اسلام آباد(ویب ڈیسک) پاکستان تحریک انصاف کے چیئرمین عمران خان کا کہنا ہے کہ بلین ٹری سونامی منصوبہ ہمارا فخر ہے جس پر تنقید صرف اس لیے ہورہی ہے کیونکہ یہ پروجیکٹ پی ٹی ا?ئی نے شروع کیا۔سماجی رابطے کی ویب سائٹ ٹوئٹر پر پی ٹی آئی چیئرمین عمران خان کا کہنا ہے کہ بلین ٹری سونامی منصوبہ ہمارا فخر ہے، یہ پہلا ماحولیاتی منصوبہ ہے جسے پوری دنیا میں پذیرائی مل رہی ہے اور لوگ منصوبے پر محض اس لئے حملے کررہے ہیں کہ اسے تحریک انصاف نے شروع کیا۔عمران خان نے کہا کہ منصوبے پرمحض اس لئے حملے کرنا کہ اسے تحریک انصاف نے شروع کیا یہ کہاں کی عقلمندی ہے، ٹمبرمافیا نے سندھ اور پنجاب کے جنگلات پر قبضہ کرکے انہیں تباہ و برباد کردیا ہے، جب کہ تاریخ کی سب سے بڑی شجرکاری مہم پرحملوں کے بجائے پنجاب اورسندھ کے جنگلات کی فکرکرنی چاہیئے۔

فیصل آباد(ویب ڈیسک) فیصل آباد میں لیپ ٹاپ تقسیم کرنے کی تقریب سے خطاب کے دوران ان کا کہنا تھا کہ ووٹ کی حرمت کا تحفظ ہم سب کی ذمہ داری ہے ، اسے قومی فریضہ سمجھ کر انجام دیں ، ذاتی مفادات کیلئے کبھی ووٹ کی طاقت کو استعمال نہ کریں۔ نہوں نے کہا کہ سیاست گالی اور تصادم کا نام نہیں بلکہ محبت اور خدمت کا نام ہے، وزیر اعظم گالیوں سے نہیں بلکہ عوامی خدمت کرنے سے بنتے ہیں۔ وزیر خارجہ خواجہ آصف نے کہا ہے کہ پاکستان نے جانیں دے کر امن کی خواہش کو عملی جامہ پہنایا، آج بھی افغان سرزمین سے دہشتگرد ہماری سرحدوں کو نشانہ بنا رہے ہیں۔

لاہور (خصوصی رپورٹ) تحریک انصاف کی منحرف رکن قومی اسمبلی عائشہ گلالئی نے خود کو سیاسی میدان میں (ان) رکھنے کیلئے تمام جماعتوں کی پالیسیوں کو شدید تنقید کا نشانہ بنانے کی حکمت عملی اختیار کرلی۔ ذرائع کے مطابق تحریک انصاف نے خود کو الگ کرنے اور (ن) لیگ میں انٹری نہ ہونے کے بعد عائشہ گلالئی نے غصے میں آ کر (ن) لیگ پر سیاسی طور پر خطرناک حملہ کردیا اور اس کے بعد وہ خیبر پختونخوا میں جماعت اسلامی، جے یو آئی (ف) کے ساتھ ساتھ اے این پی اور پیپلزپارٹی کی پالیسیوں کو بھی شدید تنقید کا نشانہ بنائیں گی اور سیاست کے میدان میں لوگوں کی توجہ حاصل کریں گی۔ دوسری طرف ن لیگ کے ذرائع کا دعویٰ ہے کہ عائشہ گلالئی نے ن لیگ میں شامل ہونے کی کوشش کیں اور اس کے لیے ن لیگ کے امیر مقام سمیت دیگر لوگوں نے بھی دوڑ دھوپ کی مگر نواز شریف نے اس کی مخالفت کر دی جس کے بعد عائشہ گلالئی (ن) لیگ سے سخت ناراض ہوگئیں۔ اسی وجہ سے ان کی جانب سے جمعہ کے روز ن لیگ پر شدید تنقید کی گئی۔

کراچی (ویب ڈیسک)چیف جسٹس میاں ثاقب نثار کی سربراہی میں جسٹس فیصل عرب اور جسٹس سجاد علی شاہ پر مشتمل لارجر بینچ نے سپریم کورٹ کراچی رجسٹری میں کیس کی سماعت کی ، چیف جسٹس نے کہا تعلیم ، قیادت اور مضبوط عدلیہ کے بغیر کوئی ملک ترقی نہیں کر سکتا ،یہ سب ہو ں تو کرپشن ختم ہوجائے ، مقامی این جی او کے وکیل نے آگاہ کیا کہ آئین کی دفعہ25اے کے تحت مفت تعلیم کی فراہمی ریاست کی ذمہ داری ہے۔ڈبوں میں پیک دودھ سے متعلق کیس کی سماعت کے دوران سپریم کورٹ نے ڈے فریش اور نور پور دودھ کی فروخت سے پابندی اٹھالی ، چیف جسٹس نے دودھ سے پابندی اٹھانے کیلئے سفارش کر انے پر کمپنی پر برہمی کا اظہار کرتے ہوئے کہا ا?پ کی جرات کیسے ہوئی؟ آپ آرمی والوں سے سفارش کرائیں ، آپ کا ادارہ آرمی والوں کا ہے تو ہم کیا کریں وکیل نے کہا ہوگا ،اتنے پیسے دو، کام ہو جائے گا ،ہم کسی سے نہیں ڈرتے ، یہ فوج کا ادارہ ہو یا کسی اور کا،ہمیں فرق نہیں پڑتا ، عدالت نے ڈے فریش کمپنی کو حکم دیا کہ3 یوم میں الیکٹرانک اور پرنٹ میڈیا پر اشتہار جاری کیاجائے کہ 4 جنوری سے پہلے کی پراڈکٹ نہ خریدی جائے ،چیف جسٹس نے نور پور کمپنی کے افسر سے کہا آپ بھی اپنے بچوں کو نور پور دودھ پلائیں گے ،آئندہ سماعت پر آپ سے معلوم کروں گا۔نجی میڈیکل کالجوں میں داخلوں اور بھاری فیسوں سے متعلق کیس کی سماعت کے۔دوران سپریم کورٹ نے نجی میڈیکل کالجوں کی رجسٹریشن پالیسی مرتب کرنے کی ہدایت کرتے ہوئے ایک ہفتے میں رپورٹ طلب کرلی۔ معاملات کو بہتر بنانے کے لئے ریگولیٹری باڈی بنائی جائے ،عدالت نے ڈائریکٹر جنرل ہیومن رائٹس معاون مقرر کرتے ہوئے 3یوم میں رپورٹ طلب کرلی۔