شارجہ میں پان کھا کر ہی بھارت کے خلا ف چھکا لگا یا تھا:میانداد کا علی زیدی سے مکالمہ ،کپتان کو بھی پا ن کاتحفہ

اسلام آباد (ویب ڈیسک )پاکستان کرکٹ ٹیم کے سابق کپتان جاوید میانداد نے تحریک انصاف کے رہنما کو علی زیدی کو اپنے ہاتھ سے پان کھلایا اور کہا کہ شارجہ میں پان کھا کر ہی بھارت کے خلا ف چھکا لگا یا تھا۔تفصیلات کے مطابق ملک میں عام انتخابات ہونے جارہے ہیں اور اس میں تقریب 18 دن باقی رہ گئے ہیں اور تما م سیاسی جماعتیں الیکشن مہم چلانے میں مصروف ہیں اسی سلسلے میں شہبازشریف نے کراچی کا دورہ کیا جہاں انہوں نے خوشگوار موڈ میں ایک ایسا بیان دیدیا جس پر انہیں لینے کے دینے پڑ گئے ، ممکنہ طور پر ایک رپورٹر نے کراچی کو کرانچی کہہ کر شہباز شریف سے کوئی سوال کیا جس پر صدر مسلم لیگ (ن) نے جواب دیا کہ ہمارے جو بھائی بہن پان کھانے والے ہیں ،ان کے کرانچی کو میں لاہور بناو¿ں گا۔تاہم کراچی میں علی زیدی نے جاوید میانداد سے ملاقات کی اور اس ملاقات میں پاکستانی سابق کپتان نے علی زیدی کو اپنے ہاتھوں سے پان تیار کر کے کھلایا جبکہ ایک پان انہوں نے عمران خان کیلئے بھی دیا اور گفتگو کرتے ہوئے کہا کہ شارجہ میں انہوں نے پان کھا کر ہی بھارت کے خلاف چھکا لگایا تھا۔