ممبئی (ویب ڈیسک)بالی وڈ اداکار اکشے کمار کی فلم ’ٹوائلٹ: ایک پریم کتھا‘ کی چین میں ریلیز کی جائے گی۔بھارت کے بعد چین بالی وڈ کی دوسری بڑی مارکیٹ بن گئی ہے اور کئی نامور اداکاروں کی فلمیں چین میں نمائش کے لیے پیش کی جاچکی ہیں جس میں ’پی کے‘، ’دنگل‘، ’بجرنگی بھائی جان‘ اور ’ہندی میڈیم‘ شامل ہیں۔عامر خان، سلمان خان اورعرفان خان کے بعد اب اکشے کمار کی بھی فلم چین میں نمائش کے لیے پیش کی جائے گی۔فلم ’ٹوائلٹ: ایک پریم کتھا‘ چینی زبان میں ڈب کرکے 8 جون کو نمائش کے لیے پیش کی جائے گی جب کہ چینی زبان میں فلم کا نام ’ٹوائلٹ ہیرو‘ رکھا گیا ہے۔یاد رہے کہ اکشے کمار کی فلم ’ٹوائلٹ: ایک پریم کتھا‘ گزشتہ سال 11 اگست کو ریلیز کی گئی تھی جس نے بھارت سمیت دنیا بھر میں 250 کروڑ سے زائد کا بزنس کیا تھا۔واضح رہے کہ فلم میں اکشے کمار کے مدمقابل بھومی پیڈناکر اور انوپم کھیر نے مرکزی کردار کیا تھا۔
