ممبئی(ویب ڈیسک)بالی ووڈ کے دبنگ خان کی سماجی تنظیم بینگ ہیومن کو بلیک لسٹ کر دیا گیا۔ سلمان خان کے فلاحی ادارے کو ممبئی میونسپل کارپوریشن کی جانب سے شوکاز نوٹس بھی جاری کیا گیا ہے۔بالی ووڈ کے دبنگ سپر اسٹار سلمان خان بہترین اداکار کے ساتھ ساتھ نہایت نرم دل کے بھی مالک ہیں، غریبوں کی مدد کیلئے ہمیشہ پیش پیش رہتے ہیں، یہی وجہ ہے کہ انہوں نے غیر سرکاری سماجی تنظیم ”بینگ ہیومن“ قائم کی، جس کا شمار بھارت کی مقبول سماجی تنظیموں میں ہوتا ہے، تاہم اب ان کی فلاحی ادارے کو بلیک لسٹ کردیا گیا ساتھ ہی ممبئی کے بلدیاتی ادارے برہان ممبئی میونسپل کارپوریشن نے تنظیم کو شوکاز نوٹس بھی جاری کردیا۔بھارتی میڈیا کے مطابق بینگ ہیومین فاو¿نڈیشن مقررہ وقت کے دوران ممبئی میں ڈائیلاسز یونٹس قائم کرنے میں ناکام رہی، 2016ء میں ممبئی میونسپل کارپوریشن نے 12 ڈائیلا سینٹرز قائم کرنے کا فیصلہ کیا تھا جس میں ایک ماہ کے دوران 199 ڈائیلائسز مشینوں کی تنصیب اور تقریباً 10 ہزار ڈائیلاسز کا ہدف مقرر کیا گیا تھا، جس کیلئے بی ایم سی اور سلمان خان کی تنظیم کے درمیان ایک معاہدہ ہوا، معاہدے کے مطابق طے پایا تھا کہ میونسپل کارپوریشن سینٹرز قائم کرنے کیلئے جگہ فراہم کریگی جبکہ این جی او سینٹرز میں تعینات کئے جانے والے عملے کے ساتھ دیگر چیزوں کا خیال رکھے گی۔بھارتی میڈیا کے مطابق بینگ ہیومن کو باندرا میں ڈائیلاسز سینٹرز قائم کرنے کیلئے باضابطہ اجازت دی گئی تھی، تنظیم کو آگاہ کیا گیا تھا کہ اگر پروجیکٹ مکمل نہ ہوا تو این جی او کو بلیک لسٹ بھی کیا جاسکتا ہے۔دوسری جانب بینگ ہیومن کے ترجمان کا کہنا ہے کہ تنظیم کا ڈائلاسز سینٹرز سے متعلق ممبئی میونسپل کارپوریشن کے ساتھ کوئی معاہدہ نہیں ہوا تھا

ممبئی (ویب ڈیسک)بالی ووڈاداکارشاہ رخ خان فلم ”زیرو“ کی عکسبندی مکمل ہونے کے بعد فلم ”ڈان 3 “ کی عکسبندی شروع کریں گے۔بھارتی ذرائع ابلاغ کےمطابق بالی ووڈ فلم”ڈان“سلسلے کی تیسری فلم کے اسکرپٹ پر کام جاری ہے اور اسے مزیدبہترکیاجارہا ہے،جس کے ہدایتکار فرحان اختر اور پروڈیوسر رتیش سدھوانی ہوں گے جبکہ فلم کے لئے اداکار شاہ رخ خان کے نام کو حتمی شکل دے دی گئی ہے۔اداکار شاہ رخ خان ان دنوں ہدایتکار آنند ایل رائے کی ڈارف فلم ”زیرو “ کی عکسبندی میں مصروف ہیں جس کی عکسبندی مکمل ہونے کے بعد ہی فلم ”ڈان 3“ کی عکسبندی شروع کریں گے۔

مکہ (ویب ڈیسک)اداکاری کو خیرباد کہہ کرمذہب کا راستہ اختیارکرنے والی نور بخاری نے بیٹی اور بہن کے ہمراہ عمرہ کی سعادت حاصل کی۔ اس موقع پر نور نے مسجد حرم میں لائیو ویڈیو بنائی جس میں وہ اپنے دل کی کیفیت بتا رہی ہیں۔ ویڈیو میں نور کی بیٹی کی انٹری بھی ہے جو اپنے جذبات کا اظہار اس بےساختگی سے کررہی ہیں کہ آپ مسکرانے پر مجبور ہوجائیں گے۔

لاہور(ویب ڈیسک) اداکارہ و ماڈل میگھا نے کہا ہے کہ ہمارے پاس ایسے فنکار نہیں کہ جن کی فلم دیکھنے کیلئے سینما گھروں کے باہر لوگ ان کی فلموں کا بے صبری سے انتظار کریں۔ میگھا نے کہا کہ ماضی کے مقبول ترین فنکاروں میں سنتوش کمار، محمد علی، کمال، وحیدمراد، ندیم ، شاہد ، سلطان راہی، غلام محی الدین، جاوید شیخ اور شان جبکہ فلمی ہیروئنوں میں ا?شا پوسلے، سورن لتا، صبیحہ خانم، مسرت نذیر، شبنم، شمیم آرائ، انجمن، بابرہ شریف، نادرہ، نیلی اورصائمہ شامل ہیں۔ انہوں نے کہا کہ یہ وہ عظیم فنکارہیں جنہوں نے پاکستانی فلم کو نا صرف عوام کا مقبول ترین شعبہ بنایا، بلکہ ان کی اداکاری سے متاثر ہوکرمختلف ادوارمیں بہت سے لوگ اس شعبے کی طرف آئے اورخوب کام کیا تاہم اگر ان فنکاروں کو پاکستان فلم انڈسٹری کے انمول رتن کہہ دیا جائے توغلط نہ ہوگا۔اداکارہ نے کہا کہ موجودہ دور میں پاکستان فلم انڈسٹری ایک نئی راہ پرگامزن ضرور ہے لیکن تاحال ہمارے پاس ایسے ہیرو اورہیروئن نہیں آسکے، جن کی فلم دیکھنے کیلئے سینما گھروں کے باہر ہجوم ہو اورلوگ ان کی فلموں کا بے صبری سے انتظار کریں۔میگھا نے کہا کہ اس وقت ہمارے جدید ٹیکنالوجی، بہترین سینما اور فلم بنانے کی تکنیک بھی موجود ہے لیکن وہ فنکارگزشتہ پانچ سے دس برس کے دوران تاحال نہیں مل سکے جن کو فلم انڈسٹری کا انمول رتن یا سپر اسٹار کہا جاسکے۔ یہ وہ لمحہ فکریہ جس کے بارے میں کوئی بھی بات نہیں کرتا۔ بس بات ہوتی ہے تواسکرپٹ، ڈائیلاگ، لوکیشنز، ٹیکنالوجی اورمیوزک کے شعبے پر، اس اہم مسئلے کی جانب کوئی توجہ ہی نہیں دیتا۔اداکارہ نے کہا کہ اس کے برعکس اگر ہم پڑوسی ملک بھارت کی جانب نظرڈالیں تو بالی وڈ کنگ شاہ رخ، سلمان خان اور عامرخان اب فلموں کی کامیابی کی ضمانت بن چکے ہیں۔ ان کی فلاپ ہو جانے والی فلم بھی ان کی مقبولیت کی بدولت اچھا خاصا کاروبار کر جاتی ہے تاہم ایسے فنکارجب تک پاکستان فلم انڈسٹری میں نہیں آ جاتے، اس وقت تک کامیابی اور ترقی کی بات کرنا ہی بے معنی ہے۔

ممبئی(ویب ڈیسک)بالی ووڈ کے مزاحیہ اداکار کپل شرما کے خلاف بھارتی طالب علموں کےایک گروپ نے مقدمہ درج کرا دیا ۔ میڈیا کے مطابق کپل شرماان دنوں نیا شوملنے پر بے انتہا خوش ہیں اور اسی خوشی میں انہوں نے حال ہی میں انسٹا گرام پر ایک ویڈیو شیئر کی ہے جس میں وہ امرتسر کی سڑکوں پر نہایت خوشگوار موڈ میں موٹر سائیکل دوڑاتے ہوئے نظرآرہے ہیں اور کہہ رہے ہیں کہ انہیں اپنا آبائی علاقہ بہت یاد آرہا تھا جہاں ان کا بچپن گزرا ہے اور ااج وہ یہاں آکر بے حد خوش ہیں۔ویڈیو وائرل ہونے کے بعد کپل شرما انسٹا گرام پر ایک ویڈیو شیئر کرنے کے باعث سخت مشکل میں آگئے۔ میڈیا رپورٹس کے مطابق کپل شرما کے خلاف امرتسر سے تعلق رکھنے والے طالب علموں کی ایک جماعت نے مقدمہ درج کرا دیا۔

ممبئی(ویب ڈیسک)حال ہی میں باکس آفس پر کامیابی کے جھنڈے گاڑنے والی فلم ’پدماوت‘ میں رانی کا کردار ادا کرنے کے بعد بھارتی فلم اسٹار دپیکا پڈوکون ایک بار پھر رانی بنیں گی۔میڈیا کے مطابق پدماوت کی بھرپور کامیابی کے بعد دپیکا اب نئی فلم کے حوالے سے جلد کام شروع کریں گی، یہ فلم ’گینگسٹرز‘ پرمبنی ہوگی جس میں دپیکا ’مافیا کوئین‘ کا روپ دھاریں گی۔ذرائع کے حوالے سے بتایا گیا ہے کہ پدماوت کی ’رانی‘ مافیا کوئین کا کردار نبھانے کے لیے تیاریاں کررہی ہیں جس میں وہ مافیا کوئین کے مخصوص انداز میں خود کو ڈھالنے کے لیے منصوبہ بندی کررہی ہیں۔ اس فلم کی شوٹنگ مارچ میں ممبئی میں ہوگی۔پدماوت کے بعد دپیکا کے مداح انہیں اگلی فلم میں یکسر مختلف روپ میں دیکھیں گے جس میں وہ نئی ’ لیڈی ڈان‘ کی طرح پیش آئیں گی۔

ممبئی(ویب ڈیسک)سوشل میڈیا سے مقبول ہونے والی اداکارہ پریا پرکاش ایک ہفتے کے دوران گوگل پر سب سے زیادہ سرچ کی جانے والی اداکارہ بن گئیں۔ اداکارہ پریا پرکاش بھارت کی مقامی ’ملیالم‘ فلم انڈسٹری سے تعلق رکھتی ہیں اور ان دنوں سوشل میڈیا پر اپنے مخصوص ’آنکھوں کے انداز‘ کے باعث شہرت کی بلندیوں پر پہنچ گئی ہیں۔اداکارہ نے سب سے پہلے اپنے انسٹاگرام پر اپنی ملیالم ڈیبیو فلم ’اورو آدھار لو‘ کے گانے کا ایک حصہ شیئر کیا جو دیکھتے ہی دکھتے مقبول ہوگیا۔ایک ہفتے کے دوران پریا پرکاش گوگل پر سرچ کی جانے والی نمبر ون اداکارہ بن گئیں، اس عرصے کے دوران انہوں نے ادکارہ کترینہ کیف، عالیہ بھٹ اور سنی لیون سمیت دیگر کو سب سے زیادہ سرچ کرنے میں پیچھے چھوڑ دیا ہے۔پریا پرکاش کو دیگر اداکاراو¿ں کے مقابلے میں اوسطاً ڈبل سرچ کیا جارہا ہے جو ان کی مقبولیت کا منہ بولتا ثبوت ہے۔