فلم سنجو کے لئے رنبیر کپور سے بہتر انتخاب نہیں ہو سکتا تھا، کرینہ کپور

ممبئی(شوبزڈےسک )بالی وڈ اداکارہ کرینہ کپور خان نے کہا ہے کہ اداکار سنجے دت کی زندگی پر بننے والی فلم سنجو کے لئے اداکار رنبیر کپور سے بہتر انتخاب کوئی نہیں ہو سکتا تھا۔ بھارتی ذرائع ابلاغ کے مطابق اداکارہ کرینہ کپور خان نے فلم سنجو کے ٹیزر اور اداکار رنبیر کپور کی اداکاری کو سراہتے ہوئے کہا کہ اداکار سنجے دت کی زندگی پر بننے والی فلم سنجو کے لئے اداکار رنبیر کپور سے بہتر انتخاب کوئی نہیں ہو سکتا تھا اور ان کے کزن رنبیر کپور نے فلم میں عمدہ اور باکمال انداز میں لیجنڈری اداکار سنجے دت کی تصویر کھینچی ہے جس پر مجھے ان کی بہن ہونے پر فخر ہے۔ہدایتکار راج کمار ہیرانی کی فلم سنجو کی کاسٹ میں اداکارہ منیشا کوئرالہ، دیا مرزا، انوشکا شرما، سونم کپور، وکی کوشال اور دیگر شامل ہیں۔ فلم رواں سال 29جون کو ریلیزکی جائے گی۔