کراچی(نیوزایجنسیاں) پاکستان سپر لیگ (پی ایس ایل) تھری کے فائنل میں اسلام آباد یونائیٹڈ کے کپتان مصباح الحق کی شرکت مشکوک ہوگئی۔نیشنل اسٹیڈیم کراچی میں پریس کانفرنس کے دوران اسلام آباد یونائیٹڈ کے کپتان جے پی ڈومنی نے کہا کہ فائنل کیلئے پوری طرح تیار ہیں، کنڈیشنز سے جلد ہم آہنگ ہونے والی ٹیم فائدہ میں رہے گی، کراچی آکر اچھا محسوس کر رہا ہوں، ٹیم نوجوان کھلاڑیوں پر مشتمل ہے، فائنل کیلئے بھرپور تیاری کے ساتھ میدان میں اتریں گے اور پشاور زلمی کے خلاف جیتنے کی کوشش کریں گے، کنڈیشنز سے جلد ہم آہنگ ہونے والی ٹیم فائدے میں رہے گی۔اسلام آباد یونائیٹڈ کے ڈائریکٹر اینڈ ڈویلپمنٹ وقار یونس نے کہا کہ مصباح کی شمولیت کا حتمی فیصلہ میچ سے قبل فٹنس جانچنے کے بعد ہوگا۔، انجری کا شکار مصباح الحق کی فائنل میں شمولیت مشکوک ہے، میچ سے قبل فٹنس کا جائزہ لینے کے بعد حتمی فیصلہ کیا جائے گا۔
