لاہور (ویب ڈیسک ) سام سنگ کا پہلا فولڈ ایبل فون باضابطہ طور پر اگلے ماہ متعارف کرایا جارہا ہے مگر ایسا لگتا ہے کہ اس کا جادو چینی کمپنی شیا?می نے توڑنے کا فیصلہ کرلیا ہے۔
جی ہاں یہ کمپنی ‘دنیا کا پہلا ڈبل فولڈنگ فون’ متعارف کرانے والی ہے۔
ویسے تو شیا?می کے فولڈ ایبل فون کی پہلی جھلک رواں ماہ کے شروع میں سامنے آئی تھی جو کہ کافی دنگ کردینے والی تھی۔
مزید پڑھیں : شیاو?می بھی فولڈ ایبل فون متعارف کرانے کے لیے تیار؟
مگر اب شیا?می کے صدر لین بن نے اس کی تصدیق ایک مختصر ویڈیو میں کردی ہے۔
51 سیکنڈ کی یہ ویڈیو چینی سوشل میڈیا سائٹ ویبو میں پوسٹ ہوئی اور اس فولڈایبل فون کو شیا?می ڈوئل فلیکس یا می فلیکس کا نام دیا گیا ہے۔
یہ فون مکمل اوپن ہونے پر ایک چوکور شکل کے ٹیبلیٹ جیسا لگتا ہے جس میں شیا?می کا آپریٹنگ سسٹم موجود ہے، مگر اسے دائیں اور بائیں جانب سے موڑ کر فون کی شکل دی جاسکتی ہے۔
شیا?می کے صدر نے پوسٹ میں بھی فولڈایبل فون کا اعلان کرتے ہوئے کہا ‘ہم دنیا کا پہلا ڈبل فولڈنگ فون بنارہے ہیں جو کہ ٹیبلیٹ اور موبائل فون کا تجربہ فراہم کرے گا’۔
یہ بھی پڑھیں : شیاو¿می کا پہلا 48 میگاپکسل کیمرے والا فون متعارف
ان کا کہنا تھا کہ اگر اس فون کو کامیابی ملی تو پھر ہم مستقبل میں بڑے پیمانے پر اس کی پروڈکشن کریں گے۔
رواں ماہ کے شروع میں بھی شیا?می کے اس فولڈنگ فون سے ملتے جلتے فون کی ویڈیو منظرعام پر آئی تھی جو کہ ٹوئٹر صارف ایون بلاس نے شیئر کی تھی۔
شیا?می کی جانب سے پہلا فولڈایبل فون ممکنہ طور پر اگلے ماہ بارسلونا میں شیڈول موبائل ورلڈ کانگریس کے موقع پر متعارف کرایا جاسکتا ہے۔
اس کمپنی کا ایونٹ 24 فروری کو ہوگا جس میں فائیو جی اسمارٹ فون بھی پیش کیے جانے کا امکان ہے۔
خیال رہے کہ موبائل ورلڈ کانگریس کے موقع پر شیاﺅمی اور سام سنگ کے ساتھ ساتھ موٹرولا کی جانب سے بھی فولڈ ایبل فون متعارف کرائے جانے کا امکان ہے۔
