گوجرانوالہ (بیورورپورٹ)قربانی کے جانوروں کوجاذب نظر اور صحت وتوانا دکھانے کیلئے مالکوں نے مختلف مضرصحت سٹرائیڈ پلاکر لوگوں کوبیوقوف بنانا شروع کردیا،ماضی کی طرح اس بار بھی ضلعی انتظامیہ اور جانوروں کو چیک کرنے والے محکموں نے ایسے مافیا کو کھلی چھٹی دے رکھی ہے، اونٹ ،بھینسے،بکرے کسی کو بھی معاف نہ کیا، ا س ظالم مافیا نے بے زبان جانور وں کو ڈبل قیمت پر بیچنے کیلئے ٹاٹری،سوڈا کے ڈرنکس اورایسے سٹرائیڈ پلانے شروع کردیے جس سے جانور تو فی الوقت موٹے نظرآتے ہیں ایسے سٹرائیڈ سے گوشت اور سکن آپس میں جدا ہوکر غبارے کی طرح پھولے ہوئے نظرآتے ہیں۔ اس سے بے زبان جانور کوتکلیف برداشت کرتا ہے اور معصوم شہری بھی دھوکہ کی نذر ھوجاتے ہیں۔ ضلعی انتظامیہ اور لائیوسٹاک جیسے ادارے بس ان دنوں اپنی منتھلیاں لینے میں مصروف ہوتے ہیں۔ ان دنوں میں کچھ جانوروںکے ڈیلر بیمار اورلاغر جانور بھی شہریوں کو تھماکر چل نکلتے ہیں۔ اعلی حکام سے شہریوں کی اپیل ہے کہ ایسے مافیا کو جو جانوروں کو مضرصحت سٹرائیڈ پلاکر شہریوں کو بیوقوف بناتے ہیں ان کیخلاف سخت کارروائی کی جائے۔
