مکمل سپورٹ فراہم کریں۔واضح رہے کہ گذشتہ ماہ 13 جنوری کو سابق ایس ایس پی ملیر راو¿ انوار نے شاہ لطیف ٹاو¿ن میں پولیس مقابلے کے دوران 4 دہشت گردوں کی ہلاکت کا دعویٰ کیا تھا، جن میں 27 سالہ نوجوان نقیب اللہ محسود بھی شامل تھا۔بعدازاں نقیب اللہ محسود کے سوشل میڈیا اکاو¿نٹ پر اس کی تصاویر اور فنکارانہ مصروفیات کے باعثسوشل میڈیا پر خوب لے دے ہوئی اور پاکستانی میڈیا نے بھی اسے ہاتھوں ہاتھ لیا۔پیپلز پارٹی کے چیئرمین بلاول بھٹو زرداری نے اس معاملے پر آواز اٹھائی اور وزیر داخلہ سندھ کو انکوائری کا حکم دیا۔بعدازاں آئی جی سندھ کی جانب سے تشکیل دی گئی تحقیقاتی کمیٹی نے اپنی ابتدائی رپورٹ میں راو¿ انوار کو معطل کرنے کی سفارش کی، جس کے باعث انہیں عہدے سے ہٹا کر نام ای سی ایل میں شامل کردیا گیا، جبکہ چیف جسٹس آف پاکستان نےبھی اس معاملے کا از خود نوٹس لیا۔گذشتہ ماہ 27 جنوری کو ہونے والی سماعت کے دوران سپریم کورٹ نے پولیس کو راو¿ انوار کو گرفتار کرنے کے لیے 72 گھنٹوں کی مہلت دی تھی۔ان کی تلاش میں اسلام آباد میں بھی چھاپہ مارا گیا، لیکن راو¿ انوار کو گرفتار نہیں کیا جاسکا۔جس کے بعد سپریم کورٹ نے یکم فروری کو ہونے والی سماعت کے دوران آئی جی سندھ کو راو¿ انوار کی گرفتاری کے لیے مزید 10 دن کی مہلت دی اور ساتھ ہی حساس اداروں کو بھی اے ڈی خواجہ کی معاونت کی ہدایت دی۔

اسلام آباد(ویب ڈیسک)عالمی سیاست اور بین الاقوامی معیشت میں جوہری تبدیلی کا حامل منصوبہ سی پیک زور و شور سے جاری ہے جبکہ دوسری جانب سعودی عرب نے بھی بحیرہ احمر کے کنارے مصر اور اردن کے سرحدی علاقوں تک پھیلے بڑے صنعتی شہر کے منصوبے پر باقاعدہ کام کا آغاز کر دیا ہے۔ سعودی عرب کے ویڑن 2030کے مطابق بحیرہ احمر کے کنارے مصر اوراردن کے سرحدی علاقوں تک پھیلے اس شہر کا نام نیوم رکھا گیا ہے جس کی تعمیر کیلئے باقاعدہ تعمیراتی کمپنیوں کو ٹھیکے دینے کے ا?غاز کر دیا گیا ہے۔ سعودی شاہی دیوان کی جاری ایک پریس ریلیز کے مطابق نیوم میں پانچ محلّات اور دوسرے انفرااسٹرکچر کی تعمیر کے ٹھیکوں کی منظوری دے دی گئی ہے۔ یہ ٹھیکے سعودی کمپنیوں کو ہی دئیے گئے ہیں۔ ان ٹھیکوں کی مالیت 4ارب ڈالرز کے قریب ہے۔ اس تاریخی منصوبے کے پہلے مرحلے کا تعمیراتی کام 2025ء میں پایہ تکمیل کو پہنچے گا جبکہ نیوم کا تمام منصوبہ مکمل ہونے کے بعد سعودی عرب کی مجموعی قومی پیداوار ( جی ڈی پی ) میں 2030ءتک 100 ارب ڈالرز کا اضافہ متوقع ہے۔سعودی عرب نیوم شہر کی تعمیر میں پانچ سو ارب ڈالرز کی سرمایہ کاری کرے گا۔ یہ پہلا نجی منصوبہ ہے جس میں تین ممالک شریک ہوں گے۔اس کے لیے ہوا اور شمسی توانائی سے بجلی پیدا کی جائے گی اور دنیا بھر کی آبادی میں سے 70 فی صد لوگ کہیں سے بھی آٹھ گھنٹے کی مسافت کے بعد اس نئے جدید شہر تک پہنچ سکیں گے۔یہ ایک منفرد محل وقوع کا حامل منصوبہ ہے۔نیوم کا رقبہ 26500 مربع کلومیٹر پر محیط ہے اور یہ منفرد محل وقوع کی وجہ سے تیز رفتاری سے ابھر کر سامنے آئے گا۔یہاں عرب دنیا ، افریقا ، ایشیا ، امریکا اور یورپ سے تعلق رکھنے والے سرمایہ کاروں اور ماہرین کے لیے کام کے وسیع مواقع دستیاب ہوں گے۔

کراچی (خصوصی رپورٹ) میر ہزار خان بجارانی اور انکی اہلیہ فریحہ رزاق میں اختلافات کا انکشاف ہوا ہے، ذرائع کے مطابق میاں بیوی میں سیاست کے معاملہ پر ایک ہفتے سے جھگڑا چل رہا تھا۔ قریبی ذرائع نے بتایا کہ دونوں کے درمیان اختلافات کی خلیج اتنی وسیع ہو چکی تھی کہ کچھ عرصہ قبل دونوں میں ایک تقریب می بھی تلخ کلامی ہوئی تھی۔ میر ہزار خان بجارانی قبائلی پس منظر رکھنے کی سبب اپنی اہلیہ کو یاست سے دور رہنے کا مشورہ دیتے تھے مگر وہ بضد تھیں کہ وہ سیاست میں انکے شانہ بشانہ کام کرینگی۔ سیاست میں آنے کیلئے فریحہ رزاق نے گزشتہ ہفتے کراچی بلاول ہاﺅس میں بلاول سے اپنے شوہر میر ہزار کان بجارانی کے ہمراہ ملاقات بھی کی جس میں انہوں نے پارٹی چیئرمین سے بھی سیاست میں آنے کا تذکرہ کیا۔ وہ محافظوں سمیت 5 ملازمین نے اپنے بیانات ریکارڈ کرا دیئے۔ جس کے مطابق میاں بیوی میں صبح 6 بجے سے جھگڑا چل رہا تھا، صبح 10 بجے گولی چلنے کی آواز آئی لیکن ہمیں کمرے میں داخل ہونے کی اجازت نہیں تھی، 11 بجے بجارانی کے قریبی ساتھی کو اطلاع دی اسکے آنے پر کمرے کا دروازہ توڑ کر اندر داخل ہوئے جہاں دونوں کی لاشیں پڑی ہوئی تھیں، دونوں کا کافی خون بہہ چکا تھا۔ میر ہزار کرسی پر مردہ پائے گئے جبکہ فریحہ رزاق فرش پر پڑی تھی۔

روم، اسلام آباد (خصوصی رپورٹ) پنجاب سے کم عمر بچوں کی یورپ اسمگلنگ کے معاملے پر یونان میں مقیم پاکستانی سفیر نے وزارت خارجہ کو خط لکھ دیا۔خط میں سفیر عثمان قیصر نے پاکستان سے یونان کے لئے انسانی سمگلنگ میں اضافے کا انکشاف کیا اور بتایا کہ دسمبر2017 میں یونانی سیکیورٹی فورسز کی فائرنگ سے 23 پاکستانی غیرقانونی تارکین وطن ہلاک ہوئے۔ان کا کہنا تھا کہ ہلاک ہونے والے پاکستانیوں میں سے 20 کی لاشیں پاکستان روانہ کردی گئی ہیں جبکہ 3 کی تلاش جاری ہے۔ میڈیا رپورٹ کے مطابق سفارت خانے سے جاری ہونے والے خط میں دفترخارجہ اور وزارت داخلہ کو انتہائی سنجیدہ مسئلے کا فوری نوٹس لینے کا کہا گیا۔پاکستانی سفیر کا کہنا تھا کہ بین الاقوامی ادارے انٹرنیشل آفس آف مائیگریشن (آئی او ایم) بھی وطن واپس جانے کے خواہشمند تارکین وطن کی مدد سے گریزاں ہے۔پاکستانی سفارت خانے کے خط میں انکشاف کیا گیا ہے کہ بذریعہ یونان یورپ جانے کے لئے منڈی بہاالدین، گجرانوالہ اور سیالکوٹ سے انسانی سمگلنگ میں روز بروز اضافہ ہورہا ہے جسے ہنگامی بنیادوں پر روکنے کی ضرورت ہے۔پاکستانی سفیر نے خط میں توجہ دلائی ہے کہ بچوں، کم عمر خواتین، و دیگر افراد کو غیرقانونی طورپر یونان بھجوایا جارہا ہے جس کی روک تھام کے لئے وفاقی تحقیقاتی ادارے (ایف آئی اے) کی جانب سے خاطر اقدامات نہیں اٹھائے جارہےپاکستانی سفیر خالد عثمان قیصر کے مطابق گزشتہ ماہ دسمبر 2017 میں 23 غیرقانونی پاکستانی تارکین وطن سیکیورٹی فورسز کی فائرنگ سے ہلاک ہوچکے ہیںان کا کہنا تھا کہ ہلاک ہونے والے پاکستانیوں میں سے 20 افراد کی لاشیں پاکستان بھجوائی جاچکی ہیں، جب کہ 3 کی تلاش کے لئے یونانی سیکیورٹی حکام اقدامات اٹھارہے ہیں۔پاکستانی سفارت خانے کے مطابق یونان میں بیروزگاری کی شرح 40 فیصد کی حد تک جاپہنچی ہے اور اس مخدوش معاشی صورتحال میں غیرقانونی پاکستانی تارکین وطن بھی کسمہ پرسی کی زندگی گزارنے پر مجبور ہیں۔ان کا کہنا تھا کہ صورتحال اس حد تک خراب ہوچکی ہے کہ غیرقانونی کم عمر پاکستانی لڑکے اور لڑکیاں “سیکس ورکز” جیسے گھنانے دھندے میں مصروف ہوچکے ہیں۔انہوں نے کہا کہ غیرقانونی تارکین وطن جو پاکستان واپس جانا چاہتے ہیں انہیں بھی سفری دستاویزات نہ ہونے کے باعث مشکلات کا سامنا کرنا پڑرہا ہے جبکہ بین الاقوامی ادارے انٹرنیشل آفس آف مائیگریشن (آئی او ایم) نے بھی ایسے پاکستانیوں کو وطن واپس بھجوانے سے معذرت کرلی ہے جس کے بعد ان کی زندگیوں کو خطرات لاحق ہوگئے ہیں