بنکاک (خصوصی رپورٹ) تھائی لینڈ میں افزائش آبادی کیلئے شہریوں میںمحبت کی گولیاں تقسیم کی گئیں۔ غیر ملکی میڈیا کے مطابق تھائی حکومت افزائش آبادی کیلئے شہریوں میں ٹیکسوں میں چھوٹ اور نقد اِنعامات جیسے طریقے تھائی لینڈ کی حکومت کی طرف سے آبادی کے فروغ کے لیے پرکشش حربوں کے طورپر استعمال ہوتے رہے ہیں۔ مگر حال ہی میں تھائی حکومت نے افزائش آبادی کے لیے ویلنٹائن ڈے کے موقع پر وٹامن گولیاں بھی شہریوں میں تقسیم کرائی گئیں۔ایشیائی ممالک میں تھائی لینڈ معمر افراد کا ملک بنتا جا رہا ہے۔ جہاں بچوں کی شرح پیدائش بہت کم رہ گئی ہے۔ 1960ءاوسطاً ایک تھائی عورت چھ بچوں کو جنم دیتی تھی اور اب یہ شرح اوسطا 1.5 پر آ گئی ہے۔ بنکاک کے محکمہ صحت کے حکام کا کہنا ہے کہ شہریوں میں فولک ایسڈ اور آئرن گولیاں تقسیم کی گئیں۔ یہ گولیاں محبت کے عالمی دن کے موقع پر خوبصوت تحائف کی شکل میں پیش کی گئی۔ ان گولیوں کے ساتھ ساتھ ان کے استعمال کی احتیاطی تدابیر پر مشتمل ہدایات بھی دی گئی ہیں۔ اس اقدام کا مقصد تھائی خواتین کو زیادہ بچے جنم دینے کی طرف راغب کرنا کرنا ہے۔ ماضی میں تھائی لینڈ میں جنسی امور پر بحث کو ممنوع سمجھا جاتا تھا مگر اب یہ موضوع کافی حد تک تبدیل ہو چکا ہے اور لوگ کھلے عام سیکس پر بات کرتے دکھائی دیتے ہیں۔جہاں ایک طرف تھائی حکومت زیادہ بچے پیدا کرنے کی پالیسی کو فروغ دے رہی ہے وہیں ماہرین صحت نے خبردار کیا ہے کہ افزائش آبادی کے لیے اختیار کردہ مختلف طریقوں کے طبی فوائد ونقصانات کے بارے میں شہریوں میں آگاہی پیدا کرنا بھی ضروری ہے ورنہ زیادہ بچوں کا شوق صحت کے مسائل بھی پیدا کر سکتا ہے۔
محبت کی گولیاں
