کراچی(نیوزایجنسیاں) آئی سی سی ون ڈے رینکنگ میں 4 نئی ٹیموں کی شمولیت کا عمل شروع ہوگیا ہے۔یکم جون سے اسکاٹ لینڈ اور متحدہ عرب امارات نے بالترتیب 13 اور 14ویں پوزیشنز سنبھال لیں، نیدرلینڈز اور نیپال مزید 4 میچز کھیلنے سے خاطر خواہ پوائنٹس ملنے پر اس کا حصہ بن جائیں گے۔ان ٹیموں کی شمولیت سے ابتدائی 12 نمبرز پر براجمان ٹیسٹ ممالک کی رینکنگ میں کوئی فرق نہیں پڑے گا، حالیہ عالمی درجہ بندی کے مطابق انگلینڈ 125 پوائنٹس لے کر پہلے نمبر پر ہے، پاکستان چھٹی پوزیشن پر موجود ہے ۔ فہرست میں باقاعدہ طورپر16ممالک نظر آئیں گے۔نیپال نے ورلڈکپ کوالیفائرزکے دوران پہلی بارون ڈے سٹیٹس حاصل کیا۔
