آفریدی نے میری کرکٹ میں واپسی کیلئے رکاوٹ ڈالی،سلمان بٹ

لاہور(سی پی پی )2010کے سپاٹ فکسنگ کیس کے مرکزی کردار اور قومی ٹیم کے سابق کپتان سلمان بٹ کا کہنا ہے کہ آل رانڈر شاہد آفریدی نے میری انٹرنیشنل کرکٹ میں واپسی کیلئے رکاوٹ ڈالی تھی ۔ 34سالہ سلمان بٹ کا کہنا تھا کہ ورلڈٹی ٹونٹی 2016 کے لیے اس وقت کے ہیڈ کوچ وقاریونس نے ٹیم میں شامل کرنیکا فیصلہ کرلیا تھا۔، اس وقت کے چیف سلیکٹر ہارون رشید اور بیٹنگ کوچ گرانٹ فلاور بھی مجھے کھلانے کا حق میں تھے جب کہ ٹیم مینجمنٹ نے مجھے نیشنل کرکٹ اکیڈمی بلا کر نیٹ پریکٹس بھی کرائی۔ اس وقت کے ٹیم کے کپتان شاہد آفریدی میری واپسی کے سخت مخالف ہوگئے۔