لاہور(سپورٹس رپورٹر) مصباح الحق اور احمد شہزاد پی سی بی ڈومیسٹک کرکٹ قاد اعظم ٹرافی گریڈ ٹو میں کھیلیں گے۔ دونوں کھلاڑی فیصل آباد ریجن کی نمائندگی کریں گے ۔پی سی بی ایونٹ آج سے شروع ہو رہا ہے ۔میگاایونٹ میں ٹیموںکو دو گروپوں میں تقسیم کیا گیا ہے ۔ٹورنامنٹ کی فاتح ٹیم اگلے سیزن میں گریڈ ون کرکٹ کھیلے گی۔پابندی کے بعد احمد شہزاد پہلی مرتبہ ایکشن میں دکھای دیں گے۔سابق کپتان مصباح الحقنے کہا ہے کہ میرا مقصد فیصل آباد کو دوبارہ گریڈ ون کے لئے کوالیفائی کرانا ہے۔ احمد شہزاد نے کہا کہ میرے لئے کرکٹ سے دور رہ کر گزشتہ چند ماہ بہت مشکل تھے۔فیصل آباد سے کھیل کر اپنی فارم دوبارہ حاصل کروں گا۔
