کراچی: (نیوزایجنسیاں) کراچی میں چمپئینز ٹرافی کے لیے قومی ہاکی ٹیم کا پریکٹس کیمپ جاری، فٹنس کو 100 فیصد بنانے کے لیے گورے فزیکل ٹرینر کی خدمات، کھلاڑی گراو¿نڈ میں جان مارنے لگے۔آسٹریلیا کے فیزیکل ٹرینر ڈینئل ہیری نے کہا ہے کہ پاکستان ہاکی ٹیم کا چیمپئنز ٹرافی کےلئے فٹنس لیول بہت کم ہے جس کو بہتر بنانے کی ضرورت ہے۔ فٹنس پر کوئی سمجھوتہ نہیں ہوگا، یویو ٹیسٹ کا لیول اکیس پر پاس ہوگا۔آسٹریلیا سے تعلق رکھنے والے فزیکل ٹرینر ڈینئل بیری کی نگرانی میں کھلاڑیوں کے مختلف فزیکل سیشن ہوئے جن میں اسپیڈ ٹیسٹ لیا گیا اور کھلاڑیوں سے مختلف مشقیں کرائی گئیں۔اس سے قبل ڈینئل ہیری نے ایبٹ آباد میں پاکستان ہاکی ٹیم کی فٹنس پر کام کیا تھا اور اب وہ پاکستانی کھلاڑیوں کی فٹنس بہتر بنانے کے لئے کراچی پہنچے ۔ڈینئل ہیری کا میڈیا سے گفتگو کرتے ہوئے کہنا تھا کہ کھلاڑیوں کا فٹنس لیول انتہائی کم ہے۔ یویو ٹیسٹ میں کھلاڑیوں کا فٹنس لیول 20 پلس ہے جب کہ دیگر ٹیموں کے کھلاڑیوں کا لیول 29 تک ہے۔انہوںنے کہاکہ پہلے کی نسبت فٹنس میں بہتری آرہی ہے تاہم ماڈرن ہاکی میں کھلاڑیوں کی سو فیصد فٹنس کا ہونا بہت ضروری ہے۔
ڈینئل ہیری نے بتایا کہ پاکستانی کھلاڑیوں کا اصل مسئلہ فٹنس ہے، جب تک کھلاڑی مکمل فٹ نہیں ہوگا وہ بہتر نتائج نہیں دے سکتا ۔
