ملتان (صباح نیوز) پاکستان تحریک انصاف کے رہنما شاہ محمود قریشی نے پنجاب کا اگلا وزیر اعلیٰ بنوں گا کے دعوے کو اپنی انتخابی مہم کا حصہ بنالیا۔ ان کا کہنا ہے کہ عمران خان نے بھی اس کی منظوری دے دی ہے۔ انہوں نے اپنے حلقہ انتخاب میں نمائندہ شخصیات اور حلقہ کی بااثر برادریوں کو یہ پیغام دینا شروع کردیا ہے کہ تحریک انصاف کی کامیابی کی صورت میں پنجاب کی وزارت اعلی انہیں ہی ملے گی۔ واضح رہے کہ ڈاکٹر پروفیسر حسن عسکری نے پنجاب کے نگران وزیر اعلیٰ کا حلف اٹھالیا ہے۔ گورنر رفیق رجوانہ نے پروفیسر حسن عسکری سے نگران وزیر اعلی پنجاب کے عہدے کا حلف لیا۔ ڈاکٹر حسن عسکری کا نام تحریک انصاف کی جانب سے تجویز کیا گیا تھا۔
