پرتھوی شا ڈیبیو پر سنچری بنانے والے سب سے کم عمر بھارتی بلے باز

راجکوٹ (ویب ڈیسک)نوجوان بھارتی بلے باز پرتھوی شا نے ویسٹ انڈیز کے خلاف پہلے ٹیسٹ میچ میں سنچری اسکور کر کے ڈیبیو پر سنچری اسکور کرنے والے سب سے کم عمر بھارتی بلے باز بن گئے۔ویسٹ انڈیز کے خلاف راجکوٹ میں کھیلے جا رہے ٹیسٹ میچ میں لوکیش راہل کے جلد آو¿ٹ ہونے کے بعد پرتھوی شا نے چتیشور پجارا کے ہمراہ دوسری وکٹ کے لیے 206 رنز کی شراکت قائم کرتے ہوئے سنچری اسکور کر کے یہ کارنامہ انجام دیا۔نوجوان بلے باز نے اپنے کیریئر کی پہلی ٹیسٹ اننگز کے دوران صرف 99 گیندوں پر سنچری مکمل کی اور بھارت کی جانب سے ڈیبیو پر سنچری اسکور کرنے والے سب سے نوجوان کرکٹر بن گئے۔شا پہلے دن چائے کے وقفے سے چند گیندوں قبل دویندرا بشو کی گیند پر وکٹیں گنوا بیٹھے لیکن آو¿ٹ ہونے سے قبل انہوں نے 154 گیندوں پر 134رنز بنائے۔آئندہ ماہ 9نومبر کو 19 سال کے ہونے والے پرتھوی شا بھارت کی جانب سے سنچری بنانے والے دوسرے کم عرم ترین بلے باز بھی بن گئے، ان سے قبل یہ اعزاز سابق عظیم بلے باز سچن ٹنڈولکر کے پاس تھا جنہوں نے 1990 میں 17سال 112دن کی عمر میں انگلینڈ کے خلاف مانچسٹر کے مقام پر سنچری اسکور کر کے یہ ریکارڈ قائم کیا تھا جو اب تک انہی کے نام ہے۔
\\