ماسکو (صباح نیوز) روس کے صدر چوتھی مدت کیلئے (آج ) پیر کو حلف اٹھائیں گے۔ پیوٹن کی حلف برداری کے موقع پر حزب اختلاف نے مظاہرے کا پروگرام بنا رکھا ہے ، پولیس نے حزب اختلاف کے رہنما الیکسی نیولنی سمیت سیکڑوں کارکنوں کو گرفتار کرلیا ۔غیر ملکی خبر رساں ا دارے کے مطابق روسی صدر ولادی میر پیوٹن حال ہی میں صدارتی انتخاب میں چوتھی بار ملک کے صدر منتخب ہوئے تھے۔ (آج ) پیر کو پیوٹن کی حلف برداری کے موقع پر حزب اختلاف نے ملک بھر میں مظاہروں کا انعقاد کیا لیکن پولیس نے کارروائی کرتے ہوئے شیلنگ اور لاٹھی چارج کیا۔ اہلکاروں نے حزب اختلاف کے رہنما الیکسی نیولنی سمیت سیکڑوں کارکنوں کو گرفتار کرلیا۔
