لاہور(مانیٹرنگ ڈیسک) سابق ٹیسٹ کلاس کرکٹر طاہر شاہ نے کہا ہے کہ شان مسعودکی پرفارمنس میں بہتری نظرآرہی ہے اوران میں اچھا اوپننگ بلے بازبننے کی صلاحیت موجودہے۔ میں سمجھتا ہوں جنوبی افریقہ کے خلاف میچ میں شان مسعود کا ٹیلنٹ ابھر کر سامنے آیا اس سے قبل سب اسے انڈرایسٹمیٹ کر رہے تھے۔چینل فائیو کے پروگرام گگلی میں گفتگو کرتے ہوئے انہوں نے کہا کہ جب کرکٹ صرف بیس لوگوں کے درمیان گردش کرے گی نئے لوگوں کو چانس نہیں ملے گا تو یہی ہو گا۔فرسٹ کلاس کرکٹ میں اچھے کھلاڑی نہیں آ رہے۔جب کھلاڑی ٹیسٹ کرکٹ میں آتے ہیںتو توجہ نہیں دیتے خود کو سٹار سمجھنے لگتے ہیں۔مکی آرتھر بھی اپنی پسند کے کھلاڑی رکھنا چاہتا ہے۔وکٹ کیپنگ کی طرف بھی توجہ دینے کی ضرورت ہے۔جنوبی افریقہ پلان کے تحت کھیلا جبکہ ہماری ٹیم نے اس کے برعکس کیا۔پاکستانی ٹیم کا بیٹنگ کوچ کھلاڑیوں کی تربیت نہیں کر رہا فخر امام کو باہر بٹھانا چاہئے۔
