اسلام آباد(آئی این پی ) پاکستانی کرکٹ اسٹار شعیب ملک اور بھارتی ٹینس اسٹار ثانیہ مرزا نے حال ہی میں مداحوں کو نہایت منفرد انداز میں اپنے والدین بننے کی خوشخبری سنا نے پر ایک بھارتی صحافی راج دیپ سردیسائی نے بھی ٹوئٹر پر ثانیہ مرزا کو مبارک باد دی جس پر دونوں کے درمیان ہلکی پھلکی نوک جھونک نظر آئی۔بھارتی صحافی نے ثانیہ کو مخاطب کرکے لکھاکہ سیٹل ہونے پر مبارکباد، ساتھ ہی انہوں نے ٹینس اسٹار کی فیملی کے لیے نیک خواہشات کا اظہار بھی کیا۔جواب میں ثانیہ مرزا نے بھارتی صحافی کا شکریہ ادا کیا اور ساتھ ہی تصحیح کرتے ہوئے لکھاکہ سیٹل تو میں کب کی ہوگئی تھی ،ہاں ماں اب بن رہی ہوں۔واضح رہے کہ 2016 میں بھارتی صحافی راج دیپ سر دیسائی کو ثانیہ مرزا سے انٹرویو میں صنفی امتیاز پر مبنی سوال کرنے پر تنقید کا سامنا کرنا پڑا تھا۔

کولمبو (اے پی پی) سری لنکن وزارت کھیل کی تنقید کے بعد سری لنکا کرکٹ بورڈ کے انتخابات ملتوی کر دیئے گئے، ابتدائی شیڈول کے تحت انتخابات کیلئے 19 مئی کی تاریخ مقرر کی گئی تھی لیکن اب انتخابات جون کے آخر میں یا جولائی میں ہوں گے۔ سری لنکن وزارت کھیل کی طرف سے جاری کردہ بیان کے مطابق سری لنکا کرکٹ بورڈ نے انتخابات کے طریقہ کار کی خلاف ورزی کی ہے، کھیلوں کے قوانین کے تحت غیرمعمولی جنرل اجلاس میں سری لنکن کرکٹ اراکین کی منظوری کے بعد الیکشن کمیٹی تشکیل دی جا سکتی ہے جبکہ سری لنکا بورڈ نے ایگزیکٹو کمیٹی کے اجلاس میں الیکشن کمیٹی تشکیل دی اسلئے ہم نے سری لنکا کرکٹ کو کاغذات نامزدگی روکنے کی ہدایت کی ہے۔ سری لنکا کرکٹ بورڈ نے اس بات کی تصدیق کرتے ہوئے کہا ہے کہ سری لنکا کرکٹ کے آئین کے تحت وہ بہت جلد غیرمعمولی جنرل اجلاس طلب کریں گے۔

لاہور(آئی این پی ) قومی ٹیم کے فاسٹ با ﺅ لر محمد آصف پاکستان کرکٹ بورڈ کیخلاف پھٹ پڑے۔ایک انٹر ویو کے دوران انہوں نے کہا کہ پی سی بی نے دوہرا معیار اپنا رکھا ہے،کرکٹ بورڈ نے ٹی ٹونٹی کی ٹیم ٹیسٹ کرکٹ کھیلنے کیلئے انگلینڈ بھیج دی گئی ہے اور اب اس سے جیت کی توقع رکھی جارہی ہے۔35سالہ محمد آصف کا کہنا تھا کہ میں قائد اعظم ٹرافی کے سات میچز میں 45 وکٹیں لینے والا کھلاڑی ہوں ،مجھے مسلسل نظرانداز کرنا سمجھ سے بالاتر ہے۔ محمد آصف اب تک 99فرسٹ کلاس میچز میں 23.34کی اوسط سے 423شکار کرچکے ہیں ۔ پی سی بی نے دوہرا معیار اپنا رکھا ہے۔محمد آصف نے لاہور نیوز سے گفتگو میں کہا کہ ٹی ٹونٹی کی ٹیم ٹیسٹ کھیلنے کیلئے انگلینڈ بھیج دی گئی ہے اور توقع جیتنے کی جارہی ہے۔میں سات میچز میں 45 وکٹیں لینے والا کھلاڑی ہوں ،مجھے مسلسل نظرانداز کرنا سمجھ سے بالاتر ہے۔

لندن (بی این پی ) انگلش کرکٹ ٹیم کے کپتان جو روٹ نے رواں سیزن کے دوران بڑے اسکورز پر نگاہیں مرکوز کر دی ہیں جو پاکستان کیخلاف سیریز سے بطور بیٹسمین اگلے لیول پر جانے کی خواہش رکھتے ہیں۔ جو روٹ سردیوں میں آسٹریلیا اور نیوزی لینڈ کیخلاف ناکامیوں کو حقیقی معنوں میں بڑے اسکورز سے دھندلانا چاہتے ہیں۔ کیونکہ انہیں اس بات کا اندازہ ہے کہ انہیں اپنی نصف سنچریوں کو سنچریوں میں بدلنے کے حوالے سے بہتری درکار ہے۔لیڈنگ فرام دی فرنٹ کی مثال بننے کیلئے کاو¿نٹی چیمپئن شپ کے دو میچوں میں بھرپور مشق کا سہارا لینے والے انگلش کپتان کا کہنا تھا کہ وہ بڑے اسکورز کی بدولت ہی ساتھی کھلاڑیوں کیلئے مثال بن سکتے ہیں۔ ان کا کہنا تھا کہ فتوحات کا حصہ بننے کیلئے 70 یا 80 رنز ناکافی ہوتے ہیں لہٰذا ان کی کوشش ہوگی کہ بڑی اننگز کھیلی جائیں۔جو روٹ نے مثال دیتے ہوئے کہا کہ اگر عالمی سطح پر دیکھا جائے تو اسٹیون اسمتھ،کین ولیمسن اور ویرات کوہلی اپنی ٹیموں کی قیادت کرتے ہوئے خود کو بلند معیار پر لے جاتے ہیں اور انگلش کپتان کی حیثیت سے انہیں بھی ایسا ہی کرنا چاہئے اور ان پلیئرز کی مثال سامنے رکھنا انہیں کافی حد تک متحرک کردے گا۔ واضح رہے کہ 27 سالہ جو روٹ نے گزشتہ اگست میں ویسٹ انڈیز کیخلاف اپنی آخری سنچری کے بعد 9 مرتبہ نصف سنچری کا مرحلہ پار کیا جس میں سے سات مرتبہ یہ کارنامہ سردیوں میں انجام دیا گیا اور ایک مرتبہ سڈنی میں وہ ناٹ ا?و¿ٹ بھی رہے لیکن انہیں اس دوران سنچری تک رسائی کا موقع نہیں مل سکا۔ جو روٹ کو یقین ہے کہ اگر وہ اسی انداز سے اپنی اننگز کو مزید آگے بڑھائیں تو ٹیم کیلئے مددگار ثابت ہو سکتے ہیں۔

کینٹبری(سپورٹس ڈ یسک ) کینٹ کیخلاف 4 روزہ ٹورمیچ کے پہلے روز قومی بلے بازو ں کاناقص کھیل،پوری ٹیم محض 168 رنزبناکرپویلین لوٹ گئی ۔ امام الحق کے علاوہ کوئی بھی بلے بازوکٹ پر زیادہ دیر نہ ٹھہرسکا۔سمیع اسلم 13 ، اظہر علی 15 ، اسدشفیق 17 ، بابراعظم11،کپتان سرفراز احمد 4 رنز پر چلتے بنے۔امام الحق 61 رنز بنا سکے۔ویل گڈمین نے 5 کھلاڑیوں کو چلتا کیا ۔ کینٹبری گراﺅنڈمیں کھیلے جانیوالے میچ میں قومی ٹیم کے کپتان سرفرازاحمدنے ٹاس جیت کر پہلے بیٹنگ کافیصلہ کیا مگر قومی بلے بازوں نے انتہائی ناقص کھیل کامظاہرہ کیا اورکوئی بھی بلے بازخاطرخواہ سکورمیں اضافہ نہ کرسکا۔سمیع اسلم اوراظہرعلی نے قومی ٹیم کی جانب سے اننگز کا آغاز کیا ۔ 28 رنزپرپاکستان کو پہلانقصان اٹھانا پڑاجب اظہرعلی15رنز بناکرگڈمین کانشانہ بنے ۔ 28کے سکورپر ہی ٹیم کی دوسری وکٹ بھی گری اورسمیع اسلم 13رنزبناکرپویلین لوٹ گئے ۔ حارث سہیل اورامام الحق نے سکور53رنزتک پہنچایا تو حارث بھی ساتھ چھوڑگئے وہ صرف 5 رنز بنا سکے ۔ چوتھی وکٹ کی شراکت میں امام الحق اوراسدشفیق کے درمیان 48رنزکی شراکت قائم ہوئی ۔ اسد شفیق 17 رنز بنا کر آﺅٹ ہوئے۔بابراعظم بھی صرف 11 رنز بنا سکے ۔ کپتان سرفراز4رنزپرچلتے بنے ۔ شاداب 7 اور محمد عامر 4 رنزکرسکے۔حسن علی نے 11 گیندوں پر 24 رنز کیے۔راحت علی صفرپرناٹ آﺅٹ رہے۔ویل گڈمین نے 47رنزدیکر5کھلاڑیوں کوپویلین بھیجا۔ہیری پوڈ مور اورکیلم ہیگٹ نے2،2کھلاڑیوں کوآﺅٹ کیا۔

ممبئی(سی پی پی) بھارتی کرکٹ بورڈ پر ویرات کوہلی کو 14 جون کو بنگلور میں افغانستان کیخلاف شیڈول ٹیسٹ میں کھلانے کیلئے دبا بڑھنے لگا۔بی سی سی آئی حکام کوہلی کوافغان ٹیم کے خلاف ٹیسٹ میچ میں حصہ لین بنانے کے خواہاں ہیں لیکن سپریم کورٹ کی مقررہ کردہ کمیٹی چاہتی ہے کہ ویرات کوہلی ورئہ انگلینڈ کے پیش نظرکنڈیشنز سے ہم آہنگ ہونے کےلئے افغان ٹیم کےخلاف میچ کے دوران کاﺅ نٹی میچوں میں حصہ لیں۔ذرائع کے مطابق اعلیٰ حکام کی جانب سے بی سی سی آئی آفیشلز پر دبا ﺅآرہا ہے کہ افغان ٹیم کوہلی کی عدم شرکت کو اپنی بے عزتی خیال کرسکتی ہے، لہذا اس تاریخی میچ میں ان کی شرکت ضروری ہونی چاہیے، انھیں نہ کھلانا براڈ کاسٹر کے ساتھ بھی غیرمنصفانہ بات ہوگی۔

کراچی (بی این پی ) کیریبین پریمیئر لیگ کیلئے سینٹ لوسیا اسٹارزنے پاکستانی فاسٹ بالر رومان رئیس کی خدمات حاصل کرلیں۔ انہیں ٹورنامنٹ کے دوران ویسٹ انڈین آل راو¿نڈر ڈیرن سیمی، کائیرون پولارڈ ، لینڈل سمنز سمیت دیگر اسٹار کھلاڑیوں کے ساتھ ڈریسنگ روم شیئر کرنے کا موقع ملے گا۔