لاہو ر(کرائم رپورٹر)شاہدرہ ٹاﺅن کے علاقہ میں خاتون نے علیحدگی کے لیے خلع کا دعوا دائر کررکھا تھا جس کی رنجش میں شوہر نے بیوی پر تیل چھڑک کر آگ لگا دی جس سے وہ جاںبحق ہوگئی ۔پولیس نے لاش اپنی تحویل میںلے کر مردہ خانے منتقل کردیا۔ذرائع کے مطابق اہدرہ ٹاﺅن کے رہائشی محمود اور اس کی بیوی عاصمہ بی بی کا آپس میں جھگڑا چل رہا تھا جس کے لیے اس کی بیوی نے عدالت میں خلع کا دعوا دائرکردیا جس کا اس کے شوہر کو رنج تھا اور اس نے طیش میں آکر اپنی بیوی پرتیل چھڑک کر آگ لگا دی جس سے عاصمہ بی بی بری طرح جل گئی جسے طبی امداد کے لیے مقامی ہسپتال منتقل کردیاگیا تھا جہاں چند دن کی علالت کے بعد خاتون جاںبحق ہوگئی ۔اس واقع کی اطلا ع ملتے ہی پولیس نے پہنچ کرلاش اپنی تحویل میںلے کر مرد ہ خانے منتقل کردی ۔پتہ چلاہے کہ مقتولہ محمود کے 5بچوں کی ماں تھی ،پولیس نے بتایا کہ مقتولہ کے آخری دیے گئے بیان کو قلمبند کرلیاگیاہے تاحال ابھی تک مقدمہ درج نہیں ہوسکا۔

لاہور (رپورٹ:حسنین اخلاق) سانحہ ماڈل ٹاﺅن میں چودہ افراد کے قتل عام کے بعد اس وقت کی حکومت کی جانب سے جہاںبے پناہ دباﺅ اور حربوں کا استعمال کیا گیا اور تقریباً دوماہ تک جاں بحق افراد کے ورثا اپنی ایف آئی آر درج نہ کرواسکے اور بالاخر دھرنا کے دوران جنرل(ر) راحیل شریف کی مداخلت سے اس کا اندارج ہوسکا لیکن بعدازاں گورنمنٹ نے جانبدار جے آئی ٹی بناکر اس میں حکومتی افراد سمیت تمام پولیس افسران کو کلین چٹ دےدی اورصرف دو پولیس اہلکاروں کا چالان عدالت میں پیش کیا گیا۔ کیونکہ جاں بحق ہونے والے افراد کے ورثا کے مطابق اس وقت کے وزیراعلیٰ پنجاب میاں شہباز شریف،رانا ثنا اللہ اور دیگر حکومتی زعما اس سانحہ میں ملوث تھے جنہوں نے پولیس کے ذریعہ یہ آپریشن کروایا ۔ اس لئے کسی بھی پولیس افسر کے خلاف کوئی کاروائی نہیں کی گئی بلکہ اس سانحہ میں ملوث پولیس افسران کو مراعات اورعہدوں سے نوازا گیا۔ تو پھر اس سانحہ ماڈل ٹاو¿ن کے حصول انصاف کے لیے مورخہ 15 مارچ 2016 کو انسداد دہشت گردی عدالت میں استغاثہ دائر کردیا گیا۔ اس استغاثہ میں 56 زخمی وچشم دید گواہان کے بیانات ہوئے ہیں۔مورخہ 7 فروری 2017 کو انسداد دہشت گردی عدالت نے اس سانحہ ماڈل ٹاو¿ن کیس میں 124 پولیس والوں کو طلب کر لیاہے جو اس سانحہ میں ملوث ہیں،انسداد دہشت گردی عدالت لاہور میں استغاثہ کیس میں 115 پولیس والے عدالت میں پیش ہو رہے ہیں جبکہ بقیہ ملزمان کو سمن جاری ہیں۔ مگر یہ افسران اپنے عہدوں پر پر بدستور براجمان تھے اس وقت کے سابق آئی جی پنجاب مشتاق سکھیرا وفاقی محتسب میں تعینات ہیں۔ سابق ایس پی ماڈل ٹاو¿ن طارق عزیز ایس ایس پی ڈسپلن اینڈ انسپکیشن تعینات ہیں،سابق ڈی آئی جی آپریشن رانا عبدالجبار کورس پر ہیں،سابق ایس پی سیکورٹی سیلمان چند روز قبل او ایس ڈی ہوئے ہیں،سابق ایس پی موبائل ایس پی سی آئی اے لاہور تعینات ہیں ،، ایس پی عبدالرحیم شیرازی ایس پی سی آر اولاہور ہیںاورسابقہ ایس پی ماڈل ٹاﺅن طارق عزیزآجکل ایس ایس پی ڈسپلن ہیں ۔جبکہ دیگر پولیس افسران میںاس وقت کے ایس پی معروف صفدر واہلہ ، ایس پی عمر ریاض چیمہ، ایس ایس پی اقبال خاں، ایس ایس پی ڈاکٹر فرخ رضا اور ایس پی عمر ورک جوآجکل انسپکٹربن چکے ہیں۔درجب بھر کے قریب سانحے میں ملوث سابق ایس ایچ اوز بھی مختلف تھانوں میں تعینات ہیں جبکہ کئی ایک انوسٹی گیشن ونگ اور بہت سے اہلکار سی آئی اے سمیت متعدد تھانوں میں تعینات ہیں۔ شیخ عاصم ایس ایچ اوجو سانحے میں جان بحق محمدعمر ولد محمد صدیق کے ورثا کے مطابق براہ راست اس کے قتل میں ملوث ہے وہ بھی بیرون ملک فرارہے۔مقدمہ نمبر 510/14 میں جے آئی ٹی نے سابقہ ایس پی سلمان علی خاں کو بھی اس سانحہ میں ادارہ منہاج القرآن اور پاکستان عوامی تحریک کے کارکنان پر خود فائرنگ کرنے اور دیگر پولیس افسران کو فائرنگ کرنے کاحکم دینے پر ذمہ دار ٹھہرایا۔ اسی طرح مقدمہ نمبر 696/14 کی جے آئی ٹی نے بھی جسکی تصدیق کی جو ویڈیو فوٹیج میں دیکھی جاسکتی ہے۔ کیونکہ اس وقت سلمان علی خاں ایس پی سیکورٹی تھے۔ ان کا اس سانحہ میں بہت بڑا کردار ہے۔ایس پی سلمان علی خاں جو کہ بیرون ملک چلے گئے اور مقدمہ میں اشتہاری قرارپائے لیکن جب تمام گرفتار پولیس والوں کی ضمانتیں انسداددہشت گردی کورٹ سے ہو گئیں توسابقہ ایس پی سلمان علی خاں نے بھی مقدمہ نمبر 510/14 FIR میں ضمانت قبل ازگرفتاری کروالی۔ذرائع کے مطابق سابق حکومت اور پولیس افسران کی ایما پر ضمانت کیس میں پولیس رپورٹان کے حق میں کردی گئی اور وجہ بیان کی گئی کہ ”صفحہ مثل پرایس پی سلمان علی خاں کے خلاف کوئی ٹھوس شہادت موجود نہیں ہیں اس لیے یہ ضابطہ فوجداری کی دفعہ 169کے تحت انکی گرفتاری کوملتوی کیا جائے۔لیکن اب وزیراعظم پاکستان نے عوامی تحریک کے سربراہ کو ٹیلیفون رابطہ کیا اور سانحہ ماڈل ٹاو¿ن میں تعینات افسران کے مزہ اب ختم ہوچکے ہیں کیونکہ وزیراعظم پاکستان نے وزیراعلی پنجاب کو ان افسران کو تبدیل کا حکم دے دیا ہے۔

اسلام آباد (آئی این پی) وزیراعظم عمران خان کی اہلیہ خاتون اول بشریٰ بی بی نے کہاہے کہ قوم کو اب ایسا لیڈر ملا ہے جس کے دل میں کوئی لالچ نہیں ، پاکستان کی تقدیرعمران خان ہی بدلیں گے، پاکستان کو خان صاحب ہی اوپر اٹھائیں گے، لگتا ہے اللہ نے یہ لکھ دیا ہے، عمران خان اور ترک صدر طیب اردگان 21ویں صدی کے لیڈر ہیں، ‘ایسا نہیں کہ خان صاحب کے پاس جادو کی چھڑی ہے، تبدیلی آنے میں تھوڑا وقت لگے گا، خان صاحب محنت پاکستانی عوام کیلئے کررہے ہیں ، ایک دوسرے کی وجہ سے ہمارے اندر تبدیلی آئی، خان صاحب کتے کو پیار کرتے ہیں، اس کی دیکھ بھال میں کرتی ہوں ، میری پہچان میرا پردہ ہے، ہر پیر کو روزہ رکھتی ہوں، گھر سے نکلی توعدت پوری کرکے نکلی تھی، پردے کا تعلق میری ذات اور رب سے ہے، سراہا نہیں جاسکتا تو پردے کے معاملے پر تنقید نہیں کرنی چاہیے، ایک دوسرے سے ہaمارے اندر تبدیلی آئی مجھے کبھی خواب میں نبی کریم کی زیارت نہیں ہوئی اور نہ ہی یہ کہا گیا کہ خان صاحب سے شادی کرلوں ،میں سوشل میڈیا استعمال نہیں کرتی، عبادت کا تعلق انسانی کی اپنی ذات سے ہے۔ وہ جمعرات کو ایک نجی ٹی وی چینل کو عمران خان سے شادی کے بعد پہلاانٹرویو دے رہی تھیں۔ بشریٰ عمران نے کہاکہ عمران خان اور ترک صدر طیب اردگان 21ویں صدی کے لیڈر ہیں۔ وزیر اعظم عمران خان ملک کی تقدیر بدل دیں گے۔ وہ ایک سادہ طبیعت انسان ہیں۔عمران خان بنیادی طور پر ایک نیک روح ہیں۔ ان کی زندگی میں لالچ نام کی کوئی چیز نہیں ہے۔ سوشل میڈیا پر میرا کوئی اکا?نٹ نہیں ہے۔ خاتون اول بشریٰ عمران نے کہا کہ لوگوں کا خیال ہے کہ میرے آنے سے عمران خان کی زندگی بدلی ہے مگر حقیقت یہ ہے کہ شادی کے بعد ہم دونوں کی زندگی بدل گئی ہے۔ لوگ عام طور پر عمران خان سے قریب ہونے کیلئے مجھ سے ملتے ہیں۔ لاہور اور اسلام آباد سے ابتدائی تعلیم حاصل کی۔ میری شادی بہت جلدی ہوگئی تھی۔ میری ساری زندگی جائے نماز پر گزری۔ زندگی میں سیکھا عبادت بہت ضروری ہے۔ رب نے مجھے مہارانی کی طرح رکھا۔ خان صاحب کپڑوں کے معاملے میں بے پروا ہیں۔ کوئی لیڈر ایسا ہوگا جس کے پاس صرف دو تین سوٹ ہوں۔ عمران خان بہت سادہ انسان ہیں۔ اور انہیں کسی چیز کی لالچ نہیں ہے۔ وہ کھانے پینے میں کوئی نخرے نہیں کرتے۔ سیاستدان اور لیڈر میں فرق ہوتا ہے۔ خان صاحب بہت بڑے لیڈر ہیں۔ جس کا دین میں جتنا دل لگتا ہے وہ اتنا ہی دین سے عشق کرنے لگتا ہے۔ خان صاحب صبح شام عبادت کرتے ہیں۔ روز صبح اللہ کی بارگاہ میں دعا کرکے جاتے ہیں اور شام میں واپس آکر اللہ کی بارگاہ میں شکرانے کے نفل ادا کرتے ہیں اور عوام کیلئے دعا کرتے ہیں۔ رات کو درود شریف کی تسبیح پڑھ کر سوتے ہیں۔ انہوں نے کہا کہ میں نے عمران خان کو کہا تھا کہ درود شریف لازمی پڑھا کریں۔ اب خان صاحب کی زندگی اللہ اور اس کے رسول کی محبت میں ہے۔ وہ محنت پاکستانی عوام کیلئے کررہے ہیں۔ اللہ نے ہدایت کا وقت مقرر کررکھا ہے۔ اولڈ ہا?س کے لوگوں کا درد اپنے اندر محسوس کیا۔ اولڈ ہا?س اور یتیم خانے جاکر روح کانپ گئی۔ پاکستان کی خوش قسمتی ہے کہ انہیں عمران خان جیسا لیڈر ملا۔ انہوں نے کہا کہ میری پہچان صرف میرا پردہ ہے۔ پاکستان کی تقدیر عمران خان ہی بدلیں گے۔ یتیم خانے میں گئی تووہاں کے بہت ہی برے حالات دیکھے۔ میں جہاں بھی جاتی ہوں عوام کی خدمت کیلئے جاتی ہوں۔ مجھے روزہ رکھنے کا بہت شوق ہے اور ہر پیر کو میں روزہ رکھتی ہوں۔ 18سال کی عمر میں دین کی تعلیم حاصل کی۔عبادت سے زیادہ انسانیت کی خدمت ضروری ہے۔ کوئی انسان عمران خان کی برائی نہیں کرتا۔ جائے نماز پر بیٹھی تھی کہ کتا آگیا۔ کتے کی آنکھوں میں مجھے آنسو نظر آئے۔ بڑے گھر سے چھوٹے گھر میں منتقل ہونا آسان نہیں تھا۔ شادی کے بعد سرکاری جگہوں پر جانا شروع کیا۔ عمران خان کے پاس جادو کی چھڑی نہیں، ملک بدلنے میں کچھ وقت لگے گا۔ ہر کام شروع کرنے سے پہلے درود شریف پڑھنا چاہیے۔ عبادت اور انسانیت کی خدمت کرنا بہت ضروری ہے۔ پردے کا تعلق میری ذات اور میرے رب سے ہے۔ پردے کو لے کر بحث نہیں بنانا چاہیے۔ جس کو تنقید کرنی ہے میری ذات پر کرے یا میرے اٹھنے بیٹھنے پر کرے۔ مجھے خواب میں کبھی بھی نبی کریم کی زیارت نہیں ہوئی اور نہ ہی آپ نے مجھے عمران خان سے شادی کا کوئی حکم دیا تھا۔ ہماری زبان سے دوسروں کو فائدہ ہوسکتا لیکن ہماری عبادت سے کسی کوئی فائدہ نہیں ہوتا۔ رات کو کتابیں پڑھتی ہوں اور ذکر اللہ کرتی ہوں اور صبح 4، 5بجے سوتی ہوں۔ میں اپنا قیمتی وقت لوگوں کو ملنے میں ضائع نہیں کرتی۔ اپوزیشن بہت مضبوط ہے ،عمران خان حالت بہتر کرنے میں وقت لگے گا۔ اولڈ ہا?س سے واپسی پر رات کو میں بہت روئی اور اللہ کی بارگاہ میں التجاءکرتی رہی کہ جو لوگ کرپٹ ہیں انکو لازمی سزادے۔ ملک میں عورتوں پر بہت ظلم ہورہا ہے۔ میرا یمان ہے کہ پاکستان مثالی بنے گا۔ عمران خان عوام کو تمام مشکلات سے نکالیں گے۔ ہم سب مل کر ہی ملک کو ٹھیک کریں گے۔ ایک عمران خان کب تک ملک کو ٹھیک کرتے رہیں گے۔ سب کو اپنی سوچ بدل کر ملک کی ترقی کیلئے سوچنا ہوگا۔ میں عدت پوری کرکے گھر سے نکلی تھی اور عمران خان سے شادی 6، 7ماہ بعد کی۔ جہاں کا دورہ کیا وہاں گھنٹوں میں تبدیلی آئی۔ بے سہارا لوگوں ، عورتوں کیلئے کام کرتی رہوں گی۔ سکون رب کی ذات کی طرف سے بہت بڑا تحفہ ہے اور اللہ نے مجھے ایسے سکون سے نواز ہوا ہے۔ دین محمد سے ملک دن بدن دور ہورہا ہے عورتوں پرروز مرہ ظلم کیے جارہے ہیں۔

اسلام آباد (صباح نیوز) سپریم کورٹ نے جہانگیر ترین کی نااہلی کیخلاف نظر ثانی اپیل مسترد کرتے ہوئے نا اہلی برقرار رکھی ہے، اپیل مسترد ہونے پرتحریک انصاف کے مرکزی رہنما ترین پارلیمانی سیاست سے ہمیشہ کیلئے آﺅٹ ہو گئے۔ جہانگیر ترین نے سپریم کورٹ میں نظرثانی اپیل دائر کی تھی۔سپریم کورٹ میں جہانگیرترین کی نااہلی کے خلاف نظر ثانی اپیل پر سماعت ہوئی۔ چیف جسٹس پاکستان ثاقب نثار نے وکیل سے استفسار کیا کتنے ارب روپے پاکستان سے باہر لے کر گئے ؟ کیا آپ کے موکل کو پیسا واپس لے کر نہیں آنا چاہیے؟۔ چیف جسٹس نے کہا کہ جہانگیر ترین نے پیسے بچانے کیلئے باہر کمپنی بنائی، پراپرٹی آپ نے خریدی، بچوں کا ظاہر کرکے چھپارہے ہیں، جہانگیر ترین سے کہا گیا دستاویزات لائیں لیکن نہیں لائے۔ کیا عوامی لیڈر ایسے ہوتے ہیں؟ چیف جسٹس نے ریمارکس دیتے ہوئے نااہلی برقرار رکھی۔ عدالت کے روبرو دلائل دیتے ہوئے ایک موقع پر جہانگیر ترین کے وکیل سکندر مہمند جذباتی ہوگئے اور تیز آواز سے بولنا شروع ہوئے۔ عدالت نے وکیل کی سرزنش کرتے ہوئے کہا کہ اپنی آواز نیچے رکھیں اور چیخیں مت، عدالت کے احترام کو مدنظر رکھیں جس پر سکندر بشیر مہمند نے کہا کہ معافی چاہتا ہوں مجھے اونچا بولنے کی عادت ہے۔ چیف جسٹس نے وکیل کو کہا کہ ہم کیس کی دوبارہ سماعت نہیں کر رہے ¾آپ اب دستاویزات دے رہے ہیں، عدالت مانگتی رہی لیکن فراہم نا کی گئیں اور ٹرسٹ ڈیڈ بھی آخر میں فراہم کی گئی ¾کیا آپ نے سنا ہے کہ لڑائی کے بعد یاد آنے والا تھپڑ کہاں مارنا چاہیے۔ چیف جسٹس نے کہا کہ اب لہر یہ ہے کہ لیڈر پیسہ ملک میں لائیں، باہر سے پیسہ ملک میں لایا جانا چاہیے۔ چیف جسٹس نے کہا کہ آپ کے موکل اتنے بڑے لیڈر ہیں کبھی انہوں نے سوچا کہ یہ پیسہ ملک میں واپس آنا چاہیے، جب فیصلہ پڑھ رہا تھا تو آپ نے کمپنی اور شیئر بھی خریدے، کوئی عوامی عہدے دار ایسی مشکوک ٹرانزکشن کیسے کر سکتا ہے؟۔سپریم کورٹ نے آئین کے آرٹیکل 62 ون ایف کے تحت جہانگیر ترین کو تاحیات نااہل قرار دینے کا دسمبر 2017 کا فیصلہ برقرار رکھتے ہوئے ان کی نظرثانی درخواست مسترد کردی۔