Monthly Archives: September 2018

پاکستان

ماں بچوں سمیت ڈوب گئی لرزہ خیز خبر

کشمور(ویب ڈیسک)نواحی گاوں میں 4بچے اور ماں تالاب میں ڈوب کر جاں بحق ہوگئے ،تما م لاشوں کو نکال کر ہسپتال منتقل کر دیا گیا۔
پولیس حکام کے مطابق کشمورکے نواحی گاوں میں 4بچے تالاب میں نہاتے ہوئے ڈوب گئے اور بچوں کوبچانے کیلئے ماں نے بھی تالاب میں چھلانگ لگادی۔واقعہ کی اطلاع ملتے ہی پولیس اور طبی امداد دینے والی ٹیمیں جائے وقوعہ پر پہنچ گئی اور لاشوں کو تالاب سے نکال کر ہسپتال منتقل کر دیا گیا۔ پولیس کا مزید کہنا تھا کہ جاں بحق ہونےوالوں میں 6سالہ نسیمہ ،7سالہ فرزانہ، 4 سالہ میراحمداور 5سالہ سارااور ان بچوں کی ماں بھی شامل ہے

اہم خبریں, پاکستان

آرمی چیف وزیر اعظم ہاﺅس پہنچ گئے ،اہم قومی امور پر گفتگو

اسلام آباد: وزیراعظم عمران خان سے آمی چیف جنرل قمر جاوید باجوہ نے ملاقات کی۔وزیراعظم عمران خان اور آرمی چیف جنرل قمر جاوید باجوہ کے درمیان ملاقات وزیراعظم ہاو¿س میں ہوئی جس میں سیکیورٹی امور سے متعلق تبادلہ خیال کیا گیا۔واضح رہےکہ وزارتِ عظمیٰ کا منصب سنبھالنے کے بعد وزیراعظم عمران خان اور آرمی چیف کی یہ تیسری ملاقات ہے۔گزشتہ دنوں وزیراعظم اور ان کے اہم وفاقی وزرا نے پاک فوج کے ہیڈ کوارٹر جی ایچ کیو کا دورہ کیا تھا جہاں انہیں ملکی دفاع اور سلامتی سے متعلق اہم بریفنگ دی گئی، وزیراعظم عمران خان نے 8 گھنٹے تک جی ایچ کیو میں قیام کیا تھا۔

اہم خبریں, پاکستان

شرجیل میمن کی میڈیکل رپورٹ آ گئی، سنسی خیز خبرنے تہلکہ مچا دیا

کراچی (ویب ڈیسک)پیپلزپارٹی کے رہنما شرجیل میمن کے خون کے ٹیسٹ کی رپورٹ سامنے آ گئی ہے جس کے مطابق شرجیل میمن کے خون میں شراب کا عنصر نہیں پایا گیا۔واضح رہے کہ یکم ستمبر کو شرجیل میمن کے کمرے سے شراب کی بوتلیں برآمد ہونے چیف جسٹس پاکستان نے پیپلزپارٹی کے رہنما کے خون کا ٹیسٹ لینے کا حکم دیا تھا اور ان کے خون کے نمونے 2 ہسپتالوں کو بھیجوائے گئے۔آغا خان ہسپتال کی رپورٹ میں پلازمہ الکوحل ناٹ ڈیٹکٹڈلکھا گیا ہے ،رپورٹ میں کہا گیا ہے کہ شرجیل میمن کے خون میں شراب کا عنصر نہیں پایا گیاجبکہ الکوحل کے استعمال سے متعلق 3 ٹیسٹ بھی نارمل قرار دیئے گئے ہیں، سندھ حکومت شرجیل میمن کی رپورٹ سپریم کورٹ کوارسال کرےگی۔

شوبز

پہلی فلم ابھی بنی اور ساتھ ہی دوسری کیلئے تیاری مکمل کر لی

ممبئی (ویب ڈیسک)بولی وڈ میں فلموں کا سیکوئل بنانے کا کوئی نئی بات نہیں، اگرچہ کئی فلموں کے سیکوئل ڈیڑھ دہائی بعد بننے جا رہے ہیں، وہیں کچھ فلمیں ایسے بھی ہیں جن کی پہلی فلم ریلیز ہوتے ہی دوسری فلم بنانے کا اعلان کیا جاتا ہے۔رومانٹک ہارر فلم ‘استری’ بھی ایسی ہی فلموں میں شامل ہے، جن کی پہلی فلم کو ریلیز کرتے ہی اس کی دوسری فلم بنائے جانے کا اعلان کردیا گیا۔حیران کن بات یہ ہے کہ ‘استری’ نے ریلیز کے تین دن میں نہ تو 100 کروڑ روپے کمائے اور نہ ہی پچاس کروڑ لیکن اس باوجود اس کے سیکوئل کا اعلان کردیا گیا۔شردھا کپور اور راج کمار راو¿ کی فلم ’استری’ کو یکم ستمبر کو ریلیز کیا گیا تھا اور فلم نے ابتدائی دن میں 31 کروڑ روپے کماکر اگرچہ اچھا ا?غاز کیا ہے، تاہم اس کی کمائی اتنی زیادہ نہیں کہ اس کے ریلیز ہوتے ہی اس کے سیکوئل کا اعلان کیا جائے۔ہندوستان ٹائمز کے مطابق ‘استری’ نے 3 ستمبر تک بھارت بھر سے 31 کروڑ روپے سے زائد پیسے بٹورے۔فلم نے ریلیز کے پہلے دن 6 کروڑ 82 لاکھ روپے بٹورے تھے، تاہم دوسرے دن اس نے 10 کروڑ روپے سے زائد کی کمائی کی۔استری نے تیسرے دن 13 کروڑ روپے سے زائد پیسے بٹورے، یوں فلم نے ابتدائی 3 دن میں 31 کروڑ روپے سے زائد کی کمائی کی۔ لیکن فلم کو ریلیز کرتے ہوئے اس کی ٹیم نے اس کا سیکوئل بنانے کا اعلان کردیا۔ڈی این اے انڈیا نے اپنی رپورٹ میں بتایا کہ فلم پروڈیوسر نے اس بات کی تصدیق کی کہ ’استری’ کا سیکوئل بنایا جائے گا اور اسے ا?ئندہ برس کے ا?خر تک ریلیز کردیا جائے گا۔فلم پروڈیوسر کے مطابق فلم کے مرکزی کردار شردھا کپور اور راج کمار راو¿ ہی نبھائیں گے اور ان کے کرداروں کی کہانی کو ہی ا?گے بڑھایا جائے گا۔ابھی یہ واضح نہیں ہے کہ فلم کی دیگر کاسٹ میں اور کون سے اداکار شامل ہوں گے، تاہم خیال کیا جا رہا ہے کہ سیکوئل میں بھی پہلی فلم کے زیادہ تر اداکار شامل ہوں گے۔پہلی فلم کی ہدایات امر کوشک نے دی، جب کہ اسے دنیش وجن اور راج اینڈ ڈی کے نے پروڈیوس کیا۔جہاں فلم کے ٹریلر نے شائقین کو متاثر کیا تھا، وہیں فلم کے گانوں نے بھی پہلے ہی دھوم مچادی تھی۔اس فلم میں مراکشی ڈانسر نورا فتیحی کا ا?ئٹم گانا ’کمریا’ بھی شامل ہے، جس نے ریلیز ہوتے ہی دھوم مچادی تھی۔اس کے علاوہ فلم کے گانے ‘ملے گی ملے گی’ اور ‘نظر نہ لگ جائے’ سمیت ‘ا?و¿ کبھی حویلی پہ’ نے بھی شائقین کو بے حد متاثر کیا۔

 

اہم خبریں, پاکستان

جنہوں نے اثاثے چھپائے ان پر منی لا نڈرنگ کیس بنئا ہے

چیف جسٹس پاکستان جسٹس میاں ثاقب نثار کا کہنا ہے کہ بیرون ملک رقم کی واپسی کے حوالے سے اداروں کی پیش رفت پر مطمئن نہیں اور اپنے اثاثے ظاہر نہ کرنے والوں پرمنی لانڈرنگ کا کیس بنتا ہے۔
سپریم کورٹ میں چیف جسٹس پاکستان کی سربراہی میں پاکستانیوں کی بیرون ملک جائیدادوں سے متعلق ازخود نوٹس کیس کی سماعت ہوئی۔
سماعت کے دوران گورنر اسٹیٹ بینک طارق باجوہ نے عدالت کو بتایا کہ لندن کی انتظامیہ نے 2 سو 25 لوگوں کی جائیدادوں کی معلومات فیڈرل بورڈ آف ریونیو (ایف بی آر) کو بھجوائی ہیں۔کیس میں عدالتی معاون شبر زیدی نے بتایا کہ ایف بی آر نے 300 افراد کو بیرون ملک جائیدادوں پر نوٹس جاری کیے ہیں، جبکہ زیادہ رقم حوالے کے ذریعے بیرون ملک منتقل ہوئی۔چیف جسٹس نے کہا کہ بیرون رقم کی واپسی کے حوالے سے پیشرفت پر مطمئن نہیں، ایمنسٹی اسکیم کے باوجود رقم اور جائیدادیں باہر پڑی ہیںگورنر اسٹیٹ بینک نے کہا کہ دبئی اتھارٹی سے کہیں گے جائیدادیں نہ ماننے والوں کے خلاف بے نامی قانون کے تحت کارروائی کریں، جبکہ جنہوں نے جائیدادیں مان لیں ان سے ذرائع طلب کریں گے۔جسٹس اعجازالاحسن نے استفسار کیا کہ کیا یہ وہ لوگ ہیں جو پاکستان میں رہتے ہیں اور باہر جائیداد بناتے ہیں؟
جسٹس عمر عطا بندیال نے کہا کہ آپ کی کمیٹی کے ٹرمز آف ریفرنس (ٹی او آر) سادہ ہیں، یہ وہ لوگ ہیں جو پیسہ چوری کرکے باہر لے گئے ہیں۔جسٹس ثاقب نثار نے ریمارکس دیے کہ ہم نے اس معاملے پر 5 ماہ پہلے ازخود نوٹس لیا لیکن پیش رفت سست ہے۔جسٹس عمر عطا بندیال نے کہا کہ ایمنسٹی اسکیم میں 2 فیصد ٹیکس رکھا گیا جو بہت کم تھا، انڈونیشیا نے 17 فیصد ٹیکس رکھا وہاں یہ اسکیم کامیاب ہوئی، جبکہ رپورٹ کے مطابق ایمنسٹی اسکیم سے لگ بھگ 8 ارب ڈالر کی جائیداد ظاہر کی گئی ہے۔جسٹس ثاقب نثار نے طارق باجوہ سے مکالمہ کیا کہ گورنر اسٹیٹ بینک، تمام لوگ موجود ہیں، 100 افراد کے نام دیں باقی کام ہم کرلیں گے، ایف بی آر سے بڑھ کر عدلیہ پاکستان کی اسٹیٹ ہے، اپنے اثاثے ظاہر نہ کرنے والوں پر منی لانڈرنگ کا کیس بنتا ہے۔
جسٹس عمر عطا بندیال نے کہا کہ جنہوں نے نہ صرف یہاں بلکہ باہر اثاثے چھپائے انہیں سزا دی جانی چاہیے۔اس موقع پر اٹارنی جنرل نے عدالت کو بتایا کہ عدالتی احکامات پر 28 اگست کو نوٹی فکیشن جاری ہوا اور ٹاسک فورس بنادی گئی جس میں ایف آئی اے، نیب، ایس ای سی پی اور وزارت خزانہ کے حکام شامل ہیں۔ان کا کہنا تھا کہ حکومت کی نیت ہے قانون بنایا جائے جس سے غیر ممالک میں پڑی دولت واپس لائی جاسکے، حکومت عوام کے مفاد کو عدالت کی نگرانی میں خود دیکھنا چاہتی ہے، ہنڈی اور حوالہ کے امور پر آج وزیر اعظم کو بریفنگ دی جارہی ہے اس لیے عدالت کوئی حکم جاری کرنے سے پہلے اسے دیکھ لے۔عدالت نے ہدایت دی کہ جنہیں نوٹسز جاری کیے گئے ان کی فہرست سربمہر لفافے میں پیش کی جائے اور اگر یہ نام افشا ہوئے تو ایف بی آر اور رجسٹرار سپریم کورٹ ذمہ دار ہوں گے۔عدالت نے کیس کی سماعت 5 ستمبر تک ملتوی کر دی۔

اہم خبریں, پاکستان

کراچی کے شہری سمندر کا میٹھا پانی پیئے گے ،حبکو کی پیشکش منظور

کراچی (ویب ڈیسک)وزیر اعلیٰ سندھ سید مراد علی شاہ نے حب پاور کمپنی لمیٹڈ(حبکو) کی جانب سے سمندر کے پانی کو میٹھا کرنے کے حوالے سے ڈی سالینیشن پلانٹ لگانے کی پیشکش کو منظور کرلیا۔سید مراد علی شاہ کی زیر صدارت سندھ کابینہ کا اجلاس ہوا، جس میں صوبائی وزرا سعید غنی، شہلا رضا، وزیراعلیٰ کے مشیر مرتضیٰ وہاب، چیئرمین پی اینڈ ڈی محمد وسیم و دیگر سمیت حبکو کے 4 رکنی وفد نے شرکت کی۔اجلاس سے خطاب میں وزیر اعلیٰ سندھ نے کہا کہ کراچی میں پانی کی قلت ہے، شہر کو 2 ذرائع کینجھر جھیل 583 ملین گیلن اور حب ڈیم 100 ملین گیلن پانی فراہم کر رہا ہے۔انہوں نے کہا کہ چاہتا ہوں شہر کے لوگوں کو سمندر کے پانی کو میٹھا بنا کر مہیا کیا جائے اور صنعتی علاقوں کے فضلہ پانی کو بھی کارا?مد بنا کر انہیں میسر کیا جائے۔وزیر اعلیٰ سندھ نے کہا کہ کراچی کے صنعتی علاقوں کی پانی کی طلب 200 ملین گیلن ہے جبکہ شہر قائد کو یومیہ 1100 ملین گیلن پانی کی ضرورت ہے، لہٰذا ہم چاہتے ہیں کہ شہر کے لیے 300 ملین گیلن کا ڈی سالینیشن پلانٹ لگایا جائے اور آہستہ آہستہ اس کی گنجائش بڑھائی جائے۔اس دوران حبکو کی جانب سے حکومت سندھ کو 300 ملین گیلن کے ڈی سالینیشن پلانٹ لگانے کی پیش کش کی گئی اور بتایا گیا کہ حب کے پاس اس پلانٹ کو لگا جائے کیونکہ حب سے کراچی کو پانی پہنچانے کے لیے واٹر چینل بنا ہوا ہے۔حبکو کی پیشکش کے بعد وزیر اعلیٰ سندھ نے اسے منظور کرلیا اور اجلاس میں طے پایا کہ حبکو اور سندھ حکومت کے مابین منصوبے کو حتمی شکل دینے کے اجلاس منعقد کیے جائیں گے۔دوران اجلاس وزیر اعلیٰ سندھ نے کہا کہ کراچی یومیہ 16 ہزار 500 سالڈ ویسٹ پیدا کرتا ہے، لہٰذا میں چاہتا ہوں کہ اسی کچرے سے برقی توانائی پیدا کی جائے اور اس کام میں حبکو ہماری مدد کرے۔اس پر حبکو نے کہا کہ سالڈ ویسٹ منیجمنٹ یومیہ 3 ہزار ٹن کچرا فراہم کرے تو پاور پلانٹ لگا سکتے ہیں۔اجلاس کے بعد صوبائی مشیر مرتضی وہاب نے میڈیا کو بتایا کہ پانی کی قلت دور کرنے کے لیے کے 4 کے علاوہ ڈی سیلینیشن پلانٹ پر کام کیا جائے گا اور ڈیڑھ سے دوسال میں پانی کی قلت پر قابو پالیا جائے گا۔انہوں نے کہا کہ کے فور جولائی 2019 میں مکمل ہوگا اور ڈی سیلینیشن پلانٹ تقریبا ڈیڑھ دوسال میں مکمل ہوگا،دوسری جانب سندھ کابینہ کے اجلاس میں ادویات سے متعلق استثناءکا معاملہ بھی زیر بحث آیا۔وزیر صحت نے بتایا کہ نگراں سیٹ اپ کے باعث ادویات کی خریداری میں کچھ تاخیر ہوئی، کابینہ کی منظوری کے بعد بجٹ کی پہلی سہہ ماہی منظور شدہ نرخ پر سینٹرل کانٹریکٹ سسٹم 18-2017 کے تحت ادویات کی خریداری کی جائے۔اس پر سندھ کابینہ نے ادویات سے متعلق استثنا دی اور محکمہ صحت کو ہدایت کی کہ ا?ئندہ ادویات کی خریداری کا عمل مقررہ وقت پر شروع کیا جائے۔علاوہ ازیں کابینہ کے اجلاس میں سندھ بینک کے چیف ایگزیکٹو افسر/ صدر کی تعیناتی کی منظوری کے معاملے پر بھی بحث ہوئی۔اس دوران وزیر اعلیٰ سندھ نے طارق احسن کو ایک سال کے لیے سندھ بیک کا صدر مقرر کرنے کی منظوری دے دی۔اجلاس کے دوران سندھ کابینہ نے دیامر بھاشا اور مہمنڈ ڈیمز فنڈز میں عطیات کو سندھ سیلز ٹیکس سے مستثنیٰ قرار دینے کی بھی منظوری دی۔دریں اثناءکابینہ کے اجلاس میں کرنٹ لگنے سے متاثرہ بچے کے مصنوعی بازو لگانے کی منظوری دی، ساتھ ہی وزیر اعلیٰ سندھ نے سیکریٹری صحت کو ہدایت کی کہ حکومت کی جانب سے متاثرہ بچوں کا علاج کرایا جائے اور مصنوعی بازو لگائے جائیں۔

انٹر نیشنل

برازیل :200سال قدیم نوادرات جل کر راکھ ہو گئے ،قیمتی خزانہ ناپید

ریو ڈی جنیرو (ویب ڈیسک)برازیل کے اہم شہر ریو ڈی جنیرو میں 200 سال پرانے قومی عجائب گھر میں آتشزدگی سے سیکڑوں سالہ پرانا سامان اور قیمتی نوادرات خاکستر ہوگئے۔فرانسیسی خبررساں ادارے اے ایف پی کے مطابق اتوار کی صبح ریوڈی جنیرو کے شمال میں ماراکانہ فٹبال اسٹیڈیم کے قریب واقع عجائب گھر میں اتوار کی صبح اچانک آگ بھڑک اٹھی، جس پر قابو پانے کے لیے کوششیں کی گئیں۔فائربریگیڈ کی 20 سے زائد گاڑیاں آگ بھجانے میں مصروف رہی اور انہوں نے کافی حد تک اس پر قابو پالیا ہے، تاہم مکمل قابو پانے کی کوششیں جاری ہیں۔ریو ڈی جنیرو کے فائر ڈپارٹمنٹ کے ترجمان نے اے ایف پی کو بتایا کہ عجائب گھر میں بہت سے آشگیر سامان موجود ہے اور 2 کروڑ سے زائد ایسے نوادرات ہیں جن کے جلنے کا امکان ہے، تاہم آشتزدگی کے واقعے میں کوئی جانی نقصان کی اطلاع نہیں ہے۔اس افسوسناک واقعے پر برازیل کے صدر مائیکل ٹیمر کا کہنا تھا کہ ’ آج برازیلین عوام کے لیے افسوس ناک دن ہے کیونکہ انہوں نے 200 سالہ کام، تحقیقات اور معلومات کھو دی ہیں‘۔انہوں نے کہا کہ قومی عجائب گھر کے مختلف مواد کا اندازاہ نہیں لگایا جاسکتا کیونکہ اس میں گریگو- رومن اور مصر کے وقت کے آرٹ اور ارٹی فیکس کا مجموعہ بھی تھا۔انہوں نے بتایا کہ اس کے علاوہ اس میں برازیلین سرحد سے ملنے والے قدیم ترین انسانی فوسل بھی تھے جبکہ یہاں پر میناس گیراس ریجن میں پائے جانے والے ڈائیناسور کے ڈھانچے بھی موجود تھے۔برازیلین صدر نے بتایا کہ قومی عجائب گھر میں 1500 صدی میں پرتگالیوں کی آمد سے 1889 تک پہلی مرتبہ برازیلین جمہوریت کے اعلان کے وقت تک کی تقریباً 4 صدی پرانا سامان بھی موجود ہیں۔ادھر ڈپٹی ڈائریکٹرقومی عجائب گھر لوئز فرنانڈو دیاس کا کہنا تھا کہ یہ عجائب گھر پرتگال کے شاہی خاندادن کی سرکاری رہائش گاہ ہوتا تھا اور کئی سالوں سے مختلف حکومتوں کی جانب سے مناسب طریقوں سے وسائل کو محفوظ بنانے کے لیے اس کا استعمال کیا جاتا تو جو آج تباہ ہوگیا۔خیال رہے کہ برازیلین کے شہر ریو ڈی جنیرو پرتشدد واقعات، معاشی بحران، کرپشن کے باعث مسلسل بحران کا شکار ہے، تاہم 2016 میں ایک ایسا موقع ا?یا تھا جب اولمپک گیمز کی میزبانی کے دوران برازیل کو اربوں ڈالر کمانے کا موقع ملا تھا۔تاہم اس موقع کے بعد ریو ڈی جنیرو کو پھر سے وہی صورتحال کا سامنا کرنا پڑا اور وفاقی اخراجات میں کمی اور بڑھتے تشدد کے واقعات کے باعث سیاحت میں بڑی حد تک کمی واقع ہوئی۔ساتھ ہی برازیل کے ایسے عجائب گھر جسے کافی لوگوں کی جانب سے نظر انداز کیا جاتا اس کے جلنے کے بعد برازیلی ورثے کو تباہ کن تنائج کا سامنا کرنا پڑسکتا ہے۔

شوبز

کنگنا کی فلم ریلیز سے پہلے ہی کیا گل کھلاگئی

ممبئی (ویب ڈیسک)بولی وڈ ‘کوئین’ کنگنا رناوٹ کی آنے والی فلم اگرچہ ابھی ریلیز ہی نہیں ہوئی، تاہم وہ پہلے ہی تنازعات کا شکار ہوگئی ہے۔جہاں اس فلم پر ریاست راجستھان کے برہمن گروپ ’سروا برہمن مہاسابھا‘ نے الزام عائد کر رکھا ہے کہ فلم میں ان کی رانی یعنی ’جھانسی کی رانی‘ کے نامناسب سین ہیں، وہیں اس فلم کی کاسٹ، ڈائریکٹر اور شوٹنگ پر بھی تنازعات کی خبریں سامنے آتی رہتی ہیں۔
کچھ دن قبل ہی 31 اگست کو یہ خبر سامنے آئی تھی کہ فلم کے مرکزی اداکار سونو سود نے کنگنا رناوٹ کے غلط رویے کی وجہ سے فلم سے علیحدگی اختیار کرلی ہے، اب وہیں یہ خبر بھی آئی ہے کہ اداکارہ نے فلم کی ڈائریکٹر شپ پر قبضہ کرتے ہوئے ہدایت کار کو بھی فلم سے الگ ہونے پر مجبور کردیا۔جی ہاں، کنگنا رناوٹ پر الزام ہے کہ انہوں نے پہلے پہل فلم ‘منی کارنیکا: دی کوئین اف جھانسی’ کے اسکرپٹ پر قبضہ کیا، بعد میں انہوں نے پروڈیوسرشپ بھی قبضہ کیا اور اب انہوں نے ڈائریکٹر شپ پر قبضہ کرتے ہوئے ہدایت کار کو فلم سے الگ ہونے پر مجبور کردیا۔
اگرچہ کچھ دن قبل فلم کی شوٹنگ کے کلپ بورڈ کی لیک ہونے والی تصویر کے بعد یہ کہا جا رہا تھا کہ کنگنا رناوٹ ہی فلم کی ہدایت کارہ ہیں، تاہم بعد ازاں انہوں نے ان الزامات کو مسترد کیا تھا۔لیکن اب نشریاتی ادارے ‘بولی وڈ ہنگامہ’ نے اپنی میں فلم کی ٹیم میں شامل ایک شخص کا حوالہ دیتے ہوئے دعویٰ کیا ہے کہ کنگنا رناوٹ نے فلم کی ہدایت کاری پر بھی قبضہ کرلیا۔فلم کے سیٹ سے لیک ہونے والی تصویر میں کنگنا رناوٹ کا نام ڈائریکٹر کے خانے میں درج تھا—فوٹو: ہندوستان ٹائمز
فلم کے سیٹ سے لیک ہونے والی تصویر میں کنگنا رناوٹ کا نام ڈائریکٹر کے خانے میں درج تھا—فوٹو: ہندوستان ٹائمز
رپورٹ میں بتایا گیا ہے کہ کنگنا رناوٹ کی جانب سے فلم کی ہدایت کاری پر قبضہ کیے جانے کے بعد فلم کے اصل ہدایت کار کرش نے خود کو فلم سے الگ کرلیا۔رپورٹ کے مطابق کرش نے فلم کے بہت سارے حصے کی ہدایات دیں ہیں اور فلم کو بہت اچھے انداز میں فلمایا ہے، تاہم اب اداکارہ نے ان کی ہی محنت کو اپنا نام دینے کے لیے ہدایت کاری پر قبضہ کرتے ہوئے فلم کی شوٹنگ کو اپنی مرضی سے آگے بڑھایا ہے۔
رپورٹ میں دعویٰ کیا گیا ہے کہ کنگنا رناوٹ کے اس عمل کے بعد ہدایت کار کرش نے خود کو فلم سے الگ کرلیا۔کرش نے خود کو فلم سے الگ کرلیا—فوٹو: بولی وڈ ہنگامہ کرش نے خود کو فلم سے الگ کرلیا—فوٹو: بولی وڈ ہنگامہ رپورٹ میں ہدایت کار کرش کے حوالے سے بتایا گیا کہ اداکارہ نے پہلے پہل فلم کے اسکرپٹ بعد ازاں پروڈیوسرشپ اور اب ڈائریکٹر شپ بھی قبضہ کرلیا۔خیال رہے کہ کچھ دن قبل فلم کی شوٹنگ کے کلپ بورڈ کی سامنے آنے والی تصویر میں ڈائریکٹر کے باکس میں کنگنا رناوٹ کا نام لکھا ہوا تھا، جس کے بعد یہ خبریں آئیں کہ اداکارہ نہ صرف فلم میں اداکاری کر رہی ہیں، بلکہ وہ اس کی ہدایات بھی دے رہی ہیں۔تصویر سامنے آنے کے ایک دن بعد ہی فلم کے مرکزی اداکار سونو سود نے کنگنا رناوٹ کے رویے سے تنگ آکر خود کو فلم سے الگ کرلیا تھا۔یہ خبریں تھیں کہ کنگنا رناوٹ اداکار کو شوٹنگ کے لیے تنگ کر رہی ہیں، ساتھ ہی انہوں نے ان کے کردار کو بھی مختصر کردیا۔اگرچہ کنگنا رناوٹ کی ٹیم نے یہ بیان جاری کیا تھا کہ انہوں نے فلم کی ہدایت کاری پر قبضہ نہیں کیا۔تاہم بعد ازاں سامنے آنی والی رپورٹ کنگنا رناوٹ کے حوالے سے بتایا گیا کہ رپورٹس کے مطابق کنگنا رناوٹ کا کہنا تھا کہ سونو سود ایک خاتون فلم ڈائریکٹر سے خوف زدہ ہوگئے اور ان کے ماتحت کام نہیں کرنا چاہتے۔سونو سود نے فلم میں مرکزی کردار ادا کیا ہے—فوٹو: کیچ نیوزسونو سود نے فلم میں مرکزی کردار ادا کیاہے—فوٹو: کیچ نیوزبعد ازاں سونو سود نے ان بیانات کو مسترد کرتے ہوئے کہا تھا کہ اب یہ خبر بھی آئی ہے کہ کنگنا رناوٹ نے فلم کی ہدایت کاری پر قبضہ کرتے ہوئے ڈائریکٹر کو بھی فلم سے الگ ہونے پر مجبور کردیا۔ایسے تنازعات کی وجہ سے ہی فلم کی شوٹنگ تاحال مکمل نہیں ہوئی اور 2017 کاآغاز سے ہی اس کی شوٹنگ جاری ہے۔
پہلے کہا جا رہا تھا کہ فلم کو 2018 کے وسط تک ریلیز کیا جائے گا، بعد ازاں اسے رواں برس کے آخر تک ریلیز کیے جانے کا بھی اعلان کیا گیا۔تاہم اب خبریں ہیں کہ فلم کی شوٹنگ مکمل نہیں ہوئی، اس وجہ سے اسے آئندہ برس 25 جنوری کو ریلیز کیے جانے کا امکان ہے۔فلم میں کنگنا رناوٹ نے ‘جھانسی کی رانی’ کا کردار ادا کیا ہے۔فلم پر جھانسی کی رانی کے پیروکار برہمن گروپ نے بھی الزامات عائد کر رکھے ہیں۔
برہمن گروپ نے فلم کی ٹیم کو وارننگ دے رکھی ہے کہ فلم سے جھانسی کی رانی کے انگریزوں کے ساتھ فلمائے گئے رومانوی مناظر خارج کیے جائیں، دوسری صورت میں بھارت بھر میں مظاہرے کیے جائیں گے۔ادھر کنگنا رناوٹ اور فلم کی ٹیم نے کہا ہے

صحت

ایسا آلہ بھی آگیا کہ سونا 2منٹ میں ممکن

امریکہ (ویب ڈیسک)اکثر افراد کو رات کو سونے کے لیے لیٹنے کے بعد نیند نہ آنے کے مسئلے کا سامنا ہوتا ہے اور وہ کروٹیں بدلتے رہتے ہیں، مگر اس کا حل سامنے آگیا ہے۔درحقیقت امریکی فوج کی ایک ایسی خفیہ تیکنیک سامنے آئی ہے جو محض 2 منٹ کے اندر سلانے میں مدد دیتی ہے۔اس حوالے سے ایک کتاب سامنے آئی ہے جس میں یہ طریقہ کار دیا گیا ہے جو کہ شائع تو 1981 میں ہوئی تھی مگر یہ تیکنیک اب آن لائن کی گئی۔اس تیکنیک کا مقصد مشکل حالات یعنی میدان جنگ میں بھی فوجیوں کو سونے کے قابل بنانا ہے اور 6 ہفتوں کی مشق سے ہی 96 فیصد کامیابی ممکن ہے۔یہ تیکنیک مسلز ریلیکس، سانس لینے اور تصور کرنے پر مبنی ہے۔بے خوابی دنیا بھر کا بڑا مسئلہ ہے جو کہ ایک تہائی بالغ مردوں و خواتین کو درپیش ہوتا ہے۔اس تیکنیک کے لیے سب سے پہلے اپنے چہرے بشمول زبان، جبڑے اور آنکھوں کے ارگرد موجود مسلز کو ریلیکس کرنا ہوتا ہے۔اس کے بعد کندھے کندھوں کو آگے کی جانب جھکائیں جس کے بعد ایک طرف کے ہاتھ کے اوپری اور زیریں حصے کو ریلیس کریں اور پھر یہی کام دوسرے ہاتھ کے ساتھ کریں۔اس کے بعد سانس کو خارج کرکے سینے کو ریلیس کریں۔آخر میں رانوں سے شروع کرکے ٹانگ کے نچلے حصے کو ریلیکس کریں۔جب 10 سیکنڈ میں جسم ریلیکس ہوجائے تو اس کے بعد اپنے ذہن کو صاف کریں اور ذہن میں لائیں کہ آپ کسی پرسکون جھیل میں کھڑی کشتی میں لیٹے ہیں اور آپ کے سامنے نیلا آسمان ہے۔اگر ہوسکے تو اپنے ذہن میں یہ گردان کریں کہ میں کچھ نہیں سوچ رہا، کچھ نہیں سوچ رہا، کچھ نہیں سوچ رہا، ایسا 10 سیکنڈ تک کریں۔

صحت

باربی کیو کے تِکے، آپ کو جان سے ہاتھ نہ دھونا پر جائے

لندن (ویب ڈیسک)کیا آپ کو باربی کیو پسند ہیں تو یہ عادت آپ کو دل کی بیماریوں کا شکار کرسکتی ہے۔جی ہاں کھانے کو کوئلے یا لکڑی پر بنانا امراض قلب کا خطرہ بڑھانے کا باعث بنتا ہے۔یہ بات برطانیہ میں ہونے والی ایک طبی تحقیق میں سامنے آئی۔آکسفورڈ یونیورسٹی کی تحقیق میں بتایا گیا کہ باربی کیو کے شوقین افراد میں ہارٹ اٹیک، ہارٹ فیلیئر یا فالج کا خطرہ 12 فیصد تک بڑھ جاتا ہے، جس کی وجہ گوشت کو کوئلوں یا لکڑی میں پکانا ہوتا ہے۔اس سے پہلے مختلف طبی تحقیقی رپورٹس میں بتایا گیا تھا کہ گوشت کو باربی کیو کی شکل میں پکانا اس میں ایسے زہریلے کیمیکلز کے اخراج کا باعث بنتا ہے جو کہ جلد، پھیپھڑوں اور مثانے کے کینسر کا باعث بن سکتا ہے۔تحقیق کے مطابق ہفتے میں ایک بار گرم کوئلوں پر بنی غذا کا استعمال صحت کو نقصان پہنچانے کے لیے کافی ہے۔اس سے قبل امریکا کی ہارورڈ یونیورسٹی کی تحقیق میں بتایا گیا تھا کہ جو لوگ گوشت کو سیخوں میں بھوننا یا روسٹ شکل میں ہی کھانا پسند کرتے ہیں، ان میں بلڈ پریشر بڑھنے کا خطرہ دیگر افراد کے مقابلے میں 17 فیصد زیادہ ہوتا ہے۔تحقیق کے مطابق مہینے میں 15 بار کسی بھی قسم کے گوشت کو اس شکل میں کھانا یہ خطرہ بڑھاتا ہے۔تحقیق میں یہ بات بھی سامنے آئی کہ زیادہ درجہ حرارت میں گوشت پکانے سے اس میں موجود پروٹین ایسے کیمیکلز خارج کرتا ہے جو کہ فشار خون کا خطرہ بڑھاتے ہیں۔محققین کا کہنا تھا کہ زیادہ آنچ پر پکنے پر گوشت سے جسم کے اندر تکسیدی تنا?، ورم اور انسولین کی مزاحمت پیدا ہوسکتی ہے جو کہ آگے بڑھ کر ہائی بلڈ پریشر کا خطرہ بڑھا دیتا ہے۔یہ تکسیدی تنا، ورم اور انسولین کی مزاحمت خون کی شریانوں کے اندرونی حصوں کو متاثر کرتے ہیں اور ایتھیروسلی روسس کا باعث بن سکتا ہے، یہ مرض امراض قلب کا خطرہ بڑھاتا ہے جبکہ شریانوں کو تنگ کرتا ہے۔اس تحقیق کے دوران ایک لاکھ سے زائد ایسے مردوں و خواتین کا جائزہ لیا گیا جو کہ گائے، چکن یا مچھلی کا گوشت اکثر کھانے کے عادی تھے۔محققین نے بتایا کہ نتائج سے عندیہ ملتا ہے کہ ہائی بلڈ پریشر جیسے مرض کا خطرہ کم کرنے کا بہترین طریقہ کار یہ ہے کہ وہ غذا کو تیز آنچ بشمول باربی کیو یا گرلنگ وغیرہ سے گریز کریں یا بہت کم کھائیں۔اس تحقیق کے نتائج امریکن ہارٹ ایسوسی ایشن کی کانفرنس کے دوران پیش کیے گئے۔