لاہور(شوبزڈیسک)طنز و مزاح اور رومانس سے بھرپور بالی وڈ کی نئی فلم ©© ” نواب زادے“ پاکستانی سنیماﺅں کی زینت بن گئی ۔ ورون دھون ، شردھا کپور ، اتھیا شیٹھی اور سنجیدہ شیخ نے مہمان اداکار کے کرداروں میں فلم کی رونق بڑھائی ہے ۔پاکستان میں معیاری غیر ملکی فلموں کی نمائش کے حوالے سے معروف ادارے ڈسٹری بیوشن کلب نے طنزو مزاح اور رومانس سے بھرپور نئی بھارتی فلم ” نواب زادے“ کی ریلیز کا اہتمام کیا ہے جو لاہور، کراچی اور اسلام آباد سمیت سرکٹ کے تمام شہروں میں جمعہ کو نمائش کیلئے پیش کر دی گئی ۔ ڈائریکٹرجیش پردھان کی زیر ہدایت بننے والی فلم تین جگری دوستوں کی کہانی پر مبنی ہے ۔فلم کی لیڈ کاسٹ میں راگھو وجویال ، پونیت پاتھک، دھرمیش یالیندے اور ایشا رکھی شامل ہیں ۔
جبکہ معروف کریکٹر آرٹسٹ مکیش رشی نے فلم میں ڈان اور وجے راز نے پولیس انسپکٹر کا کردار ادا کیا ہے ۔معروف سنگر اور ریپر بادشاہ ، گرو رندھاوا کی ڈائریکشن میں بنا فلم کا میوزک پنجابی بھنگڑا ور ہپ ہاپ کا حسین امتزاج ہے جس کا ٹائٹل ٹریک ” ہائی ریٹڈگھبرو“ پہلے ہی میوزک چارٹس پر براجمان ہے ۔تجزیہ نگاروں کے مطابق دلچسپ موضوعاتی کامیڈی کے باعث ” نواب زادے“ شائقین کو پیسہ وصول تفریح فراہم کرنے میں کامیاب رہی ہے ۔
