محمد عباس کا لیسٹر شائر کاونٹی سے اگلے سیزن کیلئے معاہدہ

لیڈز(سپورٹس ڈیسک )لارڈز ٹیسٹ کے ہیرومحمد عباس کی شاندار کارکردگی کو دیکھتے ہوئے لیسٹر شائر کاونٹی نے ان سے اگلے سیزن کے لئے بھی معاہدہ کر لیا ہے۔محمد عباس لیسڑ شائر کاو¿نٹی کی نمایندگی کیلیے انگلینڈ میں رکیں گے اوراس سال وہ پہلی بار کاونٹی چیمپین شپ کھیلیں گے۔محمد عباس نے لارڈز ٹیسٹ میں64رنز دے کر8وکٹ حاصل کئے تھے۔عباس نے سات ٹیسٹ میچوں میں40وکٹ لے کر سب کو حیران کردیا ہے۔محمد عباس نے یہاں شائع ہونے والے ایک انٹر ویو میں کہا ہے کہ مجھے یہ مقام مشکل سے ملاہے۔میں چمڑے کی فیکڑی میں ملازمت کرتا رہا اورایک ویلڈنگ کی دکان پر بھی کام کیا۔سیالکوٹ کے ایک وکیل کے پاس بھی چھوٹی سی ملازمت کی لیکن کرکٹ کھیلنے کا جنون کی حد تک شوق تھا۔مجھے میری مسلسل محنت کا صلہ ملا لیکن میں ایک پراسس سے گذر کر پاکستانی ٹیم میں آیا ہوں اس مقام کو حاصل کرنے کے لئے انتھک محنت کی ہے۔