لاہور (ویب ڈیسک )کرکٹ کا جنون اب متحدہ عرب امارات سے پاکستان آ رہا ہے، پی ایس ایل کے اگلے مرحلے میں آج لاہور کے قذافی اسٹیڈیم میں میدان سجے گا۔پاکستان سپر لیگ کے سپر میچ دیکھنے کے لیے پورا ملک بےقرار، زندہ دلان لاہور کی دھڑکنیں تیز ہونے لگیں، ڈیرن سیمی کی پشاور زلمی اور سرفراز احمد کی کوئٹہ گلیڈی ایٹرز کو آمنے سامنے دیکھنے کے لیے وقت گزارنا مشکل ہوگیا، کراچی میں بھی گرینڈ فنالے کا کاﺅنٹ ڈاﺅن شروع، دیواریں سج گئیں، پھولوں کی خوشبو سے سڑکیں معطر ہوگئیں، ٹکٹ ہاتھوں ہاتھ بک گئے، اب کرکٹ کے متوالے دے دھنا دھن کے لیے تیار ہیں۔ ڈیرن سیمی کی پشاور زلمی اور سرفراز احمد کی کوئٹہ گلیڈی ایٹر کا بڑا ٹاکرا آج لاہور میں ہوگا،جو ہارے گا اس کا پی ایس ایل تھری میں سفر تمام اور جو جیتے گا اس کا مقابلہ کراچی کنگز سے ہوگا۔
